འདི་ག་ཚགས་པར་ཁང་དུ་པེ་ཅིང་ནས་གློག་འཕྲིན་འབྱོར་གསལ། ཚེས་3ཉིན“ཚེ་སྲོག་གི་འོད་སྣང་རབ་ཏུ་འཕྲོ། འགོག་མེད་དང་། གཅེས་སེམས། ཀུན་ཕན། མཉམ་སྤྱོད”བཅས་བརྗོད་དོན་གཙོ་བོར་བྱས་པའི་རྒྱལ་སྤྱིའི་དབང་སྐྱོན་ཉིན་མོ་ཐེངས་སོ་གསུམ་པའི་དམིགས་བསལ་བྱེད་སྒོ་མི་དམངས་ཉིན་རེའི་ཚགས་པར་ཁང་དུ་སྤེལ་བ་རེད།

ཀྲུང་གོ་དབང་སྐྱོན་མཉམ་འབྲེལ་ལྷན་ཚོགས་ཀྱི་སྤྱི་ཕན་རྩ་འཛུགས་དང་། དབང་སྐྱོན་ལ་རོགས་སྐྱོར་སྤྱི་ཚོགས་ཞབས་ཞུའི་སྒྲིག་གཞི། དབང་སྐྱོན་ལ་རོགས་སྐྱོར་དང་བླངས་ཞབས་ཞུའི་ཉི་འོད་རྟེན་གཞི་བཅས་ནས་ཡོང་བའི་འཐུས་མི་དང་དབང་སྐྱོན་གྲོགས་པོ་དང་། དབང་སྐྱོན་ལས་དོན་པ། དབང་སྐྱོན་ལ་རོགས་སྐྱོར་གྱི་དང་བླངས་པ་བཅས་མི་བརྒྱ་ཙམ་བྱེད་སྒོར་ཞུགས་ཤིང་། རྒྱལ་ཡོངས་མི་དམངས་འཐུས་ཚོགས་རྒྱུན་ལས་ཨུ་ཡོན་ལྷན་ཁང་གི་ཨུ་ཡོན་དང་ཀྲུང་གོ་དབང་སྐྱོན་ལ་རོགས་སྐྱོར་དང་བླངས་པའི་མཐུན་ཚོགས་ཀྱི་ཚོགས་གཙོ་ལུའེ་ཧྲི་མིང་བྱེད་སྒོར་ཕེབས་པ་དང་འབྲེལ་ཤིས་ཚིག་ཀྱང་གསུངས་པ་རེད།

དེའི་རིང་ཀྲུང་གོ་དབང་སྐྱོན་ལ་རོགས་སྐྱོར་གྱི་དང་བླངས་པའི་མཐུན་ཚོགས་དང་མི་དམངས་ཉིན་རེའི་ཚགས་པར་གྲངས་འཛིན་བརྒྱུད་སྤེལ་ཀུང་སིས་འཐབ་ཇུས་མཉམ་ལས་ཀྱི་གྲོས་མཐུན་ལ་མིང་རྟགས་བཀོད་དེ། ཕྱོགས་གཉིས་པོས་དབང་སྐྱོན་ལ་རོགས་སྐྱོར་བྱེད་པའི་དང་བླངས་དྲིལ་བསྒྲགས་དང་འགོག་མེད་གློག་རྡུལ་ཚགས་པར་ཀློག་ས་ཞིབ་འཇུག་གསར་སྤེལ་དང་འཛུགས་སྐྱོང་ལས་དོན་ལ་མཉམ་དུ་སྐུལ་འདེད་བཏང་ནས། སྤྱི་ཚོགས་ཡོངས་ཀྱིས་དབང་སྐྱོན་ལ་བསམ་ཤེས་དང་། བརྩི་འཇོག སེམས་ཁུར། རོགས་རམ་བཅས་བྱེད་པའི་རྣམ་པ་ཟབ་མོ་ཞིག་གཏོད་པར་སྐུལ་འདེད་གཏོང་རྒྱུ་ཡིན་པ་རེད།