ཤིན་ཧྭ་གསར་འགྱུར་ཁང་མཉམ་འབྲེལ་རྒྱལ་ཚོགས་ནས་གློག་འཕྲིན་འབྱོར་པ་གཞིར་བཟུང་། ཉེ་ཆར། མཉམ་འབྲེལ་རྒྱལ་ཚོགས་མི་ཆོས་རིང་ལུགས་ལས་དོན་མཐུན་སྦྱོར་གཞུང་དོན་ཁང་གིས“མི་ཆོས་རིང་ལུགས་ཀྱི་དུས་བབ་གསར་སྒྱུར”གྱི་སྙན་ཞུའི་ནང་དབྱི་སི་རལ་གྱིས་མུ་མཐུད་འབར་མདེལ་དབྱུགས་པ་དང་། ཕྱིར་འཐེན་བཀའ་རྒྱ་ཡང་ཡང་བཏང་བ། དེ་བཞིན་རོགས་སྐྱོབ་དངོས་ཟོག་ལ་ཚོད་འཛིན་ཕོག་པ་སོགས་ཀྱིས་རྐྱེན་པས་ཅ་ཧྲ་ས་ཁུལ་གྱི་མི་ཆོས་རིང་ལུགས་ཀྱི་དུས་བབ་ཇེ་སྡུག་ཏུ་ཕྱིན་ནས་གྲང་ངར་ཆེ་བའི་དགུན་དུས་སུ་དམངས་ཚོགས་ཁྲི་100ཙམ་ལ་སྡོད་གནས་མེད་པའི་ཉེན་ཁ་འཕྲད་སྲིད་པའི་ཐ་ཚིག་བསྒྲགས་པ་རེད།

སྒྲིག་གཞི་དེས། ཅ་ཧྲ་ས་ཁུལ་བྱང་རྒྱུད་ཀྱི་དམངས་སྤྱོད་རྨང་གཞིའི་སྒྲིག་བཀོད་ལ་སྔར་བཞིན་དབྱི་སི་རལ་གྱི་འཇབ་རྒོལ་ཕོག་ཡོད། འདི་ལོའི་ཟླ་10ཚེས་6ཉིན་ཚུན་ཅ་ཧྲ་ས་ཁུལ་དུ་སློབ་གྲྭའི་སྐྲུན་དངོས་ལ་དམིགས་པའི་འཇབ་རྒོལ་ཐེངས་95ཐོན་པ་དང་། དེའི་ནང་བྱང་རྒྱུད་སློབ་གྲྭར་འཇབ་རྒོལ་61ཐོན་ཡོད། གཞན་ཡང་། ཆུ་ལོག་གི་གནོད་འཚེ་ཆེན་པོ་ཐོན་པ་དེས་ཅ་ཧྲ་ས་ཁུལ་ཡོངས་ཀྱི་གནས་སྐབས་ཉེན་གཡོལ་ཁང་པར་གཏོར་བཤིག་ཚབས་ཆེན་ཕོག་ཡོད། ས་ཁུལ་དེར་དབོར་བའི་རོགས་སྐྱོར་དངོས་རྫས་ལ་ཚོད་འཛིན་ཕོག་པའི་དབང་གིས་ཟླ་9པ་ནས་ཟླ་11པའི་ཟླ་སྨད་བར་ཉམས་གསོའི་རོགས་སྐྱོར་ཐོབ་མཁན་ཁྲི་28.5ལས་མེད། མིག་སྔར་ཆར་ཆུ་དང་གྲང་ངར་ཆེ་བའི་གནམ་གཤིས་ལ་ཁ་གཏད་གཅོག་ཆེད་ཉུང་མཐར་ཡང་མི་ཁྲི་94.5ལ་དགུན་དུས་ཀྱི་འགོག་སྲུང་རྒྱབ་སྐྱོར་དགོས་གལ་ཆེན་པོ་ཡོད་ཅེས་བརྗོད་པ་རེད།

（པ་ཚེས་བསྒྱུར། པ་ཚེ་དང་པད་ཆོས་ཀྱིས་ཞུས）