※ ས་བྱང་ལམ་རིང་མོ་ཐོད་གཏུགས། །

ཚིག་ཕ་མ་འདྲ་པོ་ངོ་སྤྲོད། །

※ རྟ་མ་རྒྱུག་གོང་ལ་རྡུལ་མི་འབུད། །

གྱོད་མ་བཤད་གོང་ལ་ཉེ་མི་བྱེད། །

※ བྱ་འབབ་སའི་བྲག་ན་རྡང་མེད། །

ཟོག་འཚོ་སའི་ལྷས་ན་རྩྭ་མེད། །

※ སྲིད་པ་ཆགས་པའི་གངས་རི་མིན་ཡང་། །

ཞག་གསུམ་ལོན་པའི་བ་མོ་ལོས་ཡིན། །

※ ཙན་དན་གྱིས་མེ་ཤིང་བྱེད་མཁན། །

གོས་ཆེན་གྱིས་ཐབ་ཕྱིས་བྱེད་མཁན། །

※ བློ་རིག་པ་གློག་དམར་འཁྱུག་འཁྱུག །

གཏམ་ཁ་ལྕེ་མེ་ལྕེ་འབར་འབར། །

※ རྒྱུག་པའི་བང་རྩལ་རླུང་འདྲ་འདྲ། །

འཕུར་བའི་གཤོག་རྩལ་བྱ་འདྲ་འདྲ། །

※ ཤིང་ཡར་སྐྱེས་ནང་གི་ཙན་དན་ཡིན། །

ཆུ་མར་འབབ་ནང་གི་བདུད་རྩི་ཡིན། །

※ བྱ་ཕོ་རོག་ནག་ཀྱང་མཆིན་པ་དཀར། །

མགོ་སྐྲ་ལོ་ནག་ཀྱང་བསམ་པ་དཀར། །

※ ཕ་བཟང་བུ་མོ་རིག་བཟང་མ། །

མ་བཟང་བུ་མོ་རྒྱན་ཡག་མ། །

※ སྡུག་གི་མུན་པ་མཐའ་ནས་སངས། །

སྐྱིད་ཀྱི་ཉི་མ་དགུང་ནས་ཤར། །