འདི་ག་ཚགས་པར་ཁང་དུ་པེ་ཅིང་ནས་ཟླ་12ཚེས་2ཉིན་གློག་འཕྲིན་འབྱོར་གསལ། ཀྲུང་གོ་མི་དམངས་དངུལ་ཁང་གིས་ཁྱབ་བསྒྲགས་བྱས་པའི་ཟླ་10པའི་དངུལ་རྩའི་ཁྲོམ་རའི་འཁོར་རྒྱུག་གནས་ཚུལ་ལས་མངོན་པར། ཟླ་10པར་རང་རྒྱལ་གྱི་བུན་འཛིན་ཁྲོམ་རས་རིགས་ཁག་གི་བུན་འཛིན་ཁྱོན་སྒོར་དུང་ཕྱུར་52361.7འགྲེམས་སྤེལ་བྱས་ཡོད། དེའི་ནང་རྒྱལ་བུན་འགྲེམས་སྤེལ་སྒོར་དུང་ཕྱུར་11027.0ཟིན་པ་དང་། ས་གནས་སྲིད་གཞུང་གི་བུན་འཛིན་འགྲེམས་སྤེལ་སྒོར་དུང་ཕྱུར་6831.3ཟིན་པ། དངུལ་རྩའི་བུན་འཛིན་འགྲེམས་སྤེལ་སྒོར་དུང་ཕྱུར་7852.1ཟིན་པ། ཀུང་སིའི་ཡིད་རྟོན་རིགས་ཀྱི་བུན་འཛིན་འགྲེམས་སྤེལ་སྒོར་དུང་ཕྱུར་9425.2ཟིན་པ། ཡིད་རྟོན་དངུལ་བུན་རྒྱུ་ནོར་གྱི་རྒྱབ་སྐྱོར་དངུལ་འཛིན་འགྲེམས་སྤེལ་སྒོར་དུང་ཕྱུར་401.1ཟིན་པ། ལས་རིགས་གཅིག་པའི་ཉར་འཛིན་འགྲེམས་སྤེལ་སྒོར་དུང་ཕྱུར་16415.0ཟིན་གྱི་ཡོད།
ཟླ་10པར་དངུལ་ཁང་དབར་གྱི་བུན་འཛིན་ཁྲོམ་རའི་ད་ཡོད་བུན་འཛིན་གྱི་ཚོང་འགྲིག་ཚད་སྒོར་དུང་ཕྱུར་ཁྲི་25.5ཟིན་པ་དང་། ཉིན་རེར་ཆ་སྙོམས་ཚོང་འགྲིག་ཚད་སྒོར་དུང་ཕྱུར་13408.9ཟིན་པ། དུས་མཚུངས་དང་བསྡུར་ན་17.6%འཕར་བ་དང་ཟླ་བསྡུར་1.2%འཕར་ཡོད། དངུལ་ཁང་དབར་གྱི་ལས་རིགས་གཅིག་པའི་ནང་བསྐྱིས་ཁྲོམ་རར་ཚོང་འགྲིག་ཚད་སྒོར་དུང་ཕྱུར་ཁྲི་8.4ཟིན་པ་དེ་དུས་མཚུངས་དང་བསྡུར་ན་2.1%ཆག་པ་དང་ཟླ་བསྡུར་10.2%འཕར་ཡོད། ཟླ་10པར་ལས་རིགས་གཅིག་པའི་ནང་བསྐྱིས་རྩིས་སྐོར་གྱི་ཆ་སྙོམས་སྐྱེད་ཚད་1.59%ཟིན་པ་དེ་ཟླ་བསྡུར་གཞི་གནས་19ཆག་ཡོད། རྒྱུ་འཛིན་གཏའ་འཇོག་རྣམ་པའི་ཚུར་ཉོ་རྩིས་སྐོར་གྱི་ཆ་སྙོམས་སྐྱེད་ཚད་1.65%ཟིན་པ་དེ་ཟླ་བསྡུར་གཞི་གནས་18ཆག་ཡོད།
གཞན་ཡང་ཟླ་10པར་ཚོང་ལས་ཀྱི་དངུལ་འགྲུལ་འཛིན་ཤོག་གི་དངུལ་སྤྲོད་འགན་ལེན་བྱས་འབོར་སྒོར་དུང་ཕྱུར་ཁྲི་3.1ཟིན་པ་དང་དུས་མ་ཐིམ་པའི་སྐྱེད་ཀ་སྤྲད་འབོར་སྒོར་དུང་ཕྱུར་ཁྲི་2.5ཟིན་པ་དང་། ཟླ་10པའི་ཟླ་མཇུག་བར་ཚོང་ལས་དངུལ་འགྲུལ་འཛིན་ཤོག་གི་དངུལ་སྤྲོད་འགན་ལེན་ལྷག་གྲངས་སྒོར་དུང་ཕྱུར་ཁྲི་19.0ཟིན་པ་དང་དུས་མ་ཐིམ་པའི་སྐྱེད་ཀ་སྤྲད་འབོར་གྱི་ལྷག་གྲངས་སྒོར་དུང་ཕྱུར་ཁྲི་14.3ཟིན་པ། ཟླ་10པར་འཛིན་ཤོག་སྤྲད་པའི་ཁེ་ལས་འབྲིང་ཆུང་ཕྲན་གསུམ་ཁྲི་10.1ཟིན་པ་དེས་འཛིན་ཤོག་སྤྲད་པའི་ཁེ་ལས་ཡོངས་ཀྱི་93.1%བཟུང་བ། ཁེ་ལས་འབྲིང་ཆུང་ཕྲན་གསུམ་གྱི་འཛིན་ལོར་བཙོངས་འབོར་སྒོར་དུང་ཕྱུར་ཁྲི་2.3ཟིན་པ་དེས་འཛིན་ཤོག་བཙོངས་འབོར་ཡོངས་ཀྱི་73.4%བཟུང་བ། དུས་མ་ཐིམ་པའི་སྐྱེད་ཀ་སྤྲད་པའི་ཁེ་ལས་འབྲིང་ཆུང་ཕྲན་གསུམ་ཁྲི་11.2ཟིན་པ་དེས་དུས་མ་ཐིམ་པའི་སྐྱེད་ཀ་སྤྲད་པའི་ཁེ་ལས་ཡོངས་ཀྱི་96.4%བཟུང་བ། དུས་མ་ཐིམ་པའི་སྐྱེད་ཀ་སྤྲད་འབོར་སྒོར་དུང་ཕྱུར་ཁྲི་2.0ཟིན་པ་དེས་དུས་མ་ཐིམ་པའི་སྐྱེད་ཀ་སྤྲད་འབོར་ཡོངས་ཀྱི་78.1%བཟུང་བ་བཅས་རེད།
（སྤེན་ཚེས་བསྒྱུར། སྤེན་ཚེ་དང་དབང་སྒྲོན་སྐྱིད་ཀྱིས་ཞུས）