ཡུལ་ལུང་པ་ཁ་ཐག་རིང་དྲགས། །

ཕ་དྲིན་ཅན་ལོ་ན་རྒས་དྲགས། །

ངའི་མིག་ཆུ་ཤྭ་འོད་བརྡོལ་བརྡོལ། །

བརྡོལ་ཟེར་ཡང་འཁྱུག་ཙམ་འཁྱུག་ཙམ། །

རོགས་ཆུང་ལོ་བརྩེ་བ་ཟབ་དྲགས། །

གྲོགས་དགའ་ཉེ་ཕྱི་ཐག་རིང་དྲགས། །

ངའི་སྙིང་ཆུང་ལུ་གུ་ལྡིང་ལྡིང་། །

ལྡིང་ཟེར་ཡང་སྐབས་རེ་སྐབས་རེ། །

གྲོང་རྒྱ་གྲོང་འདུ་འཛི་ཆེ་དྲགས། །

སྨན་བུ་མོ་ཁ་འབྲས་མཚར་དྲགས། །

ངའི་གོམ་པ་གློག་དམར་འཁྱུག་འཁྱུག །

འཁྱུག་ཟེར་ཡང་ཡུད་ཙམ་ཡུད་ཙམ། །

ལག་ལས་ཀ་ཙག་ཙིག་མང་དྲགས། །

ཕོ་ང་རང་སྒྱིད་པ་ལུག་དྲགས། །

ངའི་འཆར་གཞི་རི་བོ་བརྩེགས་བརྩེགས། །

བརྩེགས་ཟེར་ཡང་ཉིལ་ཙམ་ཉིལ་ཙམ། །

དུས་དེང་སང་བསླུ་བྲིད་འབེལ་དྲགས། །

བུ་ཀླད་མེད་མགོ་བོ་སླ་དྲགས། །

ངའི་འདོད་པ་མེ་ལྕེ་འབར་འབར། །

འབར་ཟེར་ཡང་ལྷེབ་ཙམ་ལྷེབ་ཙམ། །