སྟོན་བསྡུའི་སྐབས་སུ“བོད་ཀྱི་འབྲུ་མཛོད”དུ་གྲགས་པའི་གཞིས་རྩེའི་ཞིང་ནང་དུ་གསེར་མདངས་རབ་ཏུ་རྒྱས། གཞིས་རྩེ་གྲོང་ཁྱེར་པ་སྣམ་རྫོང་དཔལ་ཚལ་ཤང་དུ་ཞིང་པས་འཕྲུལ་ཆས་ཅན་དང་ཕྱེད་འཕྲུལ་ཆས་ཅན་གྱི་བརྔ་བསྡུ་བྱེད་སྟངས་ལ་བརྟེན་ནས་བཙས་མ་བརྔ་བཞིན་ཡོད་པ་རེད།

དཔལ་ཚལ་ཤང་གིས་2014ལོར་མཉམ་ལས་ཁང་བཙུགས་པས་ཤང་དེ་ཡོངས་ཀྱི་ཞིང་དུད་846ལ་ཕན་པ་ཐོབ་པ་དང་། གྲོང་མི་ཚོར་མཉམ་ལས་ཁང་གི་ཞིང་འཕྲུལ་སྤྱོད་རྒྱུ་བྱུང་བ་མ་ཟད། ལོ་ལྟར་རྐང་ཞུགས་ཁེ་སྤོགས་སྒོར་ཆིག་སྟོང་ཙམ་རག་གི་ཡོད། དེང་རབས་ཅན་གྱི་ཞིང་འཕྲུལ་ཡོ་བྱད་དེ་དག་གིས་བཙས་མ་བརྔ་བའི་ལས་ཕྱོད་ཆེ་རུ་བཏང་བ་མ་ཟད། གྲོང་མི་ཚོའི་ལས་ཀ་ཡང་དུ་བཏང་ཡོད།