4.དྲི་བ། ད་ཐེངས་ནག་སེལ་གཤེད་བཅོམ་གྱི་ཆེད་དོན་འཐབ་རྩོད་གཏིང་ཟབ་ཏུ་གཏོང་བའི་སྤྱིའི་བླང་བྱ་གང་ཡིན་ནམ།

ལན། ནག་སེལ་གཤེད་བཅོམ་གྱི་ཆེད་དོན་འཐབ་རྩོད་གཏིང་ཟབ་ཏུ་གཏོང་དགོས་ན། ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ཀྱི་སྤྱི་ཚོགས་རིང་ལུགས་ཀྱི་དགོངས་པ་མཛུབ་ཁྲིད་དུ་བྱ་རྒྱུ་མཐའ་འཁྱོངས་བྱེད་པ་དང་། ཏང་གི་ཚོགས་ཆེན་ཉི་ཤུ་པ་དང་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་རིམ་བྱུང་གི་དགོངས་དོན་ལག་བསྟར་གཏིང་ཟབ་བྱེད་པ། ཚང་འཛོམས་གྲོས་ཚོགས་ཐེངས་བཞི་པའི་བཀོད་སྒྲིག་དོན་འཁྱོལ་ནན་ཏན་བྱེད་པ། ཞི་ཅིན་ཕིང་གི་ཁྲིམས་སྐྱོང་དགོངས་པ་དང་སྤྱི་ཡོངས་ཀྱི་རྒྱལ་ཁབ་བདེ་འཇགས་ལྟ་བ་ལག་བསྟར་གཏིང་ཟབ་བཅས་བྱས་ནས། མིག་སྔའི་ནག་གཤེད་དང་འབྲེལ་བའི་སྤྱོད་ངན་གྱི་བྱེད་སྟངས་གསར་པ་དང་། ཁྱད་ཆོས་གསར་པ། འཕེལ་ཕྱོགས་གསར་པ། ཆོས་ཉིད་གསར་པ་བཅས་ལ་དམིགས་ཏེ། ཆེད་དོན་བཅོས་སྐྱོང་དང་། མ་ལག་བཅོས་སྐྱོང་། ཕྱོགས་བསྡུས་བཅོས་སྐྱོང་། ཁྲིམས་ལྟར་བཅོས་སྐྱོང་། འབྱུང་རྩ་ནས་བཅོས་སྐྱོང་བཅས་ཟུང་འབྲེལ་ཏན་ཏིག་གིས། ནག་གཤེད་སྟོབས་ཤུགས་ཀྱི་ཉེས་གསོག་ལ་རྡུང་རྡེག་གཏོང་བ་དང་། རུལ་སུངས་ལ་ངོ་རྒོལ། གཞི་རིམ་གྱི“སྦྲང་རྡེག”བཅས་གསུམ་པོ་ཟུང་འབྲེལ་བྱེད་པ་དང་། ཡུན་རིང་གི་འཐབ་རྩོད་དང་། ཁྲིམས་ལྟར་རྡུང་རྡེག་གཏོང་བ། རྩ་ལག་ཟུང་བཅོས། གནད་སྨིན་ལྟ་སྐུལ་མཛུབ་ཁྲིད་བཅས་མཐའ་འཁྱོངས་བྱེད་པ། ནག་སེལ་གཤེད་བཅོམ་ཁྲིམས་སྐྱོང་ཅན་དང་། ཚད་ལྡན་ཅན། ཆེད་ལས་ཅན་གྱི་ཆུ་ཚད་རྒྱུན་ཆད་མེད་པར་ཇེ་མཐོར་གཏོང་བ་བཅས་བྱས་ནས་དཔལ་འབྱོར་དང་སྤྱི་ཚོགས་ཀྱི་སྤུས་ཚད་མཐོ་བའི་འཕེལ་རྒྱས་ལ་དེ་བས་བདེ་འཇགས་བརྟན་ལྷིང་གི་ཆབ་སྲིད་ཀྱི་སྤྱི་ཚོགས་ཁོར་ཡུག་བསྐྲུན་དགོས།

ནག་སེལ་གཤེད་བཅོམ་གྱི་ཆེད་དོན་འཐབ་རྩོད་གཏིང་ཟབ་ཏུ་གཏོང་བར་གཤམ་གསལ་གྱི་ལས་ཀའི་རྩ་དོན་མཐའ་འཁྱོངས་བྱེད་དགོས་པ་སྟེ། ཏང་གིས་ཕྱོགས་ཡོངས་ནས་འགོ་ཁྲིད་བྱ་རྒྱུ་མཐའ་འཁྱོངས་དང་ཏང་གིས་སྤྱི་ཡོངས་ལ་སྤྱི་འདོམས་དང་ཕྱོགས་ཁག་མཐུན་སྦྱོར་བྱེད་པའི་འགོ་ཁྲིད་ཀྱི་སྲོག་ཤིང་ནུས་པ་འདོན་སྤེལ་གང་ལེགས་བྱས་ནས། ཏང་གི་འགོ་ཁྲིད་དེ་ནག་སེལ་གཤེད་བཅོམ་གྱི་ཆེད་དོན་འཐབ་རྩོད་གཏིང་ཟབ་ཏུ་གཏོང་བའི་ཕྱོགས་ཁག་དང་བརྒྱུད་རིམ་ཧྲིལ་པོར་ཁྱབ་པ་བྱེད་དགོས་པ་དང་། མི་དམངས་ལྟེ་བར་འཛིན་རྒྱུ་མཐའ་འཁྱོངས་ཀྱིས་རྒྱ་ཆེའི་མི་དམངས་མང་ཚོགས་ཀྱི་ཁྲིམས་མཐུན་ཁེ་དབང་འགན་ལེན་བྱ་རྒྱུ་དེ་འགོ་འཛུགས་ས་དང་དོན་ལ་བབས་སར་བརྩིས་ནས་ནག་སེལ་གཤེད་བཅོམ་གྱི་ཆེད་དོན་འཐབ་རྩོད་གཏིང་ཟབ་ཏུ་གཏོང་བའི་བརྒྱུད་རིམ་ནང་མི་དམངས་ཞུགས་པ་དང་། ཕན་འབྲས་ལ་དམངས་ཀྱིས་གདེང་འཇོག་བྱེད་པ། གྲུབ་འབྲས་མི་དམངས་ཀྱིས་མཉམ་སྤྱོད་ཐུབ་པ་བཅས་བྱེད་དགོས། ཁྲིམས་སྐྱོང་གི་བསམ་གཞིགས་མཐའ་འཁྱོངས་བྱས་ཏེ་ཐོག་མཐའ་བར་གསུམ་དུ་ཁྲིམས་སྐྱོང་གི་བགྲོད་ལམ་ཐོག་ནག་སེལ་གཤེད་བཅོམ་གྱི་ཆེད་དོན་འཐབ་རྩོད་གཏིང་ཟབ་སྤེལ་བར་སྐུལ་འདེད་གཏོང་བ་དང་། དོན་དངོས་གཞིར་འཛིན་པ་དང་བཅའ་ཁྲིམས་ཚད་གཞིར་འཛིན་རྒྱུ་མཐའ་འཁྱོངས་བྱེད་པ་ནི་ནག་གཤེད་གཅིག་ཀྱང་མ་ལུས་པ་དང་ནག་གཤེད་གཅིག་ཀྱང་ཐར་པར་མི་གཏོང་བ། དམ་ལྷོད་བབས་བསྟུན་མཐའ་འཁྱོངས་དང་ཁྲིམས་ལྟར་ཆད་པ་ནན་པོ་གཅོད་པར་གཡོ་འགུལ་མི་གཏོང་བ་མཐའ་འཁྱོངས་བྱེད་པ་དང་དུས་མཚུངས་ཁྲིམས་ལ་གཏན་ཁེལ་བའི་ཁྲིམས་ཆད་ཡང་གཅོད་ཀྱི་གནས་ཚུལ་ཡོད་རིགས་ལ་ཁྲིམས་ལྟར་ཐག་གཅོད་གུ་ཡངས་གཏོང་དགོས། གནད་དོན་ཕྱོགས་སྟོན་དུ་འཛིན་རྒྱུ་མཐའ་འཁྱོངས་ཀྱིས་ཁྱབ་ཁོངས་གསར་པའི་ནག་གཤེད་ཉེས་གསོག་གི་གནས་ཚུལ་གསར་པ་དང་གནད་དོན་གསར་པར་དམ་པོར་དམིགས་ནས་ནུས་ཤུགས་ཡོད་རྒུས་འགག་སྒྲོལ་དཀའ་སེལ་བྱས་ཏེ། ནག་སེལ་གཤེད་བཅོམ་གཏིང་ཟབ་གཏོང་བར་གཙོ་གནད་འགག་སྒྲོལ་གྱིས་སྐུལ་ཁྲིད་བྱེད་དགོས། ཕྱོགས་བསྡུས་བཅོས་སྐྱོང་མཐའ་འཁྱོངས་བྱས་ཏེ་མིག་སྔར་གཞི་ཚུགས་པ་དང་ཕུགས་ལ་དམིགས་ཏེ། ནག་གཤེད་ཉེས་གསོག་ལ་རྡུང་རྡེག་དང་བཅོས་སྐྱོང་བྱེད་དགོས་ལ་རྡུང་རྡེག་གཏོང་ཞོར་དུ་བཅོས་སྐྱོང་དང་འཛུགས་སྐྱོང་བྱེད་པ་དང་འབྱུང་རྩ་ནས་སྔོན་འགོག་དང་བཅོས་སྐྱོང་བྱེད་པའི་ཕུགས་ཕན་ལས་ཀའི་ལམ་སྲོལ་འཐུས་སྒོ་ཚང་དུ་བཏང་ནས་ནག་གཤེད་ཁྲིམས་འགལ་ཉེས་གསོག་འབྱུང་རྩ་ནས་མེད་པར་བཟོ་བར་ཤུགས་སྣོན་རྒྱག་དགོས།

(པར་ངོས་གཉིས་པར་གཟིགས)(པར་ངོས་དང་པོར་མཐུད)

5.དྲི་བ། ཆེད་དོན་འཐབ་རྩོད་ནང་ནག་གཤེད་ཀྱི་ཁྲིམས་འགལ་ཉེས་གསོག་ལ་ཁྲིམས་ལྟར་རྡུང་རྡེག་ཚ་ནན་གཏོང་དགོས་པའི་ནན་བཤད་བྱས་ཡོད། བཀའ་འདྲི་ཞུ་རྒྱུར་ད་ཐེངས་ཀྱི་ཆེད་དོན་འཐབ་རྩོད་ཀྱིས་གཙོ་གནད་རིགས་གང་དག་ལ་རྡུང་རྡེག་གཏོང་རྒྱུ་ཡིན་ནམ།

ལན། ད་ཐེངས་ཀྱི་ཆེད་དོན་འཐབ་རྩོད་དེ་སྲོལ་རྒྱུན་གྱི་ནག་གཤེད་ཉེས་གསོག་ལ་རྒྱུན་མཐུད་རྡུང་རྡེག་གཏིང་ཟབ་གཏོང་བའི་རྨང་གཞིའི་ཐོག་ནག་གཤེད་ཉེས་གསོག་གི་འཕེལ་ཕྱོགས་གསར་པར་དོ་ཁུར་ཆེན་པོ་བྱས་ཏེ་སྔ་ཙམ་དང་ཆུང་ཙག་ནས་རྡུང་རྡེག་གཏོང་བ་དང་ངན་རིགས་ཤུལ་མེད་བཟོ་བ་མཐའ་འཁྱོངས་བྱ་རྒྱུ་རེད། “གྲོང་གཤེད”དང་། “ཤང་གཤེད” “བྱེ་གཤེད” “གཏེར་གཤེད” “ཁྲོམ་གཤེད” སོགས་ནག་གཤེད་སྟོབས་ཤུགས་ལ་ཁྲིམས་ལྟར་རྡུང་རྡེག་ཚ་ནན་གཏོང་བ་དང་། དུག་རྫས་བཟོ་འཚོང་དང་། རྒྱན་འཛུགས་ཁང་འཛུགས་གཉེར། སྨད་འཚོང་སྒྲིག་འཛུགས་སོགས་ཀྱི་འཆལ་རྒྱན་དུག་ནག་མཉམ་འདྲེས་ཀྱི་ཉེས་གསོག་ཚོགས་པ་དང་རྒྱལ་ཁབ་ཕྱི་ནང་གི་ནག་གཤེད་སྟོབས་ཤུགས་ངན་འབྲེལ་བྱེད་པའི་ནག་གཤེད་ཉེས་གསོག་ལ་ཁྲིམས་ལྟར་རྡུང་རྡེག་ཚ་ནན་གཏོང་བ་དང་། ན་སོ་དར་ལ་མ་བབས་པའི་མིར་ཁྲིམས་འགལ་ཉེས་པ་གསོག་ཏུ་འཇུག་པ་དང་ན་སོ་དར་ལ་མ་བབས་པའི་མིའི་ཁེ་དབང་ལ་གནོད་འཚེ་གཏོང་བའི་ནག་གཤེད་ཚོགས་པར་ཁྲིམས་ལྟར་རྡུང་རྡེག་ཚ་ནན་གཏོང་རྒྱུ་རེད། དེ་དང་ཆབས་ཅིག དྲ་རྒྱའི་ལས་སྟེགས་དང“འཇམ་པོའི་གཏུམ་སྤྱོད”ཀྱི་བྱེད་ཐབས་སྤྱད་དེ་སྒྲིག་འཛུགས་ཡོད་པའི་སྒོ་ནས་གཅེར་མོལ་བསྙད་འདོགས་དང་། ཁྲིམས་འགལ་ངང་དངུལ་བུན་གཏོང་བ། ཁྲིམས་འགལ་ངང་དངུལ་བུན་ལེན་སྐུལ། གླེང་ཕྱོགས་ཀྱི་བསྙད་འདོགས། ངན་སེམས་བཅངས་ནས་གྱོང་གསབ་ལེན་པ། བཙན་ཤེད་ཀྱིས་འཛད་སྤྱོད་བྱེད་དུ་འཇུག་པ། ངལ་ནུས་ཀྱི་བསྙད་འདོགས་དངུལ་འཕྲོག ཆགས་སྲེད་ཀྱི་བསྙད་འདོགས་སོགས་ནག་གཤེད་ཉེས་གསོག་དང་དེ་བཞིན་འབྲེལ་ཡོད་ཉེས་གསོག་ལ་རྡུང་རྡེག་ཚ་ནན་གཏོང་རྒྱུ་དང་། རྗེས་སྙེག་ཟིང་སློང་དང་། འཇིགས་སྐུལ། བསྙད་འདོགས་རྒྱུ་འཕྲོག་སོགས“འཇམ་པོའི་གཏུམ་སྤྱོད”ཀྱི་ནག་གཤེད་སྟོབས་ཤུགས་ལ་ཁྲིམས་ལྟར་རྡུང་རྡེག་ཚ་ནན་གཏོང་རྒྱུ་རེད།

མང་ཚོགས་ཀྱིས་བསམ་འཆར་འདོན་མང་བ་དང་། གྱོད་གཞིའི་གནས་ཚུལ་རྙོག་འཛིང་ཆེ་བ། གྱོད་གཞི་ཞིབ་གཅོད་བྱེད་པར་འགོག་རྐྱེན་ཆེ་བ། སྤྱི་ཚོགས་ཀྱིས་དོ་ཁུར་ཆེན་པོ་བྱེད་པ་བཅས་ཀྱི་ནག་གཤེད་དང་འབྲེལ་བའི་གྱོད་གཞིར་མིང་སྦྱར་སྒྲུབ་སྐུལ་བྱས་པ་དང་། ས་ཆ་གཞན་དུ་ཉེན་རྟོག་པ་གཡར་སྤྱོད་དང་། རིམ་སྤར་བདག་ཁོངས། ཆེད་དོན་གྱོད་གཞིའི་འགག་སྒྲོལ་སོགས་ཀྱི་བྱེད་ཐབས་ཕྱོགས་བསྡུས་ངང་སྤྱད་དེ་ཚད་བརྒལ་ཡོང་བར་སྐུལ་འདེད་བཏང་ཡོད། ནག་ཚོགས་རྒྱུ་ནོར་གཙང་འཇལ་བྱེད་ཤུགས་སྔར་བས་ཆེ་རུ་བཏང་སྟེ་ནག་གཤེད་སྟོབས་ཤུགས་ཀྱི་དཔལ་འབྱོར་རྨང་གཞི་རྦད་དེ་མེད་པར་བཟོས་ནས་བསྐྱར་ལོག་མི་རྒྱག་པར་བྱེད་དགོས།

6.དྲི་བ། ནག་སེལ་གཤེད་བཅོམ་གྱི་ཆེད་དོན་འཐབ་རྩོད་གཏིང་ཟབ་ཏུ་གཏོང་རིང་སྲིད་ཁྲིམས་ལས་ཁུངས་ཀྱིས་ཁྲིམས་ལྟར་གྱོད་གཞི་ཞིབ་གཅོད་ནན་པོ་ཇི་ལྟར་བྱེད་དམ།

ལན། ཆེད་དོན་འཐབ་རྩོད་ནང་སྲིད་ཁྲིམས་ལས་ཁུངས་ཀྱིས་ཉེས་ཁྲིམས་དང་། སྒྲིག་འཛུགས་ཡོད་པའི་ཉེས་གསོག་ལ་ངོ་རྒོལ་བྱེད་པའི་བཅའ་ཁྲིམས། དེ་བཞིན་འབྲེལ་ཡོད་ཁྲིམས་འཛིན་གྱི་འགྲེལ་བཤད་བཅས་ལ་ནན་པོར་གཞིགས་ནས་དོན་དངོས་ལ་གཞི་འཛིན་པ་དང་བཅའ་ཁྲིམས་ཚད་གཞིར་འཛིན་རྒྱུ་མཐའ་འཁྱོངས་ཀྱིས་བྱས་ཉེས་དང་ཉེས་ཆད་ཁྲིམས་བཀོད་དང་། དོགས་ཉེས་རྩིས་མེད་དུ་འཛིན་པ། དཔང་རྟགས་གཟུ་གཅོད་སོགས་བཅའ་ཁྲིམས་ཀྱི་རྩ་དོན་ལ་བརྩི་སྲུང་ནན་པོ་ཞུས་ཏེ། གྱོད་གཞིའི་དོན་དངོས་ཀྱི་འགག་སྒོ་དང་། དཔང་རྟགས་ཀྱི་འགག་སྒོ གོ་རིམ་གྱི་འགག་སྒོ བཅའ་ཁྲིམས་སྤྱད་འཐུས་ཀྱི་འགག་སྒོ་བཅས་ནན་པོར་བསྲུངས་ནས། གྱོད་གཞི་ཚང་མ་བཅའ་ཁྲིམས་དང་ལོ་རྒྱུས་ཀྱི་ཞིབ་དཔྱད་ཐེག་ཐུབ་པའི་ཉེས་རྟགས་ཁུངས་བཙན་ཞིག་ཏུ་སྒྲུབ་ཀྱི་ཡོད། སྤྱི་བདེ་ལས་ཁུངས་ཀྱིས་ཁྲིམས་བཀོད་གོ་རིམ་གཞིར་བཟུང་ནག་གཤེད་ཀྱི་ཉེས་གསོག་ར་སྤྲོད་ཐུབ་པའི་དཔང་རྟགས་སྣ་ཚོགས་བཙལ་ཏེ་འབྱུང་རྩ་ནས་མྱུལ་ཞིབ་དཔང་ལེན་གྱི་སྤུས་ཚད་མཐོ་རུ་གཏོང་གི་ཡོད། ཞིབ་དཔྱོད་ལས་ཁུངས་དང་འདྲི་གཅོད་ལས་ཁུངས་ཀྱིས་འཁྲི་འགན་རང་འཁུར་བྱས་ཏེ་ཁྲིམས་ལ་ནན་པོ་གཞིགས་ནས་ཚད་གཞི་ངེས་གཟུང་བྱེད་ཀྱི་ཡོད། གྱོད་སྒྲུབ་ལས་ཁུངས་ཀྱིས་ཞུ་སྦྱོར་ཕྱི་མ་དང་དོགས་ཡོད་ཉེས་ཅན་གྱི་ཁྲིམས་མཐུན་ཁེ་དབང་ཁྲིམས་ལྟར་འགན་སྲུང་དང་། ཁྲིམས་རྩོད་པའི་ལས་གཉེར་ཁེ་དབང་ཁྲིམས་ལྟར་འགན་སྲུང་བྱེད་ཀྱི་ཡོད།