འདི་ག་ཚགས་པར་ཁང་དུ་ལྷ་ས་ནས་ཟླ་12ཚེས་3ཉིན་གནས་ཚུལ་འབྱོར་གསལ། ཉེ་ཆར། གསར་འགོད་པར་མི་དམངས་དངུལ་ཁང་བོད་ལྗོངས་ཡན་ལག་དངུལ་ཁང་ནས་ཤེས་རྟོགས་བྱུང་བར། འདི་ལོའི་རང་ལྗོངས་ཀྱི་ཁྱིམ་དུད（མི་སྒེར）ཀྱི་འཛད་སྤྱོད་དངུལ་བུན་འཕར་ཚུལ་རྒྱུན་འཁྱོངས་ཐུབ་ཡོད་པ་རེད། བསྡོམས་རྩིས་བྱས་པར་གཞིགས་ན། 2024ལོའི་ཟླ་10པའི་ཟླ་མཇུག་ཏུ་རང་ལྗོངས་ཀྱི་ཁྱིམ་དུད་ཀྱི་རང་དངུལ་དང་ཕྱི་དངུལ་གྱི་དངུལ་བུན་ལྷག་གྲངས་སྒོར་དུང་ཕྱུར་1470.61（དེའི་ནང་མི་སྒེར་གྱི་སྡོད་ཁང་དངུལ་བུན་གྱི་འཛད་སྤྱོད་དངུལ་བུན་སྒོར་དུང་ཕྱུར་572.58ཚུད་མེད）ཟིན་པ་དུས་མཚུངས་ལས་21.40%འཕར་ཞིང་། ལྷག་གྲངས་ལོ་འགོ་དང་བསྡུར་ན་སྒོར་དུང་ཕྱུར་97.58འཕར་ཡོད། དེ་དང་ཆབས་ཅིག་ཉེ་དུས་ལྗོངས་ནང་ཁུལ་གྱི་དངུལ་ཁང་མང་པོས་ཁེ་ལས་དང་བྱ་གཞག་ཚན་པ་དང་གཞུང་ཞབས་པ་སོགས་ལ་ཁ་ཕྱོགས་ནས་དུས་ཡུན་རིང་ཤོས་ལོ་5ཡི་ཁྲི་བརྒྱ་རིམ་པའི་གཏའ་མ་འཇོག་མི་དགོས་པའི་འཛད་སྤྱོད་དངུལ་བུན་བཏང་སྟེ། རྣམ་པ་སྣ་ཚོགས་ལ་བརྟེན་ནས་སྤྱོད་མཁན་མང་དུ་གཏོང་རྒྱུར་གཞོལ་ཡོད།

（ཚེ་དབང་ལྷ་མོས་སྒྱུར་ཞུས་བྱས）