འདི་ག་ཚགས་པར་ཁང་དུ་པེ་ཅིང་ནས་ཟླ་12ཚེས་5ཉིན་གློག་འཕྲིན་འབྱོར་གསལ། ཚོང་དོན་པུས་ཡོངས་བསྒྲགས་བྱས་པའི་གྲངས་གཞི་ལས་མངོན་པར། ཟླ་བ་དང་པོ་ནས་བཅུ་པའི་བར། རང་རྒྱལ་གྱི་ཞབས་ཞུའི་ཚོང་དོན་མུ་མཐུད་མགྱོགས་པོ་འཕར་ནས་ཞབས་ཞུ་ཕྱིར་གཏོང་ནང་འདྲེན་གྱི་དངུལ་འབོར་སྒོར་དུང་ཕྱུར་61255.8ཟིན་པ་དེ་དུས་མཚུངས་ལས་14.6%འཕར་བའི་ནང་ཕྱིར་གཏོང་བྱེད་ཚད་སྒོར་དུང་ཕྱུར་25449.1ཟིན་ནས་16.6%འཕར་བ་དང་། ནང་འདྲེན་བྱེད་ཚད་སྒོར་དུང་ཕྱུར་35806.7ཟིན་ནས་13.2%འཕར་ཡོད།

ཤེས་བྱ་མང་འདུས་ཅན་གྱི་ཞབས་ཞུའི་ཚོང་དོན་མུ་མཐུད་འཕེལ་རྒྱས་བྱུང་ཞིང་། ཟླ་དང་པོ་ནས་བཅུ་པའི་བར། ཤེས་བྱ་མང་འདུས་ཅན་གྱི་ཞབས་ཞུ་ཕྱིར་གཏོང་ནང་འདྲེན་བྱེད་ཚད་སྒོར་དུང་ཕྱུར་23616.3ཟིན་ནས་5.9%འཕར་ཡོད།

ཡུལ་སྐོར་ཞབས་ཞུ་འཕེལ་རྒྱས་མྱུར་པོ་ཕྱིན་ཞིང་། ཟླ་དང་པོ་ནས་བཅུ་པའི་བར། ཡུལ་སྐོར་ཞབས་ཞུ་མུ་མཐུད་འཕེལ་རྒྱས་མགྱོགས་པོ་ཕྱིན་པ་དང་ཕྱིར་གཏོང་ནང་འདྲེན་བྱེད་ཚད་སྒོར་དུང་ཕྱུར་16709.4ཟིན་ནས་41.2%འཕར་ཏེ་ཞབས་ཞུའི་ཚོང་དོན་གྱི་ཁྱབ་ཁོངས་ཆེ་ཤོས་དང་པོར་གྱུར་ཡོད།