སོར་རྩེའི་འགྱུར་ཁུག་ནས་ཐོན་ཞིང་། །

མགྲིན་པའི་མགུལ་རྒྱན་དུ་བྱས་པའི། །

ལོ་ཟླའི་བར་གསེང་གི་བྱམས་པ། །

མི་འགྱུར་བདག་འགྲམ་དུ་གནས་ཡོད། །

ཚོར་འདུ་ཚོགས་དྲུག་གི་རྗེས་ལ། །

བྲིས་པའི་རི་མོ་དེ་མ་བསུབས། །

ཚེ་གང་ཀྱོག་ལམ་གྱི་སྣང་ཡན། །

དཀར་དམར་པིར་རྩེ་ནས་བྲིས་ཡོང་། །

ཕར་དགའ་ཚུར་དུངས་ཀྱི་དགའ་འཁྱིལ། །

ནོར་བུ་མེ་འབར་དང་འདྲ་བྱུང་། །

འདྲིས་ཡུན་ལོ་ཟླ་ཡི་རི་མོ། །

དཀར་གཙང་ཤོག་ངོས་སུ་ཕབ་ཡོད། །

ཕྱི་རོལ་སྣང་བ་འདི་བན་བུན། །

ནང་གི་ཡིད་སེམས་འདི་རྟ་ཕོ། །

ཕྱི་ནང་མི་རྟག་གི་ཞལ་རས། །

མ་བཅོས་རང་གཤིས་སུ་གྲུབ་འདུག །

ཚིག་འབྲུ་མང་པོ་ཞིག་བསྡེབས་ནས། །

དགའ་སྐྱོའི་བརྩེ་སེམས་དེ་མཚོན་ཡོད། །

ལོ་ཟླའི་ཆར་རླུང་དེ་རྒོད་ཀྱང་། །

ནམ་ཡང་རྗེས་དྲན་དུ་བྱས་ཆོག །