འདི་ག་ཚགས་པར་ཁང་དུ་པེ་ཅིང་ནས་གློག་འཕྲིན་འབྱོར་གསལ། གསར་འགོད་པས་ཤེས་རྟོགས་བྱས་པར། པེ་ཅིང་གྲོང་ཁྱེར་གྱི་རྒྱལ་ཡོངས་རིག་གནས་ལྟེ་གནས་འཛུགས་སྐྱོང་སྐུལ་སྤེལ་འགོ་ཁྲིད་ཚོགས་ཆུང་གིས་ཉེ་ཆར《རིག་གནས་ལས་རྣམ་པ་གསར་སྐྱེད་སྲིང་བྱས་ནས་རིག་གནས་ཀྱི་ཐོན་སྐྱེད་ནུས་ཤུགས་གསར་མ་འཕེལ་རྒྱས་ཤུགས་ཆེན་གཏོང་རྒྱུའི་སྐོར་གྱི་བྱ་ཐབས་འགའ་ཞིག》བཏོན་པ་རེད།

བྱ་ཐབས་དེའི་འཆར་འགོད་གཞིར་བཟུང་། པེ་ཅིང་གྲོང་ཁྱེར་གྱིས་ལོ་5ཙམ་འབད་བརྩོན་བྱས་པ་བརྒྱུད་རིག་གནས་དང་ཚན་རྩལ་མཉམ་འདྲེས་ཀྱི་ནུས་ལྡན་ལམ་སྲོལ་གཞི་རྩའི་ཆ་ནས་ཆགས་པ་དང་ཚན་རྩལ་གསར་གཏོད་ཀྱིས་རིག་གནས་ཐོན་ལས་ཀྱི་གསར་གཏོད་ནུས་པ་མངོན་གསལ་དོད་པོས་ཆེ་རུ་གཏོང་རྒྱུར་སྐུལ་ཁྲིད་ཐུབ་ཡོད། འཁྲབ་སྟོན་དང་། དཔེ་སྐྲུན། གློག་བརྙན་བརྙན་འཕྲིན། དྲ་རྒྱའི་བརྙན་ལམ།

(པར་ངོས་གཉིས་པར་གཟིགས)(པར་ངོས་དང་པོར་མཐུད) རིག་གནས་ཡུལ་སྐོར་དང་རིག་གནས་ཐོན་རྫས་འགྲེམས་ཚོགས། སྨྱན་སྦྱོར་མཉམ་འདྲེས་སོགས་གཙོ་གནད་ཁྱབ་ཁོངས་ཀྱི་ལས་རྣམ་གསར་པ་དང་། རྣམ་པ་གསར་པ། བྱེད་སྟངས་གསར་པ་བཅས་རྒྱུན་ཆད་མེད་པར་ཐོན་པ་དང་། རིག་གནས་དང་ཁྱབ་ཁོངས་གཞན་དག་མཉམ་འདྲེས་གཏིང་ཟབ་བྱུང་བ། ལས་རིགས་ཀྱི་སྣེ་ཁྲིད་ཁེ་ལས་དང་རྒྱལ་ཁབ་རིམ་པའི་ཐོན་ལས་ཁྱུ་ཚོགས་ཁག་གཅིག་སྐྱེད་སྲིང་བྱས་པ། སྤུས་ལེགས་ཀྱི་རིག་གནས་ཐོན་རྫས་མཁོ་སྤྲོད་སྔར་བས་ཕུན་སུམ་ཚོགས་སུ་ཕྱིན་པ། རྒྱལ་ཡོངས་རིག་གནས་ལྟེ་གནས་ཀྱི་དཔེ་སྟོན་སྣེ་ཁྲིད་ནུས་པ་སྔར་བས་མངོན་གསལ་དོད་དུ་ཕྱིན་པ། རིག་གནས་ཀྱི་འཇམ་ཤུགས་དང་རྒྱལ་སྤྱིའི་ཤུགས་རྐྱེན་ཐེབས་ཤུགས་སྔར་བས་ཆེ་རུ་ཕྱིན་ཡོད་པ་རེད།

བྱ་ཐབས་དེ་གཞིར་བཟུང་། པེ་ཅིང་གྲོང་ཁྱེར་གྱིས་མི་ཐབས་རིག་ནུས་དང་། ཚན་ཚན་ཕྲེང་འབྲེལ། གྲངས་གཞི་ཆེ་མོ་སོགས་རབས་གསར་པའི་ཆ་འཕྲིན་ལག་རྩལ་དང་གྲངས་འཛིན་ལག་རྩལ་གྱི་ནུས་པ་གཉིས་ལྡན་གྱི་རིག་གནས་རྣམ་པ་གསར་པ་དང་ལས་རྣམ་གསར་པ་ཧུར་ཐག་གཏོད་པ་དང་། རིག་གནས་ཚན་རྩལ་ཁེ་ལས་ཀྱིས་ཚན་རྩལ་གསར་གཏོད་ཀྱི་འབྲེལ་ཡོད་རོགས་སྐྱོར་སྲིད་ཇུས་ལོངས་སུ་སྤྱོད་པར་རྒྱབ་སྐྱོར་བྱས་ཏེ་རིག་གནས་ཚན་རྩལ་ཁེ་ལས་ཆེ་གྲས་ཀྱིས་སྣེ་ཁྲིད་དེ་ཐོན་སློབ་ཞིབ་གསུམ་མཉམ་འདྲེས་གཏིང་ཟབ་ཡོང་བར་སྐུལ་འདེད་གཏོང་བ། གཉེར་སྐྱོང་བྱེད་པོར་དྲ་ཐོག་འཁྲབ་སྟོན་དང་། སྒྱུ་རྩལ་ཐད་གཏོང་། ཞབས་བྲོའི་ཉམས་འགྱུར་སོགས་ཀྱི་ལས་རྣམ་གསར་པ་འཕེལ་རྒྱས་གཏོང་རྒྱུར་ཁྲིད་སྟོན་བྱེད་པ། རིག་གནས་དང་ཡུལ་སྐོར་མཉམ་འདྲེས་འཕེལ་རྒྱས་ཀྱི་སྒྲིག་སྲོལ་ལམ་སྲོལ་འཐུས་སྒོ་ཚང་དུ་བཏང་ནས་རིག་གནས་དང་ཡུལ་སྐོར་འཛད་སྤྱོད་ཀྱི་གསོན་ཤུགས་འཕེལ་བར་བྱེད་པ། རིག་དངོས་ལས་ཁུངས་ཀྱི་གྲངས་གཞིའི་རྒྱུ་རྐྱེན་གཙོ་བོ་གསར་སྤེལ་ཧུར་ཐག་བྱས་ནས་རིག་གནས་ཐོན་རྫས་འགྲེམས་ཚོགས་རྟེན་རྫས་གྲངས་འཛིན་རིག་གནས་ཀྱི་IPཁག་གཅིག་གཏོད་པ། རིག་གནས་ཁྱབ་ཁོངས་ཀྱི་མཁོ་སྤྲོད་ཕྱོགས་ཀྱི་གྲུབ་ཆའི་རང་བཞིན་གྱི་སྒྱུར་བཅོས་གཏིང་ཟབ་བྱེད་པ་དང་། རིག་གནས་ཞབས་ཞུ་དང་རིག་གནས་ཐོན་རྫས་ཀྱི་མཁོ་སྤྲོད་ལམ་སྲོལ་ལེགས་སྒྱུར་བཅས་བྱས་ནས་ཀྲུང་གོའི་ཉམས་འགྱུར་དང་པེ་ཅིང་གི་ཁྱད་ཆོས་ལྡན་པའི་རིག་གནས་IPབསྐྲུན་རྒྱུ་ཡིན་པ་རེད།