ཞལ་སྒོར་སྒོར་ཟླ་བའི་མདངས་ལ། །

སྤྱན་ཁྲ་ཆུང་གཟི་ཡི་མཛེས་པ། །

ཁ་མཆུ་སྒྲོས་མཁུར་ཚོས་དམར་བ། །

མིག་རྫི་མ་ཅོ་ཀ་འགྱུར་འདྲ། །

བྲང་མྱོས་བུམ་དུང་དཀར་ཟུང་གཅིག །

ལུས་སྐྱེ་གཟུགས་ཚིག་དྲུག་སྨྱུག་མ། །

འགྲོ་གོམ་པའི་སྟངས་སྟབས་སྒྱུར་དུས། །

མཛེས་ལང་ཚོ་དབྱར་གྱི་མེ་ཏོག །

ཡིད་མཛའ་དུང་ཕྱི་ཐག་རིང་ལ། །

འདང་ཞེ་རྩིས་སྲོག་གིས་གཅེས་པའི། །

ཁྱོད་ཟེར་ནོ་དྲན་ཐེངས་རེ་ལ། །

སྙིང་དམར་པོའི་འཕར་རྩ་ལྡིང་ཐལ། །

དྲན་དྲགས་པའི་གདུང་བ་ལྕི་མོ། །

བཤད་མ་ཐུབ་མགྲིན་པར་ལུས་སོང་། །

ཞེ་དམར་པོའི་དཀྱིལ་གྱི་སྙིང་སྡུག །

བརྗེད་མི་སྲིད་སེམས་ཀྱི་དྲན་རྟེན། །

སྡེ་མི་ཁའི་རླུང་བུ་ལྡང་ནས། །

སེམས་དམར་པོ་གྲང་མོར་བཏང་རུང་། །

ཁྱོད་འུ་གཉིས་དམ་བཅའི་རི་མོ། །

འགྱུར་མི་སྲིད་གཙང་པོའི་གཞུང་ཡིན། །