འདི་ག་ཚགས་པར་ཁང་དུ་ཁྲང་ཁྲུན་ནས་གློག་འཕྲིན་འབྱོར་གསལ། གསར་འགོད་པར་ཉེ་ཆར་ཁྲང་ཁྲུན་དུ་གཉེར་བའི་འཛམ་གླིང་ཀྲུང་ལུགས་གསོ་རིག་ཚན་རྩལ་ཚོགས་ཆེན་སྐབས་གསུམ་པའི་ཐོག་ནས་ཤེས་རྟོགས་བྱུང་བར། “རྒྱུད་གཅིག་ལམ་གཅིག”མཉམ་སྐྲུན་རྒྱལ་ཁབ་ཀྱི་སྲོལ་རྒྱུན་གསོ་རིག་གི་རྒྱལ་སྤྱིའི་མཉམ་ལས་ཟབ་ཏུ་གཏོང་ཆེད། རང་རྒྱལ་གྱིས་འབྱུང་འགྱུར་ལོ་གསུམ་ནང་འབྲེལ་ཡོད་རྒྱལ་ཁབ་ཀྱི་ཀྲུང་ལུགས་གསོ་རིག་ཤེས་ལྡན་པ་1300ལ་ཆེད་དོན་གསོ་སྦྱོང་བྱ་རྒྱུ་རེད།

ཀྲུང་ལུགས་གསོ་རིག་རྒྱལ་སྤྱིའི་མཉམ་ལས་ཀྱི་གསར་དར་ཁྱབ་ཁོངས་སུ་འགྱུར་བཞིན་ཡོད་ཅིང་། རྒྱལ་ཁབ་ཀྲུང་ལུགས་གསོ་རིག་དོ་དམ་ཅུས་ཀྱིས་བསྡོམས་རྩིས་བརྒྱབ་པར་གཞིགས་ན། རང་རྒྱལ་གྱིས་ཕྱི་རྒྱལ་གྱི་སྲིད་གཞུང་དང་། ས་ཁུལ་གྱི་གཙོ་གཉེར་སྒྲིག་གཞི། རྒྱལ་སྤྱིའི་རྩ་འཛུགས་བཅས་40ལྷག་ཙམ་དབར་ཆེད་མངགས་ཀྲུང་ལུགས་གསོ་རིག་མཉམ་ལས་ཡིག་ཆར་མིང་རྟགས་བཀོད་པ་དང་། “རྒྱུད་གཅིག་ལམ་གཅིག”མཉམ་སྐྲུན་གྱི་རྒྱལ་ཁབ་ཏུ་སྤུས་ཚད་མཐོ་བའི་ཀྲུང་ལུགས་གསོ་རིག་གི་ཕྱི་རྒྱལ་ལྟེ་གནས་30བསྐྲུན་ཡོད།

རྒྱལ་ཁབ་ཀྲུང་ལུགས་གསོ་རིག་དོ་དམ་ཅུས་ཀྱི་ཅུས་ཀྲང་ཡུས་ཡན་ཧུང་གིས་ཚོགས་འདུའི་ཐོག འབྱུང་འགྱུར་ལོ་གསུམ་ནང་། ཁག་དང་པོར་འབྲེལ་ཡོད་རྒྱལ་ཁབ་ཀྱི་ཀྲུང་ལུགས་གསོ་རིག་ཤེས་ལྡན་པ་1300ལ་གསོ་སྦྱོང་བྱས་ནས་ཀྲུང་ལུཌ་གསོ་རིག་རིག་གནས་ཀྱི་རྒྱལ་སྤྱིའི་སྤེལ་རེས་དང་རྒྱུན་འཛིན་ལ་ཐུན་མོང་ཐོག་སྐུལ་འདེད་གཏོང་རྩིས་ཡོད་ཅེས་བརྗོད་པ་རེད།

(ཚེ་རིང་བུ་ཁྲིད་ཀྱིས་བསྒྱུར། ལྷག་ཚེས་ཞུས)