མཚོ་སྔོན་གྱིས་2024ལོའི“སྤྱི་ཚོགས་འགན་བཅོལ་ཞབས་ཞུ་ཁྱིམ་

ཚང་ཁྲིར་གཤམ་སྤེལ”གྱི་བྱེད་སྒོ་ཕྱོགས་ཡོངས་ནས་སྤེལ་བ།

▶ མཚོ་སྔོན་གྱིས་ཟླ་11ཚེས་15ནས་24ཉིན་བར། 2024ལོའི“སྤྱི་ཚོགས་འགན་བཅོལ་ཞབས་ཞུ་ཁྱིམ་ཚང་ཁྲིར་གཤམ་སྤེལ”གྱི་བྱེད་སྒོ་ཕྱོགས་ཡོངས་ནས་སྤེལ་ཏེ་དམངས་ལ་ཕན་པ་དང་ཁེ་ལས་ལ་སྟབས་བདེ་བསྐྲུན་པའི་སྤྱི་ཚོགས་འགན་བཅོལ་གྱི་སྲིད་ཇུས་དང་སེམས་དྲོད་དང་སྙིང་ཉེ་བའི་སྤྱི་ཚོགས་འགན་བཅོལ་གྱི་ཞབས་ཞུ་ཁྱིམ་ཚང་ཁྲི་སྟོང་མང་པོར་གཤམ་སྤེལ་བྱས་ཏེ་སྤྱི་ཚོགས་འགན་བཅོལ་གྱི་བྱ་གཞག་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་བཏང་ཡོད།

འདི་ག་ཚགས་པར་ཁང་དུ་གནས་ཚུལ་འབྱོར་གསལ། མཚོ་སྔོན་ཉིན་རེའི་ཚགས་པར་ཐོག་གནས་ཚུལ་སྤེལ་བ་གཞིར་བཟུང་། གསར་འགོད་པར་ཟླ་11ཚེས་18ཉིན་མཚོ་སྔོན་ཞིང་ཆེན་མི་ཤུགས་ཐོན་ཁུངས་དང་སྤྱི་ཚོགས་འགན་སྲུང་ཐིང་ནས་ཤེས་རྟོགས་བྱུང་བར། སྤྱི་ཚོགས་འགན་བཅོལ་གྱི་སྲིད་ཇུས་སྔར་བས་དྲིལ་བསྒྲགས་དང་དབྱེ་ཞིབ་བྱས་ནས་སྤྱི་ཚོགས་འགན་བཅོལ་གཉེར་སྒྲུབ་རྒྱུན་མཐུད་ལེགས་གཏོང་ལ་སྐུལ་འདེད་གཏོང་ཆེད། རྒྱལ་ཡོངས་ཀྱི་གཅིག་གྱུར་བཀོད་སྒྲིག་གཞིར་བཟུང་། མཚོ་སྔོན་གྱིས་ཟླ་11ཚེས་15ནས་24ཉིན་བར། 2024ལོའི“སྤྱི་ཚོགས་འགན་བཅོལ་ཞབས་ཞུ་ཁྱིམ་ཚང་ཁྲིར་གཤམ་སྤེལ”གྱི་བྱེད་སྒོ་ཕྱོགས་ཡོངས་ནས་སྤེལ་ཏེ་དམངས་ལ་ཕན་པ་དང་ཁེ་ལས་ལ་སྟབས་བདེ་བསྐྲུན་པའི་སྤྱི་ཚོགས་འགན་བཅོལ་གྱི་སྲིད་ཇུས་དང་སེམས་དྲོད་དང་སྙིང་ཉེ་བའི་སྤྱི་ཚོགས་འགན་བཅོལ་གྱི་ཞབས་ཞུ་ཁྱིམ་ཚང་ཁྲི་སྟོང་མང་པོར་གཤམ་སྤེལ་བྱས་ཏེ་སྤྱི་ཚོགས་འགན་བཅོལ་གྱི་བྱ་གཞག་སྤུས་ཚད་མཐོ་བའི་ས་འཕེལ་རྒྱས་ལ་སྐུལ་འདེད་བཏང་ཡོད་པ་རེད།

ཉིན་ཤས་བསྟུད་མར། མཚོ་སྔོན་ཞིང་ཆེན་སྤྱི་ཚོགས་འགན་བཅོལ་གཉེར་སྒྲུབ་སྒྲིག་གཞིས་འཐབ་ས་དང་པོ་དང“བར་ཐག་མེད་པར”འགན་བཅོལ་ནང་ཞུགས་ནས་ཐོ་འགོད་དང་། འོས་བབ་ཁས་ལེན། ཐེབས་རྩ་བདེ་འཇགས་སོགས་ཀྱི་སྤྱི་ཚོགས་འགན་བཅོལ་གྱི་སྲིད་ཇུས་དབྱེ་ཞིབ་བྱས་པ་དང་། གཞི་རྩའི་རྒན་གསོ་འགན་བཅོལ་དང་། ལས་ཤོར་འགན་བཅོལ། ལས་རྨས་འགན་བཅོལ་བཅས་ཀྱི་འགན་བཅོལ་ནང་ཞུགས་པའི་འགྲོ་གྲོན་དང་ཐོབ་ཐང་ལོངས་སྤྱོད་སོགས་མང་ཚོགས་ཀྱིས་དོ་ཁུར་བྱེད་པའི་གླེང་མང་བའི་གནད་དོན་ལ་དམིགས་ནས་སྟབས་བདེའི་སྤྱི་ཚོགས་འགན་བཅོལ་གྱི་ཚད་ལེན་ཞིབ་རྩིས་ཞབས་ཞུ་ཁྱབ་གདལ་བཏང་ཡོད། ཤེས་ལྡན་པ་སྤེལ་རེས་ལྟེ་གནས་ཀྱི་ལས་བསྡུའི་འདུ་ཚོགས་སུ་ལས་འཚོལ་པ་ཚོར་བར་ཐག་མེད་པར་སྤྱི་ཚོགས་འགན་བཅོལ་གྱི་སྲིད་ཇུས་དབྱེ་ཞིབ་བྱས་པ་དང་། དེ་དང་ཆབས་ཅིག་ཁེ་ལས་ཀྱི་མི་སྤྱོད་གཞི་ཁྱོན་དང་། མི་སྣའི་གྲུབ་ཆ། འགན་བཅོལ་ནང་ཞུགས་ཚུལ་བཅས་དང་ཟུང་འབྲེལ་གྱིས་སྒྲོག་འགྲེལ་ཚོགས་པ་དང་ཞབས་ཞུའི་རུ་ཁག་གི་རྣམ་པའི་ཐོག་ནས་འཐབ་ས་དང་པོར་བསྐྱོད་དེ་ཁེ་ལས་ཀྱི་འགན་འཁུར་བ་དང་མི་ཤུགས་ཐོན་ཁུངས་སྡེ་ཚན་གྱི་ལས་དོན་པ་སོགས་ཚོགས་སྤྱིར་དམིགས་སའི་རང་བཞིན་གྱི་སྒོ་ནས་ཆེད་དོན་སྒྲོག་འགྲེལ་བྱས་པ་རེད།

“སྤྱི་ཚོགས་འགན་བཅོལ་ཞབས་ཞུ་ཁྱིམ་ཚང་ཁྲིར་གཤམ་སྤེལ”གྱི་བྱེད་སྒོ་གོ་སྐབས་སུ་བྱས་ནས་མཚོ་སྔོན་ཞིང་ཆེན་གྱི་རིམ་ཁག་སྤྱི་ཚོགས་འགན་བཅོལ་གཉེར་སྒྲུབ་སྒྲིག་གཞིས་སྐར་ཁུང་གི་འཐབ་ས་གཙོ་བོ་སྔར་བས་ལེགས་སུ་བཏང་སྟེ། “སྤྱི་ཚོགས་འགན་བཅོལ་གྱི་ཞབས་ཞུ་ཉམས་ལེན”གྱི་བྱེད་སྒོ་སྤེལ་ནས་འགན་བཅོལ་ནང་ཞུགས་མཁན་ཚན་པའི་གཉེར་སྒྲུབ་མི་སྣ་དང་། སྟབས་བསྟུན་གྱི་ལས་ཞུགས་པ། “སྤྱི་ཚོགས་འགན་བཅོལ་དང་དངུལ་ཁང་མཉམ་ལས”ཀྱི་དངུལ་ཁང་སོགས་ཀྱི་འཐུས་མི་གདན་དྲངས་ཏེ་ཟུར་ཚད་མི་འདྲ་བ་དང་འཁོར་འབྲེལ་ཧྲིལ་པོའི་སྒོ་ནས“དྲ་གཅིག་ཀུན་སྒྲུབ”དང་ཕྱོགས་བསྡུས་སྒྲོམ་སྡོད་པའི་ལམ་ལུགས་སོགས་ཀྱི་ལས་སྒོ་སྤྱད་དེ་སྲིད་ཇུས་གསལ་བཤད་དང་མང་ཚོགས་ཚོས་གསལ་པོ་རྟོགས་པར་བྱས་ཏེ། མི་སྤྱོད་ཚན་པ་དང་མང་ཚོགས་ཚོས་བར་ཐག་ཉེ་པོ་ནས་སྤྱི་ཚོགས་འགན་བཅོལ་གྱི་ཞབས་ཞུའི་ལས་དོན་སྤེལ་ཚུལ་རྟོགས་པར་བྱས་ཡོད།