དཔྱིད།
དཔྱིད་རླུང་བསིལ་བུར་ལྡང་སོང་། །
ཁུ་བྱུག་མོན་ནས་ཕེབས་བྱུང་། །
ཞིང་ལ་ས་བོན་གཏོར་ཡོད། །
ལོ་ཡག་རྩ་བ་ཚུགས་སོང་། །
དབྱར།
ཆར་ཆུ་དུས་སུ་བབས་སོང་། །
ལོ་ཡག་སྐྱེ་འཚར་བཟང་བྱུང་། །
ཨ་ཁུ་ཞིང་པའི་གདོང་ནས། །
རེ་བའི་འཛུམ་མདངས་འཕྱུར་སོང་། །
སྟོན།
ཞིང་ཐང་གསེར་མདངས་རྒྱས་སོང་། །
སྙེ་མའི་སྙེ་རྡོག་ཆེ་བྱུང་། །
བང་མཛོད་འབྲུ་ཡིས་གཏམས་སོང་། །
བཞིན་རས་འཛུམ་གྱིས་ཁེངས་སོང་། །
དགུན།
རི་མགོ་ཁ་བས་བཀླུབས་སོང་། །
ཆུ་མོར་དར་ཁ་འཐེན་བྱུང་། །
ཞིང་ལས་དལ་བའི་དུས་འདིར། །
སྣམ་ཆས་འཐག་ལ་བྲེལ་སོང་། །