སྟོན་མཇུག་དང་དགུན་སྟོད་ཀྱི་མཚམས་འདིར། སི་ཁྲོན་ཞིང་ཆེན་དཀར་མཛེས་བོད་རིགས་རང་སྐྱོང་ཀྲོའུ་སྡེ་དགེ་རྫོང་ཁོངས་ཀྱི་རྡོ་ཕུ་པད་མ་མཛེས་ལྗོངས་ཁུལ་དུ་ཁ་བ་ཐེངས་དང་པོ་བབས་ཤིང་། ཞོགས་པའི་ཉི་གཞོན་དལ་གྱིས་ཤར་ནས་རི་བོའི་ཚོགས་ལ་གསེར་མདོག་གི་ན་བཟའ་བཀླུབས་ཤིང་། རི་རྩེར་ན་བུན་གྱི་ལ་ཐོད་བཅིངས་པ་དང་། ལུང་གཞུང་དུ་དྭངས་གཙང་ཆུ་མོ་ཤང་ཤང་དུ་རྒྱུག་པ་སོགས་ལས་ལྟ་བས་མི་ངོམ་པའི་སྐྱེ་ཁམས་ཀྱི་རི་མོ་ཞིག་གྲུབ་ཡོད། དེ་གར་སྐྱེ་དངོས་དང་སྲོག་ཆགས་རྩ་ཆེན་མང་པོ་ཡོད་དེ། མཛེས་སྡུག་ལྡན་པའི་གདོད་མའི་ནགས་ཚལ་གྱིས་རི་སྐྱེས་སྲོག་ཆགས་ལ་ཅི་དགར་འཚོ་སྡོད་བྱེད་སའི་ཁྱིམ་གཞིས་ཤིག་བསྐྲུན་ཡོད།