ཡིད་འཕྲོག་ལྷ་མོ་དང་གྱེས་པའི། །
ཆོས་རྒྱལ་ནོར་བཟང་ཁྱེད་བདེ་འམ། །
རྒྱལ་སྲས་འུ་གཉིས་པོ་བྲལ་རྗེས། །
ཁམས་བདེའི་འཚམས་འདྲི་ཡང་མ་བྱུང་། །
བྱང་ཕྱོགས་མི་རྒོད་ཀྱི་དཔུང་རྣམས། །
མགྱོགས་པོ་འདུལ་རྩིས་ཤིག་མེད་དམ། །
ཡིད་འཕྲོག་རྒྱང་རིང་དུ་ལུས་པར། །
ཕང་སེམས་ཅུང་ཟད་རེ་ཨེ་འདུག །
ང་རང་ཡིད་འཕྲོག་གི་ལྷ་མོས། །
རྟག་ཏུ་མཛའ་བོ་ཁྱེད་བསྒུགས་ཡོད། །
རྒྱལ་སྲས་ཆོས་རྒྱལ་གྱི་ནོར་བཟང་། །
གང་མགྱོགས་ལོག་རྩིས་རང་མེད་དམ། །
སྟོན་ལོ་སེར་པོ་ཡང་ལྷུང་དུས། །
ནོར་བཟང་ཡང་ཡང་དུ་དྲན་བྱུང་། །
རྒྱལ་སྲས་ད་དུང་ཡང་མ་མཇལ། །
ཡིད་འཕྲོག་སེམས་ནད་ཀྱིས་མནར་སོང་། །
་
བཙུན་མོ་ལྔ་བརྒྱ་དང་ཧ་རིའི། །
ཞེ་སྡང་ཕྲག་དོག་འདི་ལྕི་བས། །
ནོར་བཟང་ད་དུང་ཡང་མ་ཁུག །
ཡིད་འཕྲོག་མཐར་སྤྲོད་དུ་བཏང་བྱུང་། །
་
ནོར་བཟང་རང་ཁྱིམ་དུ་འཁོར་དུས། །
བརྩེ་བ་འགྱུར་མེད་རང་ཡིན་ན། །
ཡིད་འཕྲོག་གར་ཡོད་ཀྱི་ས་ལ། །
རྒྱལ་སྲས་ཕེབས་འདོད་ནི་ཨེ་ཡོད། །