མིག་སྔར། ཀྲུང་གོ་ལྕགས་ལམ་འཛུགས་སྐྲུན་ཚོགས་པ་སོགས་ཚན་པས་སྐྲུན་འགན་ཁུར་བའི་ཁྲུང་ཆིང་བབས་ཚུགས་ཤར་མའི་ས་ཚིགས་དང་དེའི་ལེ་ལག་ཚང་བའི་ཕྱོགས་བསྡུས་འགྲིམ་འགྲུལ་ལྟེ་གནས་ཀྱི་ལས་གྲྭ་དུས་ཚོད་དམ་འཛིན་གྱིས་སྐྲུན་བཞིན་ཡོད་པ་དང་འཕེལ་རིམ་བདེ་བླག་ཡིན་པ་རེད། ཁྲུང་ཆིང་བབས་ཚུགས་ཤར་མའི་ས་ཚིགས་དང་དེའི་ལེ་ལག་ཚང་བའི་ཕྱོགས་བསྡུས་འགྲིམ་འགྲུལ་ལྟེ་བའི་ལས་གྲྭ་ཁྲུང་ཆིང་ལྷོ་ངོགས་ཀྱི་ཇ་གླིང་ཁུལ་དུ་གནས་ཤིང་། དེ་ནི་འགྲིམ་འགྲུལ་རྒྱལ་ཁབ་སྟོབས་ཆེན་འཛུགས་སྐྲུན་གྱི་ས་ཚིགས་དང་གྲོང་ཁྱེར་གཞི་གཅིག་ཅན་གྱི་ཚོད་ལྟའི་ལས་གྲྭ་ཞིག་རེད། ལས་གྲྭ་དེ་བསྐྲུན་ཟིན་རྗེས་ཁྲུང་ཆིང་ནས་ཁྲང་ཧྲའི་བར་གྱི་མྱུར་བགྲོད་ལྕགས་ལམ་དང་། ཁྲུང་ཆིང་ནས་དབན་ཀྲོའུ་བར་གྱི་མྱུར་བགྲོད་ལྕགས་ལམ། ཁྲུང་ཆིང་ནས་ཀུའེ་དབྱང་བར་གྱི་མྱུར་བགྲོད་ལྕགས་ལམ། ཁྲུང་ཆིང་ནས་ཁུན་མིང་བར་གྱི་མྱུར་བགྲོད་ལྕགས་ལམ་སོགས་ལམ་ཐིག་མང་པོ་ཞིག་སྣུར་སྲིང་ཐུབ་ནས་ནུབ་རྒྱུད་ས་ཁུལ་གྱི་མྱུར་བགྲོད་ལྕགས་ལམ་གྱི་ལྟེ་བའི་ས་ཚིགས་ཆེ་ཤོས་སུ་འགྱུར་རྒྱུ་རེད། ཁྲུང་ཆིང་བབས་ཚུགས་ཤར་མས་སྔོན་དཔག་བྱས་ན་2025ལོར་ཁྲུང་ཆིང་ནས་ཁྲང་ཧྲ་བར་གྱི་མྱུར་བགྲོད་ལྕགས་ལམ་ཁྲུང་ཆིང་ནས་ཆིན་ཅང་བར་གྱི་དུམ་བུ་དུས་མཉམ་དུ་བསྐྲུན་ནས་སྤྱོད་རྒྱུ་ཡིན་པ་རེད། འདི་ནི་ཟླ་12ཚེས་23ཉིན་པར་བརྒྱབ་པའི་ཁྲུང་ཆིང་བབས་ཚུགས་ཤར་མའི་ས་ཚིགས་དང་དེའི་ལེ་ལག་ཚང་བའི་ཕྱོགས་བསྡུས་འགྲིམ་འགྲུལ་ལྟེ་བའི་ལས་གྲྭ་སྐྲུན་བཞིན་པ།