ཀྲུང་གོ་འཕྲུལ་ཆས་ལྗིད་རིགས་ཚོགས་པ་དང་པོ་ཚད་ཡོད་ཀུང་སིའི་ཐོན་ལས་བཟོ་པའི་འཐུས་མི་རྣམ་པ།

ཁྱེད་ཚོ་སྐུ་ཁམས་བཟང་། འཕྲིན་ཡིག་འབྱོར་བྱུང་། ང་རང་དེ་སྔོན་ཀྲུང་གོ་འཕྲུལ་ཆས་ལྗིད་རིགས་ཚོགས་པ་དང་པོ་ཚད་ཡོད་ཀུང་སིར་ཐེངས་གཉིས་ཙམ་ཡོང་མྱོང་ཡོད། ཁྱེད་ཚོས་ཚན་རྩལ་གསར་གཏོད་དང་ཐོན་རྫས་ཀྱི་སྤུས་ཚད་བརྩོན་ལེན་ཆེན་པོ་བྱས་པ་དེས་ང་ལ་བག་ཆགས་ཟབ་མོ་བཞག་བྱུང་། ལོ་འདི་དག་རིང་། ཁྱེད་ཚོས་གཙོ་གནད་སྒྲིག་ཆས་བཟོ་སྐྲུན་གྱི་འགག་རྩ་དང་ལྟེ་བའི་ལག་རྩལ་གྱི་དཀའ་གནད་ལ་དམིགས་ནས་འབད་བརྩོན་ཆེན་པོས་འགག་སྒྲོལ་བྱས་པར་གྲུབ་འབྲས་གསར་པ་མི་ཉུང་བ་ཞིག་ཐོབ་ནས། དུས་རབས་གསར་པའི་ཀྲུང་གོའི་ཐོན་ལས་བཟོ་པའི་རྒྱལ་གཅེས་ཀྱི་བསམ་པ་དང་གསར་གཏོད་ནུས་པ་མངོན་ཡོད།

བཟོ་སྐྲུན་ལས་རིགས་ནི་རྒྱལ་ཁབ་འཛུགས་པའི་གཞི་རྩ་དང་རྒྱལ་ཁབ་སྟོབས་ཆེར་གཏོང་བའི་རྨང་གཞི་ཡིན། དུས་རབས་གསར་པ་དང་རྒྱང་ལམ་གསར་པར། ཁྱེད་ཚོས་རྩལ་ནུས་ལ་བརྟེན་ནས་རྒྱལ་ཁབ་ལ་དྲིན་ལན་འཇལ་བའི་ཐོག་མའི་བསམ་འདུན་བརྟན་པོར་སྲུང་བ་དང་། ངལ་རྩོལ་དཔེ་བཟང་བའི་སྙིང་སྟོབས་དང་། ངལ་རྩོལ་གྱི་སྙིང་སྟོབས། བཟོ་བོའི་སྙིང་སྟོབས་བཅས་དར་སྤེལ་གཏོང་བ། རང་རྩལ་འབད་སྦྱོང་དང་འཇོན་ཐང་ཆེ་རུ་གཏོང་བ་བཅས་བྱས་ཏེ་བཟོ་སྐྲུན་རྒྱལ་ཁབ་སྟོབས་ཆེན་འཛུགས་སྐྲུན་དང་བྱང་ཤར་ཕྱོགས་ཡོངས་དར་རྒྱས་ཡོང་བར་སྐུལ་འདེད་གཏོང་ཆེད་བློ་གྲོས་དང་སྟོབས་ཤུགས་མུ་མཐུད་ལེགས་སྐྱེས་འབུལ་རྒྱུའི་རེ་བ་ཡོད། ཀྲུང་དབྱང་ཁེ་ལས་ཀྱིས་སྒྱུར་བཅོས་གསར་གཏོད་བྱེད་ཟབ་ཏུ་གཏོང་བ་དང་། ལྟེ་བའི་ནུས་པ་ཆེ་རུ་གཏོང་བ། ལྟེ་བའི་འགྲན་རྩོད་ནུས་པ་ཆེ་རུ་གཏོང་བ། རྒྱ་སྟོབས་ཆེ་རུ་དང་ལེགས་སུ་ཧུར་ཐག་གཏོང་བ་བཅས་བྱས་ཏེ། ཀྲུང་གོའི་ལུགས་ཀྱི་དེང་རབས་ཅན་ལ་བརྟེན་ནས་རྒྱལ་ཁབ་སྟོབས་ཆེན་འཛུགས་སྐྲུན་དང་མི་རིགས་བསྐྱར་དར་གྱི་བྱ་གཞག་རླབས་པོ་ཆེར་ཕྱོགས་ཡོངས་ནས་སྐུལ་འདེད་གཏོང་ཆེད་ལེགས་སྐྱེས་དེ་བས་ཆེ་བ་འབུལ་དགོས།

ཞི་ཅིན་ཕིང་གིས།

2024ལོའི་ཟླ་9ཚེས་27ཉིན།

(ཤིན་ཧྭ་གསར་འགྱུར་ཁང་པེ་ཅིང་ནས་ཟླ་9ཚེས་28ཉིན་འབྱོར་བའི་གློག་འཕྲིན)

ཤིན་ཧྭ་གསར་འགྱུར་ཁང་པེ་ཅིང་ནས་ཟླ་9ཚེས་28ཉིན་གློག་འཕྲིན་འབྱོར་གསལ། ཉེ་ཆར། ཀྲུང་གུང་ཀྲུང་དབྱང་གི་སྤྱི་ཁྱབ་ཧྲུའུ་ཅི་དང་། རྒྱལ་ཁབ་ཀྱི་ཀྲུའུ་ཞི། ཀྲུང་དབྱང་དམག་ཨུད་ཀྱི་ཀྲུའུ་ཞི་བཅས་ཡིན་པའི་ཞི་ཅིན་ཕིང་གིས་ཀྲུང་གོ་འཕྲུལ་ཆས་ལྗིད་རིགས་ཚོགས་པ་དང་པོ་ཚད་ཡོད་ཀུང་སིའི་ཐོན་ལས་བཟོ་པའི་འཐུས་མིར་འཕྲིན་ལན་སྤྲིངས་ནས། ཁོང་ཚོར་བྱམས་བརྩེའི་སྐུལ་ལྕག་གནང་བ་དང་ཆབས་ཅིག་ཐུགས་རེ་ནན་པོ་ཡང་བཅོལ་གནང་བ་རེད།

ཞི་ཅིན་ཕིང་གིས་གསུངས་དོན། ང་རང་དེ་སྔོན་ཀྲུང་གོ་འཕྲུལ་ཆས་ལྗིད་རིགས་ཚོགས་པ་དང་པོ་ཚད་ཡོད་ཀུང་སིར་ཐེངས་གཉིས་ཙམ་ཡོང་མྱོང་ཡོད། ཁྱེད་ཚོས་ཚན་རྩལ་གསར་གཏོད་དང་ཐོན་རྫས་ཀྱི་སྤུས་ཚད་བརྩོན་ལེན་ཆེན་པོ་བྱས་པ་དེས་ང་ལ་བག་ཆགས་ཟབ་མོ་བཞག་བྱུང་། ལོ་འདི་དག་རིང་། ཁྱེད་ཚོས་གཙོ་གནད་སྒྲིག་ཆས་བཟོ་སྐྲུན་གྱི་འགག་རྩ་དང་ལྟེ་བའི་ལག་རྩལ་གྱི་དཀའ་གནད་ལ་དམིགས་ནས་འབད་བརྩོན་ཆེན་པོས་འགག་སྒྲོལ་བྱས་པར་གྲུབ་འབྲས་གསར་པ་མི་ཉུང་བ་ཞིག་ཐོབ་ནས། དུས་རབས་གསར་པའི་ཀྲུང་གོའི་ཐོན་ལས་བཟོ་པའི་རྒྱལ་གཅེས་ཀྱི་བསམ་པ་དང་གསར་གཏོད་ནུས་པ་མངོན་ཡོད།

ཞི་ཅིན་ཕིང་གིས་ནན་བཤད་གནང་དོན། བཟོ་སྐྲུན་ལས་རིགས་ནི་རྒྱལ་ཁབ་འཛུགས་པའི་གཞི་རྩ་དང་རྒྱལ་ཁབ་སྟོབས་ཆེར་གཏོང་བའི་རྨང་གཞི་ཡིན། དུས་རབས་གསར་པ་དང་རྒྱང་ལམ་གསར་པར། ཁྱེད་ཚོས་རྩལ་ནུས་ལ་བརྟེན་ནས་རྒྱལ་ཁབ་ལ་དྲིན་ལན་འཇལ་བའི་ཐོག་མའི་བསམ་འདུན་བརྟན་པོར་སྲུང་བ་དང་། ངལ་རྩོལ་དཔེ་བཟང་བའི་སྙིང་སྟོབས་དང་། ངལ་རྩོལ་གྱི་སྙིང་སྟོབས། བཟོ་བོའི་སྙིང་སྟོབས་བཅས་དར་སྤེལ་གཏོང་བ། རང་རྩལ་འབད་སྦྱོང་དང་འཇོན་ཐང་ཆེ་རུ་གཏོང་བ་བཅས་བྱས་ཏེ། བཟོ་སྐྲུན་རྒྱལ་ཁབ་སྟོབས་ཆེན་འཛུགས་སྐྲུན་དང་བྱང་ཤར་ཕྱོགས་ཡོངས་དར་རྒྱས་ཡོང་བར་སྐུལ་འདེད་གཏོང་ཆེད་བློ་གྲོས་དང་སྟོབས་ཤུགས་མུ་མཐུད་ལེགས་སྐྱེས་འབུལ་རྒྱུའི་རེ་བ་ཡོད། ཀྲུང་དབྱང་ཁེ་ལས་ཀྱིས་སྒྱུར་བཅོས་གསར་གཏོད་ཟབ་ཏུ་གཏོང་བ་དང་། ལྟེ་བའི་ནུས་པ་ཆེ་རུ་གཏོང་བ། ལྟེ་བའི་འགྲན་རྩོད་ནུས་པ་ཆེ་རུ་གཏོང་བ། རྒྱ་སྟོབས་ཆེ་རུ་དང་ལེགས་སུ་ཧུར་ཐག་གཏོང་བ་བཅས་བྱས་ཏེ། ཀྲུང་གོའི་ལུགས་ཀྱི་དེང་རབས་ཅན་ལ་བརྟེན་ནས་རྒྱལ་ཁབ་སྟོབས་ཆེན་འཛུགས་སྐྲུན་དང་མི་རིགས་བསྐྱར་དར་གྱི་བྱ་གཞག་རླབས་པོ་ཆེར་ཕྱོགས་ཡོངས་ནས་སྐུལ་འདེད་གཏོང་ཆེད་ལེགས་སྐྱེས་དེ་བས་ཆེ་བ་འབུལ་དགོས།

ཀྲུང་གོ་འཕྲུལ་ཆས་ལྗིད་རིགས་ཚོགས་པ་དང་པོ་ཚད་ཡོད་ཀུང་སི་ནི་རང་རྒྱལ་གྱི་སྒྲིག་ཆས་བཟོ་སྐྲུན་ལས་རིགས་ཁྱབ་ཁོངས་ཀྱི་རྐང་འཛིན་ཁེ་ལས་གལ་ཆེན་ཞིག་ཡིན་ཞིང་། དེའི་སྤྱི་ཁྱབ་པུའུ་ཧེ་ལུང་ཅང་ཞིང་ཆེན་ཆི་ཆི་ཧར་གྲོང་ཁྱེར་དུ་གནས་ཡོད། ཏང་གི་ཚོགས་ཆེན་བཅོ་བརྒྱད་པ་འཚོགས་ཚུན། སྤྱི་ཁྱབ་ཧྲུའུ་ཅི་ཞི་ཅིན་ཕིང་ཀྲུང་གོ་འཕྲུལ་ཆས་ལྗིད་རིགས་ཚོགས་པ་དང་པོ་ཚད་ཡོད་ཀུང་སིའི་འབྲེལ་ཡོད་བཟོ་སྐྲུན་རྟེན་གཞིར་རྟོག་ཞིབ་ལ་ཐེངས་གཉིས་ཕེབས་ནས་ཁེ་ལས་སྒྱུར་བཅོས་གསར་གཏོད་དང་གཉེར་སྐྱོང་དོ་དམ་སོགས་ལ་བླང་བྱ་བཏོན་གནང་ཡོད། ཉེ་ཆར། སྔོན་ཐོན་དཔེ་བཟང་གི་མཚན་སྙན་ཐོབ་པའི་ཀྲུང་གོ་འཕྲུལ་ཆས་ལྗིད་རིགས་ཚོགས་པ་དང་པོ་ཚད་ཡོད་ཀུང་སིའི་ཐོན་ལས་བཟོ་པའི་འཐུས་མིས་སྤྱི་ཁྱབ་ཧྲུའུ་ཅི་ཞི་ཅིན་ཕིང་ལ་འཕྲིན་ཡིག་སྤྲིངས་ཏེ། སྤྱི་ཁྱབ་ཧྲུའུ་ཅིའི་མངགས་བཅོལ་ཟབ་མོ་བློ་ལ་བརྟན་པོར་ངེས་ནས་ལག་རྩལ་འགག་སྒྲོལ་ལ་ཤུགས་སྣོན་རྒྱག་པ་སོགས་ཀྱི་གནས་ཚུལ་སྙན་སེང་ཞུས་པ་དང་འབྲེལ། བྱང་ཤར་ཕྱོགས་ཡོངས་དར་རྒྱས་གཏོང་བ་དང་རྒྱལ་ཁབ་སྟོབས་ཆེན་འཛུགས་སྐྲུན་བྱ་ཆེད་སྟོབས་ཤུགས་ལེགས་སྐྱེས་འབུལ་རྒྱུའི་ཆོད་སེམས་མཚོན་ཡོད།

(པ་ཚེ་དང་བུ་ཁྲིད་ཀྱིས་སྒྱུར་ཞུས་བྱས)