ཤིན་ཧྭ་གསར་འགྱུར་ཁང་གྲོང་ཁྱེར་ཐ་ན་ན་རི་ཝོ་ནས་གློག་འཕྲིན་འབྱོར་གསལ། ཉིན་ཤས་གོང་། “ཀྲུང་གོའི་ལུགས་ཀྱི་དེང་རབས་ཅན་དང་ཀྲུང་ཧྥེའི་སྤུས་ཚད་མཐོ་བའི”རྒྱུད་གཅིག་ལམ་གཅིག’”མཉམ་སྐྲུན་བརྗོད་དོན་གཙོ་བོར་བྱས་པ་དང་ཀྲུང་གོའི་ཨ་ཧྥེ་རི་ཁ་ཞིབ་འཇུག་ཁང་གིས་གཙོ་གཉེར་བྱས་པའི“ཀྲུང་གོའི་གླེང་སྟེགས”སྐབས་ཉེར་གཅིག་པ་མ་ཏ་ཀ་སི་ཁར་གྱི་རྒྱལ་ས་ཐ་ན་ན་རི་ཝོར་གཉེར་ཞིང་། ཀྲུང་མ་རྒྱལ་ཁབ་གཉིས་ཀྱི་ཇུས་འདོན་ཚོགས་པ་དང་། མཐོ་སློབ། སྲིད་གཞུང་སྡེ་ཚན་བཅས་ཀྱི་འཐུས་མི་80ཙམ་ཞུགས་པ་རེད།

དེའི་རིང་ཀྲུང་གོ་ཕྱོགས་ཀྱི་མཁས་དབང་གིས“ཀྲུང་གོའི་ལུགས་ཀྱི་དེང་རབས་ཅན་དང་འཕེལ་རྒྱས་འགྲོ་བཞིན་པའི་དཔལ་འབྱོར་དངོས་ཚན་ལ་ཐེབས་པའི་ཤུགས་རྐྱེན”དང“ཀྲུང་ཧྥེའི་སྤུས་ཚད་མཐོ་བའི‘རྒྱུད་གཅིག་ལམ་གཅིག’མཉམ་ལས་ཁྲོད་ཀྱི་བཅའ་ཁྲིམས་འགན་ལེན”སོགས་བརྗོད་དོན་གཙོ་བོར་བྱས་ཏེ། ཚོགས་ཞུགས་མི་སྣར་ཀྲུང་གོའི་ལུགས་ཀྱི་དེང་རབས་ཅན་གྱི་འཕེལ་རྒྱས་ཉམས་མྱོང་མཉམ་སྤྱོད་བྱས་པ་དང་འབྲེལ“རྒྱུད་གཅིག་ལམ་གཅིག”མཉམ་སྐྲུན་གྱི་གྲོས་འགོའི་སྒྲོམ་གཞིའི་འོག་ཀྲུང་ཧྥེ་རྒྱལ་ཁབ་གཉིས་ཀྱིས་ཇི་ལྟར་བྱས་ནས་མཉམ་ལས་སྔར་བས་གཏིང་ཟབ་ཏུ་གཏོང་རྒྱུར་གྲོས་བསྡུར་གཏིང་ཟབ་བྱས་པས་རྒྱལ་ཁབ་གཉིས་པོའི་མི་སྣའི་ངོས་འཛིན་གཅིག་མཐུན་རྒྱ་ཁྱབ་བྱུང་ཡོད། མ་ཏ་ཀ་སི་ཁར་ཕྱི་འབྲེལ་པུའི་གཞུང་དོན་ཐིང་གི་ཀྲུའུ་རེན་ཧའེ་ལི་ཙུའུ·ལཱ་ཁུའུ་ཐུའུ་མཱ་ལཱ་ལཱ་ཡིས་བྱེད་སྒོའི་ཐོག་ཀྲུང་གོའི་ལུགས་ཀྱི་དེང་རབས་ཅན་ནི་ཧྥེ་ཀྲུང་ཕྱོགས་གཉིས་པོས་གོ་ལ་ཧྲིལ་པོའི་ཁྱབ་ཁོངས་ནང་སྤུས་ཚད་མཐོ་བའི་མཉམ་ལས་བྱེད་པའི་སྒུལ་ནུས་ཤིག་ཡིན་ཞེས་བརྗོད།