ཟླ་12ཚེས་8ཉིན། ཆན་ཧྥུའུ་800ཡི་གློག་གནོན་སྒྱུར་ཆས་བླུགས་པའི་སྐྱེལ་འདྲེན་རླངས་འཁོར་ཆེ་གྲས་ཤིག་ཀན་སུའུ་གློག་ཤུགས་མ་འཇོག་ཀྲང་ཡེ་གློག་ཁང་གི་ཀྲའོ་ཝ་ཁྲི་2×1000གི་སོལ་རླངས་འཕྲུལ་ཚན་རྒྱས་སྐྲུན་རྣམ་གྲངས་འཛུགས་སྐྲུན་བྱ་ཡུལ་ཕྱོགས་སུ་དལ་བུར་སྐྱོད་ཅིང་། རླངས་འཁོར་དང་དངོས་ཟོག་གི་ལྗིད་ཚད་ལ་ཏུན་720ལྷག་ཙམ་དང་རིང་ཚད་སྨི་100ལྷག་ཙམ་ཟིན་པའི་གློག་གནོན་སྒྱུར་ཆས་ཆེ་གྲས་དེ་ནི་ཤིན་ཅང་ཁྲང་ཅི་ཧུད་རིགས་རང་སྐྱོང་ཀྲོའུ་ནས་ཐོན་ཏེ་བརྒྱུད་རིམ་ཧྲིལ་པོའི་སྲུང་སྐར་གྱི་ངེས་གནས་དང་སྐབས་བསྟུན་ཡོམ་འགུལ་དང་གནས་སྤོའི་གྲངས་གཞིའི་ལྟ་སྐུལ་ཚོད་འཛིན་འོག་ཉིན་21ནང་སྤྱི་ལེ་1400ལྷག་ཙམ་བསྐྱོད་མཐར་གློག་ཁང་དུ་བདེ་བླག་འབྱོར་བ་རེད།