སྟོན་དུས་དང་དགུན་དུས་ཀྱི་མེ་ཟོན་ལས་དོན་བཀོད་སྒྲིག་ལག་བསྟར་དོན་འཁྱོལ་གྱིས་མང་ཚོགས་ཀྱི་ཚེ་སྲོག་དང་རྒྱུ་ནོར་བདེ་འཇགས་སྲུང་སྐྱོང་བརྟན་པོ་བྱེད་ཆེད། ཉིན་ཤས་རིང་། གཞིས་རྩེ་གྲོང་ཁྱེར་མེ་གསོད་རོགས་སྐྱོབ་ཉིང་ལག་རུ་ཁག་གིས“སྟོན་དུས་ཀྱི་བདེ་འཇགས་ལས་དོན་ཡག་པོ་སྒྲུབ་པ”བརྗོད་དོན་གཙོ་བོར་བྱས་ཏེ་སྡེ་ཚན་མང་པོ་དང་མཉམ་དུ་ཞིང་འབྲོག་ཁུལ་དུ་སྟོན་མཇུག་དང་དགུན་སྟོད་ཀྱི་མེ་ཟོན་བདེ་འཇགས་དྲིལ་བསྒྲགས་བྱེད་སྒོ་སྤེལ་བ་རེད། རིམ་རྩིས་བརྒྱབ་ན་བྱེད་སྒོ་དེ་མང་ཚོགས་མི་ཐེངས་ཁྲི་3.41ལྷག་ཙམ་ལ་ཁྱབ་པ་དང་། མངོན་མེད་རྐྱེན་ངན་སྣ་ཚོགས་620ལྷག་ཙམ་བསལ་ཏེ་ཁོངས་གཏོགས་ཁུལ་གྱི་དུས་བདེའི་འགོག་རགས་བརྟན་པོ་བསྐྲུན་པ་རེད།