དུས་གསར་སྐལ་བཟང་ཕོ་ཉས། །
གསུང་སྙན་ཡང་ཡང་སྒྲོག་བྱུང་། །
གངས་ཅན་སློབ་གསོའི་འཐབ་སར། །
སླར་ཡང་དཔྱིད་དཔལ་བཞད་སོང་། །
མཁའ་ལ་གནས་པའི་སྐར་མ། །
མང་པོ་འདུག་བསམས་མ་གནང་། །
ལོ་ཆུང་སློབ་མའི་ཁྱུ་ཚོགས། །
སྐར་མ་ལས་ཀྱང་མང་བ། །
མགོ་སྒུར་ལྕེ་སྣར་ངང་ནས། །
ཞུ་བ་འཐེན་དགོས་མི་འདུག །
སློབ་ཡོན་ཞོ་གང་མེད་ཁར། །
ད་དུང་འཚོ་གོས་གནང་བྱུང་། །
ཏང་གིས་སློབ་གསོའི་བྱ་བར། །
ཐུགས་ཁུར་འདི་འདྲ་གནང་དུས། །
སློབ་མའི་ཕ་མ་རྣམ་པས། །
བཀའ་དྲིན་ཚོར་བ་གནང་རོགས། །
མི་རྒྱུད་ཡིག་རྨོངས་ཕྲུ་གུས། །
སློབ་ཆེན་སྒོ་མོ་བརྒལ་སོང་། །
བོད་ཡིག་རྒྱ་ཡིག་དབྱིན་ཡིག །
ཐོགས་པ་མེད་པར་གཟིགས་དང་། །
དགེ་རྒན་ཤེས་བྱ་འཛོམས་པ། །
སློབ་མ་རིག་པ་གསལ་བ། །
གངས་ཅན་མཁས་པའི་འབྱུང་གནས། །
སློབ་གྲྭ་ཡིན་པ་ངེས་རོགས། །
ཁྱིམ་དང་སློབ་གྲྭ་སྤྱི་ཚོགས། །
ཚང་མས་གཞོགས་འདེཌ་གནང་བས། ། སྤྱོད་ཡོན་གཉིས་ལྡན་སློབ་མ། །
དབྱར་མཚོ་རྒྱས་ལྟར་འཕེལ་བྱུང་། །
བཤེས་གཉེན་སློབ་མའི་དབར་གྱི། །
བརྩེ་སེམས་ཉ་ཆུ་འདྲ་བྱུང་། །
སློབ་གྲྭའི་ཁོར་ཡུག་སྐྱིད་པོ། །
སྐྱེད་ཚལ་ལྡུམ་ར་འདྲ་བྱུང་། །
བོད་ལྗོངས་འཛུགས་སྐྲུན་བྱེད་པའི། །
ཤེས་ལྡན་གནམ་འདེགས་ཀ་བ། །
ཆར་རྗེས་ཤ་མོ་ཇི་བཞིན། །
སློབ་གྲྭ་ཁག་ནས་ཐོན་བྱུང་། །
ལས་ཞུགས་ཁོ་ན་མ་སོམས། །
ཤེས་བྱ་ཡོན་ཏན་སོམས་ཤིག
ཤེས་ཡོན་མེད་པའི་མི་ལ། །
འགྲོ་སའི་ལམ་བུ་མི་འདུག །
（གཞིས་རྩེ་གྲོང་ཁྱེར་བསམ་གྲུབ་རྩེ་ཆུས་ཆུ་མིག་ཤང་སློབ་ཆུང་གི་ཚེ་རིང་གཡང་འཛོམས་ཀྱིས）