འདི་ག་ཚགས་པར་ཁང་དུ་ལུའུ་ཧྲུའེ་ནས་གློག་འཕྲིན་འབྱོར་གསལ། ཚེས་20ཉིན་གྱི་སྔ་དྲོར། ཡུན་ནན་ཞིང་ཆེན་རྒྱལ་མོ་རྔུལ་ཆུའི་ལི་སུའུ་རིགས་རང་སྐྱོང་ཀྲོའུ་བཙུགས་ནས་ལོ་70འཁོར་བར་རྟེན་འབྲེལ་ཞུ་བའི་ཚོགས་ཆེན་འཚོགས་པ་རེད།

རྟེན་འབྲེལ་ཚོགས་ཆེན་འཚོག་ཡུལ་ཏེ་རྒྱལ་མོ་རྔུལ་ཆུའི་ལི་སུའུ་རིགས་རང་སྐྱོང་ཀྲོའུ་མི་རིགས་ལུས་རྩལ་ཐང་དུ་ས་གནས་དེ་གའི་མི་རིགས་ཁག་གི་མང་ཚོགས་ཚོས་དགའ་ཚོར་ཆེན་པོས་གླུ་ལེན་གར་འཁྲབ་བྱས་ཏེ། ཏང་གི་འགོ་ཁྲིད་འོག་སེམས་པ་གཅིག་ཏུ་སྦྲེལ་བ་དང་། མཉམ་དུ་རྟེན་འབྲེལ་ཞུ་བ། འབད་འབུངས་ཡར་བརྩོན་བྱེད་པ་བཅས་ཀྱི་ཉམས་འགྱུར་མངོན་པར་བྱས་ཡོད།

རྒྱལ་ཡོངས་མི་དམངས་འཐུས་ཚོགས་རྒྱུན་ལས་ཨུ་ཡོན་ལྷན་ཁང་དང་རྒྱལ་སྲིད་སྤྱི་ཁྱབ་ཁང་གིས་རྟེན་འབྲེལ་གློག་འཕྲིན་བཏང་ཡོད།

རྒྱལ་མོ་རྔུལ་ཆུ་ཀྲོའུ་འདི་ཉིད་ཡུན་ནན་ཞིང་ཆེན་གྱི་ནུབ་བྱང་རྒྱུད་དུ་གནས་ཤིང་། རྒྱལ་མོ་རྔུལ་ཆུ་བྱང་ནས་ལྷོར་རྒྱུག་པ་ལས་མིང་དེ་ལྟར་ཐོགས་པ་རེད། 1954ལོར་རྒྱལ་མོ་རྔུལ་ཆུ་ཀྲོའུ་ཡི་སྔ་མིང་རྒྱལ་མོ་རྔུལ་ཆུའི་ལི་སུའུ་རིགས་རང་སྐྱོང་ལྗོངས་དངོས་སུ་བཙུགས་པ་རེད། 2023ལོར་རྒྱལ་མོ་རྔུལ་ཆུ་ཀྲོའུ་ཡི་ས་ཁུལ་གྱི་ཐོན་སྐྱེད་རིན་ཐང་བསྡོམས་འབོར་སྒོར་དུང་ཕྱུར་262.09ཟིན་པ་དེ་ལོ་70ཡི་གོང་ལས་ལྡབ་4419འཕར་ཡོད།