དྲིན་བཤེས་གཉེན་ཉི་ཟླ་ཆ་འགྲིག་གི །

ཡིད་སྐྱོ་ངལ་མེད་པའི་བྱམས་སེམས་དང་། །

རྒྱུད་ཀུན་སློང་གཙང་མའི་ལྷག་བསམ་གྱི། །

འོད་ཕྱོཊ་བཅུར་འཕྲོ་བའི་བཀྲ་ཤིས་ཤོག །

དགུང་ཨ་སྔོན་བཅུ་གཉིས་བདག་པོ་ཡིས། །

ཡུལ་འཛམ་བུའི་གླིང་གི་མུན་པ་སེལ། །

དྲིན་ཟླ་ཟེར་དཔེ་ཆའི་སྣང་བ་ཡིས། །

དམན་འགྲོ་བའི་བློ་མུན་སེལ་བར་ཤོག །

གསལ་ཐོས་པའི་སྒྲོན་མེ་མ་ཐོགས་པར། །

མུན་གཏི་མུག་དགྲ་བོ་ཇི་ལྟར་འཇོམས། །

རྣོ་དཔེ་ཆའི་མཚོན་ཆ་མ་ཐོགས་པར། །

རྨོངས་མ་རིག་རྩ་མེད་ཇི་ལྟར་བཟོ། །

བློ་རིག་པ་འགྲིམས་ས་ཤེས་བྱ་རེད། །

སེམས་བསམ་པ་ཤེས་བྱའི་གནས་ལ་འབུངས། །

མང་ཐོས་པའི་ནོར་བུ་ལོན་གྱུར་ན། །

རང་མི་ཚེར་དོན་སྙིང་ལྡན་པར་གྱུར། །

རིག་ཐོས་པ་མི་ཚེའི་སྙིང་པོ་རེད། །

བློའི་སྒོ་བརྒྱ་འབྱེད་པའི་ལྡེ་མིག་རེད། །

རིག་ལང་ཚོ་དར་བའི་དུས་འདི་ལ། །

བློ་གཏད་ས་དཔེ་དེབ་ཁོ་ནས་ཆོག །