ཉེ་ཆར་ཀྲུང་གོའི་ཐཱ་ཁེ་ལ་མ་ཀན་བྱེ་ཐང་དུ་སྤྱི་ལེ་3000ལྷག་ཙམ་གྱི་སྐྱེ་ཁམས་སྲུང་བཅད་ལ་ཕྱོགས་ཡོངས་ནས་བྱེ་འགོག་སྔོ་ལྗང་ཁུལ་བསྐྲུན་པའི་ཆ་འཕྲིན་ལ་དོ་ཁུར་ཆེན་པོ་ཐོབ་ཡོད་པ་རེད། རྒྱལ་སྤྱིའི་གླེང་ཕྱོགས་ཀྱིས་འཛམ་གླིང་ཐོག་གི་གཞི་ཁྱོན་ཆེ་ཤོས་ཀྱི་ཤིང་འཛུགས་ནགས་བཟོའི་ལས་གྲྭ་དེས་ཐང་རྒོད་ཅན་འགོག་བཅོས་ལ་ཕན་པ་ཡོད་པ་མ་ཟད། གོ་ལ་ཧྲིལ་པོའི་ནགས་ཚལ་ཁྱབ་ཚད་ཆེ་རུ་གཏོང་རྒྱུར་ལེགས་སྐྱེས་གལ་ཆེན་ཡང་ཕུལ་ཡོད་པས། གོ་ལ་ཧྲིལ་པོའི་གནམ་གཤིས་འགྱུར་ལྡོག་གི་འགྲན་སློང་ལ་ཁ་གཏད་གཅོག་པའི“ལྗང་མདོག་ལྕགས་རི་རིང་པོ”ཞིག་ཡིན་པའི་ངོས་འཛིན་བྱེད་ཀྱི་ཡོད།

ཐཱ་ཁེ་ལ་མ་ཀན་བྱེ་ཐང་ནི་ཀྲུང་གོའི་རྒྱ་ཆེ་ཤོས་དང་འཛམ་གླིང་གི་རྒྱ་ཆེ་ཤོས་ཨང་གཉིས་པ་ཡིན་པའི་སྐོར་སྐྱོད་བྱེ་ཐང་ཞིག་རེད། ཐཱ་ཁེ་ལ་མ་ཀན་བྱེ་ཐང་ཡོངས་སུ་བསྐོར་བའི་སྐྱེ་ཁམས་སྲུང་བཅད་ཀྱི་བྱེ་འགོག་སྔོ་ལྗང་ཁུལ་ནི་ཀྲུང་གོས་ཐང་རྒོད་ཅན་འགོག་བཅོས་ལ་སྐུལ་འདེད་གཏོང་བའི་གསོན་ཉམས་དོད་པའི་བསྡུས་རིས་ཤིག་རེད། ལོ་40ལྷག་ཙམ་རིང་འབད་བརྩོན་ལྷོད་མེད་བྱས་པ་བརྒྱུད། ཀྲུང་གོས་ཀྲུང་གོའི་ཁྱད་ཆོས་ཀྱི་བྱེ་འགོག་བྱེ་བཅོས་ཀྱི་ལམ་བུའི་ཐོག་གྲུབ་འབྲས་ཐོབ་པའི་ངང་བསྐྱོད་པ་དང་། སྐྱེ་ཁམས་སྲུང་སྐྱོང་དང་དམངས་འཚོ་ལེགས་སུ་གཏོང་རྒྱུ་དེ་འཁོར་རྒྱུག་བཟང་པོ་བྱུང་ནས་བྱེ་འགོག་བྱེ་བཅོས་ཀྱི་རྒྱལ་སྤྱིའི་དཔེ་སྟོན་ཞིག་ཏུ་གྱུར་ཡོད། མིག་སྔའི་བར་བཅོས་སྐྱོང་བྱེད་ཆོག་པའི་ཀྲུང་གོའི་བྱེ་འགྱུར་ས་ཆ་53%ལ་བཅོས་སྐྱོང་ནུས་ལྡན་ཐུབ་ནས་བྱེ་འགྱུར་ས་ཆའི་རྒྱ་ཁྱོན་མུའུ་ཁྲི་6500ཆུང་དུ་ཕྱིན་ཏེ་གོ་ལ་ཧྲིལ་པོར་སྔོན་དུ་ས་ཆ་ཞན་འགྱུར་བྱེད་ཚད་འཕར་མེད་པ་དང་། ཐང་རྒོད་ཅན་དང་བྱེ་འགྱུར་ས་ཆ་གཉིས་ཀ་ཉུང་དུ་འགྲོ་ཐུབ་པ་བྱུང་ཡོད། སའེ་ཧན་པ་ཡིས་འཛམ་གླིང་ཐོག་རྒྱ་ཁྱོན་ཆེ་ཤོས་ཡིན་པའི་མི་ཐབས་ལ་བརྟེན་པའི་ནགས་ཚལ་བཟོས་པ་དང་། མའོ་ཝུའུ་སུའུ་ཡིས་འཛམ་གླིང་ཐོག་རྒྱ་ཁྱོན་ཆེ་ཤོས་ཡིན་པའི་སྐྱེ་ཁམས་ལ་འགྱུར་ལྡོག་བཏང་བ། ཁུའུ་པུ་ཆི་ཡིས་ཐོན་ལས་ལ་བརྟེན་ནས་བྱེ་བཅོས་ཀྱི་ཐབས་ལམ་གསར་པ་ཞིག་ཐོག་སྐྱོད་པ་བཅས་བྱས་ནས《མཉམ་འབྲེལ་རྒྱལ་ཚོགས་ཀྱི་ཐང་རྒོད་ཅན་འགོག་བཅོས་ཀྱི་སྤྱི་ཆིངས》（གཤམ་དུ《སྤྱི་ཆིངས》ཞེས་བསྡུ་རྒྱུ）དྲུང་ཡིག་ཁྲུའུ་ཡིས་ཀྲུང་གོར“ཐང་རྒོད་ཅན་འགོག་བཅོས་ཀྱི་ཕུལ་བྱུང་བྱས་རྗེས་བྱ་དགའ”ཐེངས་གཉིས་སྤྲད་དེ“འཛམ་གླིང་གི་ཐང་རྒོད་ཅན་འགོག་བཅོས་ཐད་ཀྲུང་གོར་ལྟ་དགོས་པའི”ངོས་འཛིན་བྱས་པ་རེད།

ཀྲུང་གོས་ཐང་རྒོདཅན་བཅོས་སྐྱོང་ལ་ཤུགས་སྣོན་རྒྱག་པ་དང་མི་དང་རང་བྱུང་ཁམས་ཞི་མཐུན་མཉམ་གནས་ལ་སྐུལ་འདེད་གཏོང་བའི་བྱ་སྤྱོད་ལས་འཛམ་གླིང་ལ་བག་ཆགས་ཟབ་མོ་བཞག་ཡོད་ལ། ཀྲུང་གོ་མི་དམངས་ཀྱིས་དཀའ་སྤྱད་ཚད་མེད་དང་སྙིང་རུས་གཏན་འཁྱོངས་བྱས་པའི་བྱེ་འགོག་བྱེ་བཅོས་ཀྱི་གཏམ་རྒྱུད་ལས་འཛམ་གླིང་ལ་སེམས་འགུལ་ཟབ་མོ་ཐེབས་ཡོད། སོ་ཏི་ཨ་རབ་ཀྱི་རྒྱལ་ས་རི་ཡ་ཏེར་འཚོག་བཞིན་པའི《སྤྱི་ཆིངས》ཀྱི་ཆིངས་ཡིག་འཇོག་མཁན་ཕྱོགས་ཀྱི་ཚོགས་ཆེན་ཐེངས་བཅུ་དྲུག་པའི་ཐོག་ཀྲུང་གོའི་འགྲེམས་ཁང་དམིགས་བསལ་དུ་བཙུགས་པ་དང་། ཀྲུང་གོས་ས་ཁོངས་ཕྱི་རོལ་དུ་ཐང་རྒོད་ཅན་འགོག་བཅོས་དང“བྱང་གསུམ”འདུ་འགོད་ཀྱི་འགག་སྒྲོལ་དམག་འཐབ་འགྲེམས་སྟོན་དང་ངོ་སྤྲོད་ཐོག་མར་བྱས་པ་རེད། “ངས་ཀྲུང་གོའི་འགྲེམས་ཁང་དུ་འགྲེམས་སྟོན་བྱས་པའི་ཀྲུང་གོ་མི་དམངས་ཀྱིས་ཐང་རྒོད་ཅན་འགོག་བཅོས་བྱ་ཆེད་འབད་བརྩོན་བྱས་པའི་པར་རིས་མཐོང་སྐབས་ཧང་སངས་བྱུང་། དེ་ཐོག་ནས་ཐང་རྒོད་ཅན་འགོག་བཅོས་ཐད་ཀྱི་ཀྲུང་གོའི་ཁྱད་དུ་འཕགས་པའི་འགོ་ཁྲིད་ནུས་པ་མཚོན་གྱི་འདུག” 《སྤྱི་ཆིངས》ལག་བསྟར་དྲུང་ཡིག་གཞོན་པ་མུའུ་ལི་ལུའོ་ཡིས་འགོ་ཁྲིད་ཀྱི་ནུས་པ་ཆེན་པོ་དང་། ནུས་ཆེའི་ཐབས་ཇུས། ས་གནས་སྲིད་གཞུང་དང་སྤྱི་ཚོགས་ཡོངས་རྒྱ་ཁྱབ་ངང་ཞུགས་པ། སྲོལ་རྒྱུན་གྱི་བྱེད་ཐབས་དང་གསར་གཏོད་ལག་རྩལ་མཉམ་འདྲེས་གཅིག་གྱུར་བཅས་བྱས་པ་དེ་དག་གིས་ཐང་རྒོད་ཅན་འགོག་བཅོས་བྱེད་པའི་ཁྱབ་ཁོངས་ནང་ཀྲུང་གོར་གྲུབ་འབྲས་ཧ་ཅང་ཆེན་པོ་ཐོབ་རྒྱུར་སྐུལ་མ་ཐེབས་ཡོད་ཅེས་བརྗོད་པ་རེད།

ཐང་རྒོདཅན་འགོག་བཅོས་ཀྱི“གྲུབ་འབྲས་རེའུ་མིག”ནི་ཀྲུང་གོས་སྐྱེ་ཁམས་ཤེས་དཔལ་འཛུགས་སྐྱོང་གི་ལམ་བུའི་ཐོག་འབད་འབུངས་མདུན་སྐྱོད་བྱས་པའི་བསྡུས་རིས་ཤིག་རེད། ཀྲུང་གོའི་ནགས་ཚལ་ཁེབས་ཚད་དང་ནགས་ཚལ་གསོག་འབོར་ལོ་40བསྟུད་མར“གཉིས་འཕར”རྒྱུན་འཁྱོངས་ཐུབ་པ་དེ་ནི་གོ་ལ་ཧྲིལ་པོའི་ནགས་ཚལ་ཐོན་ཁུངས་འཕར་མང་ཤོས་དང་མི་ཐབས་ཀྱི་ནགས་བཟོའི་རྒྱ་ཁྱོན་ཆེ་ཤོས་ཀྱི་རྒྱལ་ཁབ་ཅིག་ཡིན་པ་དེས་གོ་ལ་ཧྲིལ་པོའི་གསར་འཕར་སྔོ་འགྱུར་རྒྱ་ཁྱོན་གྱི་བཞི་ཆ་གཅིག་ལེགས་སྐྱེས་ཕུལ་ཡོད་པ་རེད། ཨ་རིའི་རྒྱལ་ཁབ་ཀྱི་མི་ཆོས་རིག་གནས་ཚན་རིག་ཁང་གི་ཡོན་ཧྲི་གཡོད་ཧན·ཁོ་པུའུ་ཆུང་བས་ཀྲུང་གོས་སྤུས་ཚད་མཐོ་བའི་ལྗང་མདོག་འཕེལ་རྒྱས་ཀྱི་ལམ་བུའི་ཐོག་བསྐྱོད་དེ“གོ་ལ་ཧྲིལ་པོའི་སྐྱེ་ཁམས་ཤེས་དཔལ་འཛུགས་སྐྱོང་ལ་རེ་བའི་འོད་ཟེར་སྦྱིན་པའི”ངོས་འཛིན་བྱས་པ་རེད།