ཤིན་ཧྭ་གསར་འགྱུར་ཁང་ཝུའུ་ལུའུ་མུའུ་ཆི་ནས་གློག་འཕྲིན་འབྱོར་བ་གཞིར་བཟུང་། ཚེས་15ཉིན། “རིག་གནས་ཀྱི་རྒྱུན་བསྐྱངས་ཏེ་སེམས་ཀྱི་ཞིང་ས་བརླན”ཞེས་པའི་རྣམ་གྲངས་ལག་ལེན་བསྟར་འགོ་ཚུགས་པ་དང“པིར་དང་སྣག་ཚའི་དྲི་བསུང་འཐུལ། ཐེན་ཧྲན་དུ་རིག་དཔལ་དར”--ཀྲུང་ཧྭའི་ཕུལ་བྱུང་གསུང་རབ་རིག་གནས་ཀྱི་བསམ་བཀོད་འགྲེམས་སྟོན་གྱི་འགོ་འཛུགས་བྱེད་སྒོ་ཤིན་ཅང་ཡུ་གུར་རང་སྐྱོང་ལྗོངས་སུ་གཉེར་བ་དང་འབྱུང་འགྱུར་ཟླ་བ་གཉིས་ལྷག་ཙམ་ནང་ཤིན་ཅང་གི་ས་གནས་ཁག་ཏུ་སྣ་མང་ཕུན་སུམ་ཚོགས་པའི་རིག་གནས་བྱེད་སྒོ་མང་པོ་སྤེལ་ནས་མི་རིགས་ཁག་གི་མང་ཚོགས་ཀྱིས་ཕུན་སུམ་ཚོགས་ཤིང་ཐུན་མོང་མ་ཡིན་པའི་རིག་གནས་ཉམས་ལེན་ཐུབ་པར་བྱ་རྒྱུ་རེད།

འགོ་འཛུགས་བྱེད་སྒོ་སྤེལ་ཡུལ་དུ། ད་དུང་རིག་གནས་བསམ་བཀོད་འགྲེམས་སྟོན་དང་ཡིག་རིས་འགྲེམས་སྟོན་སོགས་ཀྱི་བྱེད་སྒོ་སྤེལ་བ་དང་དེ་རྗེས“རིག་གནས་ཀྱི་རྒྱུན་བསྐྱངས་ཏེ་སེམས་ཀྱི་ཞིང་ས་བརླན”ཞེས་པའི་རྣམ་གྲངས་ཀྱི་ཆེད་དོན་རིག་གནས་བྱེད་སྒོ་ཤིན་ཅང་གི་ས་གནས་ཁག་ཏུ་གཅིག་རྗེས་གཉིས་མཐུད་ངང་སྤེལ་རྒྱུ་ཡིན་པ་དང་2025ལོའི་ཟླ་2པ་བར་རྒྱུན་མཐུད་ངང་སྤེལ་རྒྱུ་རེད།