དྲིན་ཨ་ཕའི་ཞལ་རས་ཉི་མ་འདྲ། །
སེར་འཁྱིལ་ལེར་ཤར་ན་དགའ་བ་ལ། །
འོད་སྤྲིན་པས་བསྒྲིབས་ན་ཞེ་རེ་སྐྱོ། །
དྲིན་ཨ་ཕའི་སྐུ་ཚེ་བརྟན་པར་ཤོག །
དྲིན་ཨ་ཕའི་དབུ་འཕང་རྫ་རི་འདྲ། །
མཐོ་འགྱིང་ངེར་བཞུགས་ན་དགའ་བ་ལ། །
རྫ་གངས་ཀྱིས་བཟུང་ན་ཞེ་རེ་སྐྱོ། །
དྲིན་ཨ་ཕའི་སྐུ་ཚེ་བརྟན་པར་ཤོག །
དྲིན་ཨ་ཕའི་སྐུ་ལུས་སྡོང་པོ་འདྲ། །
ལྗང་ཐིང་ངེར་སྐྱེས་ན་དགའ་བ་ལ། །
ཤིང་རླུང་གིས་བཅོམ་ན་ཞེ་རེ་སྐྱོ། །
དྲིན་ཨ་ཕའི་སྐུ་ཚེ་བརྟན་པར་ཤོག །
དྲིན་ཨ་མའི་སྐུ་ལུས་ཉི་མ་འདྲ། །
འོད་གསལ་ལེར་ཤར་དུས་དྲོད་མ་ཚོར། །
མཚན་མུན་པ་རུབ་དུས་ཡང་ཡང་དྲན། །
ཙག་བསེར་བུས་མནར་དུས་ལྷག་ཏུ་དྲན། །
དྲིན་ཨ་མའི་སྐུ་ལུས་སྤང་རི་འདྲ། །
སྣུམ་ཚིལ་ལེར་རྒྱས་དུས་སྐྱིད་མ་ཚོར། །
སྒང་སྨུག་པས་བཟུང་དུས་ཡང་ཡང་དྲན། །
གངས་ཁ་བས་གཡོགས་དུས་ལྷག་ཏུ་དྲན། །
དྲིན་ཨ་མའི་སྐུ་ལུས་རྫ་ཆུ་འདྲ། །
དྭངས་ཁྲུམ་མེར་བཞུར་དུས་དྲིན་མ་ཚོར། །
སྟོན་དར་ཁས་བཟུང་དུས་ཡང་ཡང་དྲན། །
དགུན་བཞུར་མཚམས་ཆད་དུས་ལྷག་ཏུ་དྲན། །