ཤིན་ཧྭ་གསར་འགྱུར་ཁང་གྲོང་ཁྱེར་དབྱི་སི་ལམ་པོ་ནས་གློག་འཕྲིན་འབྱོར་པ་གཞིར་བཟུང་། ཉིན་ཤས་གོང་། ཕ་ཁི་སི་ཐན་གྱི་འཆར་འགོད་འཕེལ་རྒྱས་དང་དམིགས་བསལ་རྣམ་གྲངས་པུའི་པུའུ་ཀྲང་ཨ་ཧོ་སང·དབྱི་ཁེ་པར་གྱིས་ཀྲུང་ཕའི་དཔལ་འབྱོར་བར་ཁྱམས་འཛུགས་སྐྲུན་གྱི་གྲུབ་འབྲས་ནི་རྒྱལ་ཁབ་གཉིས་པོའི་མི་དམངས་ཀྱིས་ཐུན་མོང་ཐོག་འབད་བརྩོན་བྱས་ནས་བཏོད་པའི་གྲུབ་འབྲས་ཀྱི་མཚོན་རྟགས་དང་མཛའ་གྲོགས་ཀྱི་མཛད་རྗེས་རྡོ་རིང་ཞིག་རེད་ཅེས་བརྗོད་ཡོད།

དབྱི་ཁེ་པར་ཕ་ཁི་སི་ཐན་གྱི་རྒྱལ་ས་དབྱི་སི་ལམ་པོར་ཀྲུང་ཕའི་དཔལ་འབྱོར་བར་ཁྱམས་རྣམ་གྲངས་ཀྱི་ཕ་ཁི་སི་ཐན་ཕྱོགས་ཀྱི་ཕུལ་བྱུང་ལས་བཟོར་བྱ་དགའ་སྤྲོད་པའི་མཛད་སྒོར་ཞུགས་ཤིང་། ཁོང་གིས་ཀྲུང་ཕའི་དཔལ་འབྱོར་བར་ཁྱམས་ཀྱིས་ཕ་ཁི་སི་ཐན་གྱི་དཔལ་འབྱོར་དང་སྤྱི་ཚོགས་འཕེལ་རྒྱས་ལ་ལེགས་སྐྱེས་གལ་ཆེན་ཕུལ་བ་དང་རྒྱལ་ཁབ་གཉིས་པོའི་འཛུགས་སྐྲུན་པས་དཀའ་ཚེགས་ཆེན་པོས་འབད་འཐབ་བྱས་པར་ཐུགས་རྗེ་ཆེ་ཞུ་གི་ཡིན། ཕ་ཁི་སི་ཐན་སྲིད་གཞུང་གིས་ཀྲུང་གོ་ཕྱོགས་དང་མཉམ་དུ་འཐབ་ཇུས་སྦྲེལ་མཐུད་ལ་ཤུགས་སྣོན་བརྒྱབ་ནས་འཕེལ་རྒྱས་ཀྱི་གྲུབ་འབྲས་མཉམ་སྤྱོད་བྱས་ཏེ་ཕ་ཁི་སི་ཐན་དུ་ཡོད་པའི་ཀྲུང་གོའི་སྤྱི་དམངས་ཀྱི་བདེ་འཇགས་ནུས་ཤུགས་ཡོད་རྒུས་འགན་ལེན་བྱེད་ཀྱི་ཡིན་ཞེས་བརྗོད་པ་རེད།

ཕ་ཁི་སི་ཐན་དུ་བཅའ་སྡོད་ཀྲུང་གོའི་གཞུང་ཚབ་ཆེ་མོ་བ་ཅང་ཙའེ་ཏུང་དང་རྒྱལ་ཁབ་འཕེལ་སྒྱུར་ཨུ་ལྷན་རྒྱལ་སྤྱི་སིའི་སི་ཀྲང་གཞོན་པ་ཁྲེན་ཧྲོའེ་ཡིས་དྲ་ཕྱི་དང་དྲ་ཐོག་ནས་ཁག་སོ་སོར་ཤིས་ཚིག་སྒྲོན་པའི་བྱེད་སྟངས་བརྒྱུད་བྱ་དགའ་ཐོབ་མཁན་ལ་སྤྲོ་སེམས་འཁོལ་པོས་རྟེན་འབྲེལ་ཞུས་པ་དང་ཀྲུང་ཕའི་འཛུགས་སྐྲུན་པ་ཡོངས་ལ་བླ་ན་མེད་པའི་གུས་འདུད་ཀྱང་ཞུས་པ་རེད།