དབུལ་ཕོངས་ཀྱིས་མིའི་རིགས་ཀྱི་འཕེལ་རྒྱས་ལ་འཇིགས་སྐུལ་ཚབས་ཆེན་བཟོས་ཡོད། 2015ལོར་རྒྱལ་སྤྱིའི་སྤྱི་ཚོགས་ཀྱིས་མཉམ་འབྲེལ་རྒྱལ་ཚོགས་ཀྱི་གཙོ་སྐྱོང་འོག《2030ལོའི་རྒྱུན་མཐུད་ཆེན་པོ་འཕེལ་རྒྱས་ཀྱི་གྲོས་རིམ》ལ་གྲོས་འཆམ་བྱས་ཡོད། དེ་འདྲ་བྱས་པའི་དམིགས་ཡུལ་ནི་2030ལོར་སླེབས་སྐབས་དབུལ་ཞིང་ཕོངས་པ་རྣམས་དབུལ་སྒྲོལ་ཐུབ་པར་བྱེད་པའི་ཆེད་དུ་རེད།

འཕེལ་རྒྱས་འགྲོ་བཞིན་པའི་རྒྱལ་ཁབ་མང་པོས་བརྗིད་ཆེའི་དམིགས་ཚད་དེ་སྔར་བཞིན་འབད་བརྩོན་ཆེན་པོས་མངོན་འགྱུར་བྱེད་པའི་སྐབས་འདིར། ཀྲུང་གོར་2020ལོར་དམིགས་ཚད་དེ་ལོ་10ཡི་སྔ་སྣུར་དུ་མངོན་འགྱུར་བྱུང་ཡོད། འཛམ་གླིང་དངུལ་ཁང་གིས་ཀྲུང་གོར་དབུལ་ཞིང་ཕོངས་པ་ཉུང་དུ་གཏོང་བའི་ཐད་ཐོབ་པའི་གྲུབ་འབྲས་ནི་ལོ་རྒྱུས་ཐོག་བྱུང་མྱོང་མེད། ཀྲུང་གོར་གྲུབ་འབྲས་མངོན་གསལ་དོད་པོ་ཐོབ་དོན་ནི་དམིགས་སའི་རང་བཞིན་ལྡན་པའི་བྱེད་ཐབས་ཡོད་པས་རེད། གནད་སྨིན་དབྱེ་འབྱེད་དང་། རྣམ་གྲངས་གཏན་འཁེལ། ཐོན་ཁུངས་བཀོད་སྒྲིག་ནུས་ལྡན་བཅས་བྱས་པ་བརྒྱུད། ཀྲུང་གོའི་དབུལ་སྒྲོལ་བྱེད་སྟངས་འདིས་ཨ་ཧྥེ་རི་ཁའི་ས་གནས་ཁག་གི་ཆེས་ཉམས་ཞན་ཚོགས་སྤྱིའི་འཚོ་བར་འགྱུར་ལྡོག་གཏོང་རྒྱུར་བྱ་སྤྱོད་ཀྱི་ཇུས་གཞི་མཁོ་འདོན་བྱས་ཡོད་ཅེས་བསྔགས་བརྗོད་བྱས་པ་རེད།

བདེ་བླག་ངང་ལག་བསྟར་ཐུབ་རྒྱུ་འགན་ལེན་བྱ་ཆེད། ཨ་ཧྥེ་རི་ཁའི་རྒྱལ་ཁབ་ཀྱིས་ཀྲུང་གོའི་དབུལ་སྒྲོལ་བྱེད་སྟངས་ཀྱི་གྲུབ་ཆ་ཁག་ལ་ཞིབ་འཇུག་བྱེད་ཆོག་ལ་རང་རྒྱལ་ཁབ་ཀྱི་ཞིབ་ཕྲའི་དགོས་མཁོ་དང་། འགྲན་སློང་། གོ་སྐབས་བཅས་ལ་གཞིགས་ནས་ལེགས་སྒྲིག་ཀྱང་བྱེད་ཆོག བྱ་ཐབས་དེ་དག་བསྡུ་སྒྲིལ་བྱེད་པའི་སྒང་ལ་སྲ་ཞིང་བརྟན་པའི་ཆབ་སྲིད་ཀྱི་ཁས་ལེན་དང་སྡེ་ཁུལ་གྱིས་དགེ་མཚན་ལྡན་པའི་ངང་ཞུགས་ཚེ། ཨ་ཧྥེ་རི་ཁའི་རྒྱལ་ཁབ་ཀྱིས་ཨ་ཧྥེ་རི་ཁའི་སྤྱི་དམངས་ཡོངས་ཀྱི་དེ་བས་དར་རྒྱས་དང་འདྲ་མཉམ་གྱི་འབྱུང་འགྱུར་ཆེད་ཡངས་པའི་ལམ་བུ་གཏོད་ཐུབ།

—— ཀག་ནའི《ཚོང་ལས་དང་དངུལ་རྩའི་སྐབས་དོན་ཚགས་པར》གྱི་དྲ་ཚིགས་ནས་སྤེལ་བའི་གནས་ཚུལ་གཞིར་བཟུང་།