འདི་ག་ཚགས་པར་ཁང་དུ་ཀུའེ་དབྱང་ནས་གློག་འཕྲིན་འབྱོར་གསལ། ཉིན་ཤས་གོང་། ཝུའུ་ཅང་གཙང་པོའི་ཆུ་ཐོག་སྐྱེལ་འདྲེན་གྱི་ནུས་པ་ཆེར་གཏོང་ལས་གྲྭའི་ཝུའུ་ཅང་གཙང་པོའི་གྲུ་ཁ——ཀུང་ཐན་རིམ་གསུམ་གྲུ་ལམ་འཛུགས་སྐྲུན་ལས་གྲྭའི་ལས་འགོ་ཚུགས་པའི་མཛད་སྒོ་ཀུའེ་ཀྲོའུ་ཏེ་ཅང་གྲུ་ཁར་འཚོགས་པ་དེ་ཐོག་ནས་ཝུའུ་ཅང་གཙང་པོའི་རིམ་གསུམ་གྲུ་ལམ་ཀུའེ་ཀྲོའུ་དུམ་བུ་དངོས་སུ་འགོ་ཚུགས་པ་མཚོན་ཡོད། རྣམ་གྲངས་དེའི་འཛུགས་སྐྲུན་ཐད་རིམ་གསུམ་གྲུ་ལམ་དུ་ཏུན་1000རིམ་པའི་གྲུ་གཟིངས་ཤར་གཏོང་གི་ཚད་གཞིའི་ཐོག་ནས་ཝུའུ་ཅང་གཙང་པོའི་ཆུ་གཞུང་ཨ་མའི་སྤྱི་ལེ་407ཟིན་པའི་གྲུ་ལམ་དང་ཆིང་ཧྲུའེ་གཙང་པོའི་ཆུ་ལག་གི་སྤྱི་ལེ་24ཟིན་པའི་གྲུ་ལམ་བཅོས་སྒྲིག་བྱ་རྒྱུ་དེའི་དམིགས་ཡུལ་ནི་ཝུའུ་ཅང་གཙང་པོའི་གྲུ་ལམ་གྱི་བདེ་འཇཌ་འཁོར་སྐྱོད་ལ་སྔར་བས་འགན་ལེན་བྱེད་པ་དང་གྲུ་ལམ་གྱི་ནུས་ཕྱོད་ཆེ་རུ་བཏང་ནས་དེང་རབས་ཅན་གྱི་སྤུས་ཚད་མཐོ་བའི་ཕྱོགས་བསྡུས་འགྲིམ་འགྲུལ་སྐྱེལ་འདྲེན་མ་ལག་མགྱོཌ་མྱུར་འཛུགས་ཆེད་ཡིན་པ་རེད།

ལས་གྲྭ་བསྐྲུན་རྗེས། ཏུན་1000རིམ་པའི་གྲུ་གཟིངས་ཝུའུ་ཅང་གཙང་པོའི་གྲུ་ཁ་ནས་ཁྲུང་ཆིང་ཀུང་ཐན་བར་ཤར་བགྲོད་ཐུབ་ནས་གཙང་པོའི་རྒྱུད་ཀྱི་འགྲིམ་འགྲུལ་དང་། ནུས་རྒྱུ། གྲངས་གཞི་ཆེ་མོ། རིག་གནས། ཡུལ་སྐོར་སོགས་ཐོན་ལས་འཕེལ་རྒྱས་ལ་སྐུལ་མ་ཐེབས་ཏེ་ཀུའེ་ཀྲོའུ་ཞིང་ཆེན་ཝུའུ་ཅང་གཙང་པོའི་རྒྱུད་ཀྱི་གྲོང་ཁྱེར་འབྲི་ཆུའི་རྒྱུད་ཀྱི་དཔལ་འབྱོར་ཁུལ་ནང་མཉམ་འདྲེས་ཐུབ་པར་དོན་སྙིང་གལ་ཆེན་ལྡན་ཡོད།

ཝུའུ་ཅང་གཙང་པོ་ནི་ཀུའེ་ཀྲོའུ་ཡི་ཆུ་བོ་ཆེ་ཤོས་ཡིན་པ་དང་། སྔར་ནས་བཟུང་ཝུའུ་ཅང་གཙང་པོའི་རྒྱུད་ཀྱི་མི་དམངས་ཕྱིར་སྐྱོད་ཀྱི་འགྲིམ་འགྲུལ་བགྲོད་ལམ་གཙོ་བོ་ཡིན། 2021ལོར་ཝུའུ་ཅང་གཙང་པོའི་ཆུ་ཐོག་སྐྱེལ་འདྲེན་གྱི་ལམ་ཐིག་ཧྲིལ་པོ་སླར་གསོ་ཐུབ་རྗེས་ཀུའེ་ཀྲོའུ་ཡིས་དངོས་ཟོག“ཕྱིར་སྐྱོད་པ་དང་ནང་དུ་འདྲེན་པའི”ཕྱོགས་གཉིས་ཀྱི་བགྲོད་ལམ་ཤར་གཏོང་ཐུབ་རྒྱུར་སྐུལ་མ་ཐེབས་ཏེ། “ཕྱིར་གཏོང་བའི”ཀུའེ་ཀྲོའུ་ཡི་ལིན་གྱི་གཏེར་རྡོ་དང་ཀལ་རྡོ་སོགས་གཏེར་ཁའི་ཐོན་རྫས་རྒྱུན་རྣམ་ཅན་གྱི་སྒོ་ནས་སྐྱེལ་འདྲེན་ཐུབ་པ་དང་། “ནང་དུ་འདྲེན་པའི”ཕྱིའི་དངོས་ཟོག་རིམ་བཞིན་ཁྲོམ་རར་གཏོང་འགོ་ཚུགས་ཡོད།