འདི་ག་ཚགས་པར་ཁང་དུ་ཁུན་མིང་ནས་གློག་འཕྲིན་འབྱོར་གསལ། ཚེས་16ཉིན་ཀྲུང་གོ—ཧིན་རྡུ་རྒྱ་མཚོ་ཆེན་པོའི་ས་ཁུལ་གྱི་མཚོ་ཐོག་དཔལ་འབྱོར་འཕེལ་རྒྱས་ཀྱི་མཉམ་ལས་གླེང་སྟེགས་སྐབས་གསུམ་པ་ཡུན་ནན་ཁུན་མིང་དུ་འགོ་ཚུགས་ཤིང་། རྒྱལ་ཡོངས་སྲིད་གྲོས་ཀྱི་ཀྲུའུ་ཞི་གཞོན་པ་ཝང་ཡུང་འགོ་ཚུགས་མཛད་སྒོར་ཞུགས་པ་མ་ཟད་གཙོ་དོན་གཏམ་བཤད་ཀྱང་གནང་བ་རེད།

ཝང་ཡུང་གིས་ཀྲུང་གོ་དང་ཧིན་རྡུ་རྒྱ་མཚོ་ཆེན་པོའི་ས་ཁུལ་གྱི་རྒྱལ་ཁབ་ཚུད་པའི་འབྲེལ་ཡོད་ཕྱོགས་ཁག་གི་ཐུན་མོང་འབད་བརྩོན་འོག་ཀྲུའུ་ཞི་ཞི་ཅིན་ཕིང་གིས་བཏོན་གནང་བའི“རྒྱ་མཚོའི་ལས་དབང་གཅིག་མཐུན་ཚོགས་པ”དེ་ཀྲུང་གོའི་གྲོས་འགོ་ནས་རྒྱལ་སྤྱིའི་ཐུན་མོང་ངོས་འཛིན་ལ་འཕེལ་རྒྱས་ཕྱིན་པ་དང་ལྗང་མདོག་འདུ་ཤེས་ནས་ལག་ལེན་གྱི་བྱ་སྤྱོད་ལ་འགྱུར་བཞིན་ཡོད་ཅེས་གསུངས་པ་རེད།

ཝང་ཡུང་གིས་ད་དུང་རྒྱལ་ཁབ་མང་པོའི་འཐུས་མི་ཚོགས་པའི་ཚོགས་གཙོ་དང་མཉམ་དུ་མཇལ་འཛོམས་ཀྱང་གནང་བ་མ་ཟད། པ་པ་ཏོ་སིའི་ཚན་དབྱི་ཀྲང་ཧྥ་ལི་དང་མར་ཏི་ཝེའི་ཙུང་ཐུང་གཞོན་པ་ལཱ་ཐི་ཧྥུའུ་སོ་སོ་དང་མཇལ་འཛོམས་ཀྱང་གནང་བ་རེད།

གླེང་སྟེགས་ཐོག“ཧིན་རྡུ་རྒྱ་མཚོ་ཆེན་པོའི་འབྱུང་འགྱུར—གོ་ལ་ཧྲིལ་པོའི་ལྷོ་ཕྱོགས་ཀྱི་འཕེལ་རྒྱས་ལག་ལེན”བརྗོད་དོན་གཙོ་བོར་བྱས་ནས་རྒྱལ་ཁབ་དང་རྒྱལ་སྤྱིའི་རྩ་འཛུགས་50ལྷག་ཙམ་གྱི་སྐུ་མགྲོན་300ལྷག་ཙམ་གླེང་སྟེགས་ལ་ཞུགས་ཡོད་པ་རེད།