ཀོང་ཏུང་ཧྲེན་ཀྲེན་ཧྥུའུ་ཐེན་ཞིང་ལས་སྡེབ་འཚོང་ཁྲོམ་རའི་རྒྱལ་སྒོ་ཆེ་མོའི་གྱང་ངོས་ཀྱི་བརྙན་ཤེལ་ཐོག་ཞིང་ལས་ཐོན་རྫས་ཀྱི་རིན་གོང་སྣ་ཚོགས་དང་ཉོ་ཚོང་བྱེད་ཚད་སོགས་ཀྱི་གྲངས་གཞི་དང་པར་རིས་ཁག་མངོན་ནས། ཚོང་པ་དང་འཛད་སྤྱོད་པར་གནད་སྨིན་གྱི་དཔྱད་གཞི་མཁོ་འདོན་བྱས་ནས་ཁྲོམ་རའི་གསལ་ཚད་མཐོ་རུ་བཏང་བས་སྲོལ་རྒྱུན་གྱི་ཚལ་ཁྲོམ་དེ་བློ་རིག་ཅན་དུ་རིམ་གྱིས་གྱུར་ཡོད། འདི་ནི་ཧྲེན་ཀྲེན་གྱི་བློ་རིག་ཞིང་ཟོག་ཁྲོམ་ར་གཏོད་པའི་ཆ་ཤས་ཤིག་རེད་ལ་ཧྲེན་ཀྲེན་གྱི་བློ་རིག་གྲོང་ཁྱེར་འཕེལ་རྒྱས་ཀྱི་འབྲས་བུའི་གྲས་ཤིག་ཀྱང་རེད། དེར་ཉེ་དུས་རྒྱལ་སྤྱིའི་ཐོག་ཁས་ལེན་ཡང་ཐོབ་ཡོད་པ་རེད།

འདི་ལོའི་ཟླ་11པར། ཧྲེན་ཀྲེན་སི་ཕེན་གྱི་པཱ་སཱ་ལུའོ་ནཱ་རུ་འཚོགས་པའི་གོ་ལ་ཧྲིལ་པོའི་བློ་རིག་གྲོང་ཁྱེར་གྱི་ཚོགས་ཆེན་ཐོག རྒྱལ་ཁབ་དང་ས་ཁུལ་64ཡི་འདུན་ཞུའི་གྲོང་ཁྱེར་429ཡི་དཀྱིལ་ནས་འབུར་དུ་ཐོན་ཏེ“གྲོང་ཁྱེར་བྱ་དགའ་ཆེ་མོ”ཐོབ་ཡོད། གོ་ལ་ཧྲིལ་པོའི་བློ་རིག་གྲོང་ཁྱེར་ཚོགས་ཆེན་ཐོག་ཡོངས་བསྒྲགས་བྱས་པའི་བསྒྲགས་ཡིག་གཞིར་བཟུང་། ཧྲེན་ཀྲེན་གྱིས་རིག་ནུས་ལག་རྩལ་དང་། ཕྱིར་སྐྱོད། ནུས་རྒྱུ་དང་ཁོར་ཡུག བཅོས་སྐྱོང་། ཐོན་ལས་དང་དཔལ་འབྱོར། སྡོད་མལ་དང་བསྟུན་མཁས། བདེ་འཇགས་དང་འཕྲལ་སྡོམ་བཅས་དང་དེ་བཞིན་རྨང་གཞིའི་སྒྲིག་བཀོད་དང་འཛུགས་སྐྲུན་སོགས་ཀྱི་འགག་རྩའི་ཁྱབ་ཁོངས་ནས་དེའི་གསར་གཏོད་གྲུབ་འབྲས་དང་ཕུལ་བྱུང་གི་ཐག་གཅོད་ཇུས་གཞི་ཕྱོགས་ཡོངས་ནས་མངོན་པར་བྱས་ཡོད། དེ་དང་ཆབས་ཅིག་ཧྲེན་ཀྲེན་བློ་རིག་གྲོང་ཁྱེར་ཁོངས་གཏོགས་འོག་གི་རིག་ནུས་ཞབས་ཞུས་གྲོང་མི་དང་ཁེ་ལས་ལ་དེ་བས་མང་བའི་སྟབས་བདེ་བསྐྲུན་ཡོད།

— སིང་ཀ་ཕོར་གྱི《མཉམ་འབྲེལ་ཞོགས་པའི་ཚགས་པར》གྱི་དྲ་ཚིགས་ཐོག་སྤེལ་བའི་གནས་ཚུལ་གཞིར་བཟུང་།