འདི་ག་ཚགས་པར་ཁང་དུ་གློག་འཕྲིན་འབྱོར་གསལ། ཉེ་ཆར། ཀྲུང་གོའི་པར་ལེན་སྒྱུ་རྩལ་དུས་ཆེན་སྐབས་བཅོ་ལྔ་པ་ཧོ་ནན་ཞིང་ཆེན་གྱི་སན་མོན་ཞ་གྲོང་ཁྱེར་དུ་གཉེར་ཞིང་། སྐབས་བཅོ་ལྔ་པའི་ཀྲུང་གོའི་པར་ལེན་གསེར་བརྙན་བྱ་དགའ་ཐོབ་མཁན་དུས་མཚུངས་སུ་ཁྱབ་བསྒྲགས་བྱས་པ་རེད། པར་ལེན་པ་20ལ་སྐབས་འདིའི་ཀྲུང་གོའི་པར་ལེན་གསེར་བརྙན་བྱ་དགའི་གནས་ཚུལ་དངོས་པར་ལེན་རིགས་དང་། སྒྱུ་རྩལ་པར་ལེན་རིགས། ཚོང་ལས་པར་ལེན་རིགས་བཅས་ཀྱི་བྱ་དགའ་ཐོབ་ཅིང་། པར་ལེན་མཁས་ཅན་ཞུས་ཡུང་ཧུའེ་དང་ཧོ་ཧྲི་ཡའོ་ལ་ཀྲུང་གོ་རྩོམ་རིག་སྒྱུ་རྩལ་ལས་རིགས་མཉམ་འབྲེལ་ལྷན་ཚོགས་ཀྱི་ཚེ་གང་གྲུབ་འབྲས་བྱ་དགའ(པར་ལེན)ཐོབ་པ་རེད།

ཤེས་རྟོགས་བྱུང་བར་གཞིགས་ན། སྐབས་འདིའི་ཀྲུང་གོའི་པར་ལེན་གསེར་བརྙན་བྱ་དགའ་དེ་ད་ལོའི་ཟླ་3ཚེས་12ཉིན་ནས་རེ་ཞུ་བྱེད་འགོ་ཚུགས་པ་དང་ཟླ་6ཚེས་12ཉིན་མཚམས་བཞག་པ་དང་། རེ་ཞུ་བྱེད་མཁན་བསྡོམས་མི་285ཡོད་པའི་ནང་གནས་ཚུལ་དངོས་འགོད་རིགས་ཀྱི་མི་162དང་། སྒྱུ་རྩལ་རིགས་ཀྱི་མི་103 ཚོང་ལས་རིགས་ཀྱི་མི་20བཅས་ཡོད། “ཀྲུང་གོའི་པར་ལེན་སྒྱུ་རྩལ་དུས་ཆེན་ནི་ཀྲུང་དབྱང་གི་ཆོག་མཆན་ཐོབ་པའི་གཉེར་སྔ་ཤོས་དང་། དོ་ཁུར་བྱེད་ཡུན་རིང་ཤོས། ཤུགས་རྐྱེན་ཐེབས་ཤུགས་ཆེ་བ་བཅས་ཀྱི་ཀྲུང་གོའི་པར་ལེན་དུས་ཆེན་ཞིག་ཡིན་ཞིང་། 1989ལོ་ནས་ད་བར་ལོ་35སོང་ཡོད། པར་ལེན་སྒྱུ་རྩལ་ཁྱབ་ཁོངས་ཀྱི་རྒྱལ་ཡོངས་རང་བཞིན་གྱི་མི་སྒེར་གྱི་གྲུབ་འབྲས་བྱ་དགའ་ཆེ་ཤོས་ཡིན་པའི་ཀྲུང་གོའི་པར་ལེན་གསེར་བརྙན་བྱ་དགའ་དེ་ནི་སྤྱོད་རྩལ་གཉིས་འཛོམས་ཀྱི་པར་ལེན་ལས་དོན་པའི་སྒྱུ་རྩལ་གྲུབ་འབྲས་ལ་བསྔགས་བརྗོད་ཆེ་ཤོས་བྱེད་པའི་བྱ་དགའ་དེ་བས་ཀྱང་རེད”ཅེས་ཀྲུང་གོ་པར་ལེན་མཁས་ཅན་མཐུན་ཚོགས་ཀྱི་ཀྲུའུ་ཞི་ལི་ཀོ་ཡིས་བཤད།

སྐབས་འདིའི་པར་ལེན་སྒྱུ་རྩལ་དུས་ཆེན་ཐོག་AIཡི་གསར་གཏོད་བརྙན་པར་བརྩམས་ཆོས་འགྲེམས་སྟོན་དང་མི་ཐབས་རིག་ནུས་ལག་རྩལ་ལ་བརྟེན་ནས་ལྟད་མོ་བར་མཐོང་ཐོས་གསར་པ་སྦྱིན་ཡོད། ཀྲུང་གོ་པར་ལེན་མཁས་ཅན་མཐུན་ཚོགས་ཀྱི་ཀྲུའུ་ཞི་གཞོན་པ་ལི་ཧྲུའུ་ཧྥུང་གིས་ལག་རྩལ་གྱི་བྱེད་ཐབས་ནི་ནང་དོན་ལ་ཞབས་འདེགས་ཞུ་མཁན་ཞིག་ཡིན། འཚོ་བར་ཉམས་ལེན་བྱེད་པའི་ནུས་པ་རྒྱུན་ཆད་མེད་པར་ཆེ་རུ་གཏོང་དགོས་པའི་ངོས་འཛིན་བྱེད་ཀྱི་ཡོད།

（དབང་སྒྲོན་སྐྱིད་ཀྱིས་བསྒྱུར། སྤེན་ཚེས་ཞུས）