ཀྲུང་གོའི་ཀུང་སི་ཁྲོན་དབྱིན་མ་རྐང་ཚོད་འཛིན་གཤམ་འོག་གི་སྤུས་རྟགས་གཉིས་ལ་ཨ་ཧྥེ་རི་ཁའི་རིག་ནུས་ལག་ཐོགས་ཁ་པར་ཁྲོམ་རར་ཤུགས་རྐྱེན་ཆེན་པོ་ལྡན་ཡོད། དཔལ་འབྱོར་རིག་པ་མཁས་ཅན་གྱིས་དབྱེ་ཞིབ་བྱས་ནས་ངོས་འཛིན་བྱས་དོན། SIMགཱ་བླུག་ས་མང་པོ་ཡོད་པ་ནི་ཁྲོན་དབྱིན་ཀུང་སིའི་ལག་ཐོགས་ཁ་པ་ལ་གྲུབ་འབྲས་ཡག་པོ་ཐོབ་པའི་རྒྱུ་རྐྱེན་ཞིག་ཡིན། ཨ་ཧྥེ་རི་ཁའི་མི་མང་པོ་ཞིག་ལ་གློག་འཕྲིན་ཀུང་སི་མང་པོའི་SIMགཱ་ཡོད་ལ། གཱ་གང་ཞིག་སྤྱོད་རྒྱུ་དེ་བརྡ་རྟགས་ཡག་ཉེས་དང་ཁ་པར་གཏོང་ལེན་རིན་གོང་མཐོ་དམན་ལ་རགས་ལས་ཡོད། SIMགཱ་བླུག་ས་གཅིག་ལས་མེད་པ་ནི་སྤུས་རྟགས་ལག་ཐོགས་ཁ་པར་ཁག་གཅིག་གི་ཞན་ཆ་རེད།

ཀྲུང་གོའི་ལག་ཐོགས་ཁ་པར་བཟོ་སྐྲུན་ཚོང་པས་ཕྱོགས་གཞན་གྱི་ཐོག་ནས་ཀྱང་ཡུལ་བབ་དང་བསྟུན་ཡོད། ལག་ཐོགས་ཁ་པར་གྱི་སྒྲ་སྐྱེད་ཡོ་ཆས་སྤྱོད་ཤན་ཆེ་བས། ཨ་ཧྥེ་རི་ཁའི་མི་མང་པོ་ཞིག་གིས་ལག་ཐོགས་ཁ་པར་དེ་སྒྲ་སྐྱེད་སྒྲིག་ཆས་སུ་སྤྱོད་ཀྱི་ཡོད། ལག་ཐོགས་ཁ་པར་གྱི་གློག་ཡུན་རིང་འདང་པ་ནི་གློག་ཤུགས་མཁོ་འདོན་འགན་ལེན་མི་ཐུབ་པའི་ས་ཆར་ལེགས་ཆ་ཆེན་པོ་ཞིག་ཏུ་གྱུར་ཡོད།

ལས་རིཌ་གཅིག་པའི་མི་སྣས། ཀྲུང་གོའི་སྤུས་རྟཌ་ཀྱིས་ཨ་ཧྥེ་རི་ཁའི་ཁྲོམ་རའི་དགོས་མཁོ་སྐོང་བའི་ཐད་ཇུས་འགོད་ཡག་པོ་བྱས་འདུག ཁོང་ཚོས་ཨ་ཧྥེ་རི་ཁའི་འཛད་སྤྱོད་མཁན་ལ་དངོས་འབྲེལ་ཅི་ཞིག་མཁོ་བའི་ཐད་ཞིབ་འཇུག་ནན་ཏན་བྱས་འདུག་ཅེས་དབྱེ་ཞིབ་བྱས་ནས་བརྗོད།

—— འཇར་མན་གྱི་གཟའ་འཁོར་དུས་དེབ《དྭངས་གསལ་མེ་ལོང》གི་དྲ་ཚིགས་ཐོག་སྤེལ་བའི་གནས་ཚུལ་གཞིར་བཟུང་པ།