འདི་ག་ཚགས་པར་ཁང་དུ་ལྷ་ས་ནས་གནས་ཚུལ་འབྱོར་གསལ། གསར་འགོད་པར་རང་སྐྱོང་ལྗོངས་དམངས་སྲིད་ཐིང་ནས་ཤེས་རྟོགས་བྱུང་བར། 《རིམ་པ་འབྲིང་སྟོད་ཡན་གྱི་ནུས་པ་ཉམས་པའི་རྒན་རྒོན་ལ་རྒན་གསོའི་ཞབས་ཞུའི་འཛད་སྤྱོད་ཀྱི་ཁ་གསབ་རྣམ་གྲངས་ཁྱོན་ཡོངས་ནས་སྤྲོད་རྒྱུའི་སྐོར་གྱི་དམངས་སྲིད་པུའུ་གཞུང་དོན་ཐིང་དང་ནོར་སྲིད་པུའུ་གཞུང་དོན་ཐིང་གི་བརྡ་ཐོའི》དགོངས་དོན་དང་གཅིག་གྱུར་བཀོད་སྒྲིག་གཞིར་བཟུང་། རང་སྐྱོང་ལྗོངས་དམངས་སྲིད་ཐིང་གིས་ནོར་སྲིད་སྡེ་ཚན་དང་མཉམ་དུ་ལོ་འཁོར་འདིའི་རྣམ་གྲངས་ཀྱི་ཁ་གསབ་མ་དངུལ་གྱི་སྔོན་རྩིས་དམིགས་ཚད་ཁྱོན་སྒོར་ཁྲི་1450གྲོང་ཁྱེར་དང་། ས་ཁུལ། ཐད་གཏོགས་རྫོང（གྲོང་ཁྱེར）བཅས་ཁག་སོ་སོར་སྤྲད་ཡོད།

ཤེས་རྟོགས་བྱུང་བར་གཞིགས་ན། ཉེ་ཆར་རང་སྐྱོང་ལྗོངས་དམངས་སྲིད་ཐིང་དང་ནོར་སྲིད་ཐིང་གིས་མཉམ་དུ《2026ལོའི་རྒན་གསོའི་ཞབས་ཞུའི་འཛད་སྤྱོད་ཁ་གསབ་རོགས་དངུལ་གཤམ་སྤྲོད་བྱ་རྒྱུའི་སྐོར་གྱི་བརྡ་ཐོ》བཀྲམ་པ་དང་འབྲེལ་བཀོད་སྒྲིག་ཚོགས་འདུ་འཚོགས་ནས། ཆེད་སྤྱོད་མ་དངུལ་ཚོད་སྐོར་གཏན་འཁེལ་བྱས་པའི་རིམ་པ་འབྲིང་ཡན་གྱི་ནུས་ཤོར་རྒན་རྒོན་ཐད་སྤྱད་དེ་ནུས་ཤོར་རྒན་རྒོན་གྱི་ལྟ་སྐྱོང་ཞབས་ཞུའི་ལས་དོན་ལ་སྔར་བས་ཤུགས་སྣོན་རྒྱག་པ་དང་། རྒན་གསོའི་ཞབས་ཞུའི་འཛད་སྤྱོད་ཁྲོམ་རའི་གསོན་ཤུགས་ཆེ་རུ་བཏང་སྟེ་རྒན་གསོའི་ཞབས་ཞུའི་འགན་ལེན་གྱི་དགོས་མཁོ་སྐོང་རྒྱུ་ཡིན་པ་གསལ་པོ་བཟོས་ཡོད།