འདི་ག་ཚགས་པར་ཁང་དུ་པེ་ཅིང་ནས་གློག་འཕྲིན་འབྱོར་གསལ། གསར་འགོད་པས་དངུལ་རྩ་ལྟ་འདོམས་སྤྱི་ཁྱབ་ཅུས་ནས་ཤེས་རྟོགས་བྱས་པར་གཞིགས་ན། དུས་ཚིགས་དང་པོ་ནས་གསུམ་པའི་བར་ཞིང་ལས་འགན་བཅོལ་གྱི་འགན་བཅོལ་གྲོན་དངུལ་གྱི་གཞི་ཁྱོན་སྒོར་དུང་ཕྱུར་1371ཟིན་པ་དེ་དུས་མཚུངས་ལས་6.2%འཕར་ནས་འགན་བཅོལ་ནང་ཞུགས་མཁན་ཞིང་དུད་ཁག་ཐེངས་དུང་ཕྱུར་1.36ལ་ཉེན་ཁ་འགན་ལེན་གྱི་དངུལ་སྒོར་དུང་ཕྱུར་ཁྲི་4.3བཏང་སྟེ་ཞིང་ལས་འགན་བཅོལ་གྱི་ཉེན་ཁ་ཆུང་དུ་གཏོང་བའི་ནུས་པ་ཡག་པོ་བཏོན་པ་རེད།

ཉེ་ཆར། དངུལ་རྩ་ལྟ་འདོམས་སྤྱི་ཁྱབ་ཅུས་དང་ནོར་སྲིད་པུའུ་སོགས་སྡེ་ཚན་གྱིས་མཉམ་འབྲེལ་ཐོག《ཞིང་ལས་འགན་བཅོལ་གྱི་གནད་སྨིན་ཉེན་འགོག་འགན་ལེན་གྱི་གུན་གསབ་སྤྲོད་པ་སོགས་ཀྱི་འབྲེལ་ཡོད་དོན་གནད་ལ་སྐུལ་འདེད་གཏོང་རྒྱུའི་སྐོར་གྱི་བརྡ་ཐོ》བཏང་བ་རེད།

བརྡ་ཐོར་ཁ་གསལ་བཏོན་དོན། ཉེན་འགོག་འགན་ལེན་གྱི་གནད་སྨིན་རང་བཞིན་གྱི་དོ་དམ་ལ་ཤུགས་སྣོན་བརྒྱབ་ནས་མཉམ་སྡེབ་རིགས་ཀྱི་ལས་སྒོ་དང་གཞི་ཁྱོན་གཉེར་སྐྱོང་གི་བྱེད་པོའི་རིགས་ཀྱི་ལས་སྒོར་ཁག་སོ་སོར་ཞིབ་བཤེར་བྱ་རྒྱུའི་བླང་བྱ་བཏོན་ཏེ། ས་གནས་ཁག་ལ་རྨང་གཞིའི་གྲངས་གཞི་དང་འགན་བཅོལ་གྲངས་གཞིའི་ར་སྤྲོད་ཞིབ་བསྡུར་ལམ་སྲོལ་སྔར་བས་འཐུས་སྒོ་ཚང་དུ་གཏོང་དགོས་པའི་བླང་བྱ་བཏོན་ཡོད་པ་རེད། གུན་གསབ་ལམ་སྲོལ་དང་ཚད་གཞི་འཐུས་སྒོ་ཚང་དུ་བཏང་ནས་ས་གནས་ཁག་གི་ཞིང་ལས་གྲོང་གསེབ་དང་ནགས་རྩྭ་སོགས་སྡེ་ཚན་གྱིས་འགན་བཅོལ་བྱ་ཡུལ་གཙོ་བོའི་གྱོང་གུན་གསལ་འབྱེད་ལག་རྩལ་གྱི་ཚད་གཞི་དུས་ཐོག་ཏུ་གསར་བརྗེས་བྱས་ནས་གྱོང་གུན་གཏན་འཁེལ་གྱི་ཀུན་ཡིད་ཆེས་ཚད་ཆེ་རུ་གཏོང་དགོས་པའི་བླང་བྱ་བཏོན་ཡོད་པ་རེད། བསྡུ་དགོས་ངེས་ཀྱི་འགན་བཅོལ་གྲོན་དངུལ་ལ་དོ་དམ་ནན་པོ་བྱས་ནས་ཆ་རྐྱེན་འཛོམས་པའི་ཞིང་ཆེན་ཁག་གིས་ཞིང་ཆེན་རིམ་པའི་ནོར་སྲིད་སྡེ་ཚན་ཁག་དང་འགན་བཅོལ་ཀུང་སིའི་ཞིང་ཆེན་རིམ་པའི་ཡན་ལག་ཀུང་སིའི་མཇུག་རྩིས་རྒྱག་སྟངས་ལ་སྐུལ་འདེད་བཏང་སྟེ་ནོར་སྲིད་མ་དངུལ་གཏོང་སྤྲོད་ཀྱི་ལས་ཕྱོད་ཆེ་རུ་གཏོང་དགོས་པའི་བླང་བྱ་བཏོན་ཡོད་པ་རེད།