ཤིན་ཧྭ་གསར་འགྱུར་ཁང་ཁྲེང་ཏུའུ་ནས་གློག་འཕྲིན་འབྱོར་བ་གཞིར་བཟུང་། ཉེ་ཆར། གསར་འགོད་པར་ཀྲུང་གོ་ཚན་རིག་ཁང་ཧྭ་ནན་རྩི་ཤིང་ར་བ་རྩི་ཤིང་རིགས་དབྱེ་དང་སྣ་མང་རང་བཞིན་ཞིབ་འཇུག་ཚོགས་པ་ནས་ཤེས་རྟོགས་བྱུང་བར། ཚོགས་པ་དེས་2023ལོའི་ཟླ་8པར་སི་ཁྲོན་ཞིང་ཆེན་མུ་ལི་བོད་རིགས་རང་སྐྱོང་རྫོང་དུ་རི་སྐྱེས་རྩི་ཤིང་ལ་རྟོག་ཞིབ་བྱེད་སྐབས་ལུག་མིག་རིགས་ཀྱི་རྩི་ཤིང་སྣ་ཁ་གསར་པ་ཞིག་ཤེས་རྟོགས་ཐུབ་ཡོད། སྣ་ཁ་གསར་པ་དེའི་སྐོར་དང་མིང་གི་འབྲེལ་ཡོད་རྩོམ་ཡིག་ཟླ་11ཚེས་19ཉིན་རྒྱལ་སྤྱིའི་རྩི་ཤིང་རིགས་དབྱེ་རིག་པའི་དུས་དེབ《རྩི་ཤིང་རིགས་དབྱེ》ཞེས་པའི་ཐོག་སྤེལ་ཡོད་པ་རེད།