ཤིན་ཧྭ་གསར་འགྱུར་ཁང་པེ་ཅིང་ནས་ཟླ་12ཚེས་11ཉིན་གློག་འཕྲིན་འབྱོར་གསལ། ཟླ་12ཚེས་11ཉིན། རྒྱལ་ཁབ་ཀྱི་ཀྲུའུ་ཞི་ཞི་ཅིན་ཕིང་གིས་གཡོད་ཧན·ཏེ་ལཱ་མ་ཉི·མཱ་ཧ་མཱར་རྟེན་འབྲེལ་གློག་འཕྲིན་བཏང་ནས་ཁོང་ཀག་ན་སྤྱི་མཐུན་རྒྱལ་ཁབ་ཀྱི་ཙུང་ཐུང་ལ་བདམས་ཐོན་བྱུང་བར་རྟེན་འབྲེལ་ཞུས་པ་རེད།

ཞི་ཅིན་ཕིང་གིས་བསྟན་དོན། ཀག་ན་ནི་ས་ཧ་ལ་ལྷོ་རྒྱུད་ཨ་ཧྥེ་རི་ཁའི་ཀྲུང་གོ་དང་ཕྱི་འབྲེལ་འཛུགས་སྔ་ཤོས་ཀྱི་རྒྱལ་ཁབ་ཀྱི་གྲས་ཤིག་ཡིན་ལ། ཨ་ཧྥེ་རི་ཁར་ཡོད་པའི་ཀྲུང་གོའི་འཐབ་ཇུས་རོགས་ཟླ་གལ་ཆེན་ཞིག་ཀྱང་ཡིན། ཀྲུང་གོ་དང་ཀག་ནའི་མཛའ་གྲོགས་ལོ་རྒྱུས་ཡུན་རིང་ལྡན་པས་རྒྱུན་རིང་འདྲིས་པའི་མཛའ་གཅུགས་ལྡན་ཡོད། ཉེ་བའི་ལོ་ཤས་རིང་རྒྱལ་ཁབ་གཉིས་པོའི་འབྲེལ་བའི་འཕེལ་རྒྱས་ལེགས་པ་དང་ཁྱབ་ཁོངས་ཁག་གི་དངོས་སྒྲུབ་མཉམ་ལས་ལ་གྲུབ་འབྲས་གཡུར་དུ་ཟ་བ་ཐོབ་ཡོད། ངས་ཀྲུང་གོ་དང་ཀག་ནའི་དབར་གྱི་འབྲེལ་བ་འཕེལ་རྒྱས་འགྲོ་རྒྱུར་ཚད་མཐོའི་མཐོང་ཆེན་བྱེད་ཀྱི་ཡོད་ལ། བདམས་ཐོན་བྱུང་བའི་ཙུང་ཐུང་མཱ་ཧ་མཱ་དང་མཉམ་དུ་འབད་འཐབ་བྱས་ནས་སྲོལ་རྒྱུན་གྱི་མཛའ་གཅུགས་དར་སྤེལ་གཏོང་བ་དང་། ཆབ་སྲིད་ཐད་ཕན་ཚུན་ཡིད་ཆེས་བྱེད་ཟབ་ཏུ་གཏོང་བ། ཀྲུང་གོ་དང་ཀག་ནའི་འཐབ་ཇུས་རོགས་ཟླའི་འབྲེལ་བ་གཏིང་ཟབ་དང་ཏན་ཏིག་ཕྱོགས་སུ་འཕེལ་རྒྱས་འགྲོ་རྒྱུར་སྐུལ་འདེད་གཏོང་བ་བཅས་བྱས་ནས་རྒྱལ་ཁབ་གཉིས་པོའི་མི་དམངས་ལ་བདེ་རྩ་དེ་བས་མང་བ་བསྐྲུན་འདོད་ཡོད།