ཤིན་ཧྭ་གསར་འགྱུར་ཁང་གྲོང་ཁྱེར་ཁ་ར་ཁ་སི་ནས་གློག་འཕྲིན་འབྱོར་པ་གཞིར་བཟུང་། ཚེས་5ཉིན། ཝེ་ནེ་ཙུའེ་ལར་བཅའ་སྡོད་ཀྲུང་གོའི་གཞུང་ཚབ་ཆེ་མོ་ཁང་དང་ཝེ་ནེ་ཙུའེ་ལའི་ཕྱི་འབྲེལ་པུའུ་ཡིས་མཉམ་དུ་ཝེ་ནེ་ཙུའེ་ལའི་རྒྱལ་ས་ཁ་ར་ཁ་སི་རུ་རྒྱལ་ཁབ་གཉིས་དབར་ཕྱི་འབྲེལ་བཙུགས་ནས་ལོ་50འཁོར་བར་རྟེན་འབྲེལ་ཞུ་བའི་ཀྲུང་གོའི་གློག་བརྙན་གཟའ་འཁོར་གྱི་འགོ་ཚུགས་མཛད་སྒོ་གཉེར་བ་རེད།
ཝེ་ནེ་ཙུའེ་ལར་བཅའ་སྡོད་ཀྲུང་གོའི་གཞུང་ཚབ་ཆེ་མོ་བ་ལན་ཧུའུ་དང་ཝེ་ནེ་ཙུའེ་ལའི་ཕྱི་འབྲེལ་པུའུ་ཀྲང་གཞོན་པ་ལི་ཁའོ་ཞི་སོགས་ལས་རིགས་ཁག་གི་མི་བརྒྱ་ཙམ་འགོ་ཚུགས་མཛད་སྒོར་ཞུགས་པ་དང་འབྲེལ་གློག་བརྙན《ཟླ་བའི་གོ་ལར་སྐྱོད》ཅེས་པར་བལྟས་པ་རེད།