འདི་ག་ཚགས་པར་ཁང་དུ་སྨན་གླིང་ནས་གློག་འཕྲིན་འབྱོར་གསལ། ཉིན་ཤས་གོང་སྨན་གླིང་མཐའ་མཚམས་མངགས་གཏོང་ཁང་ལ“གཞུང་དྲང་སྒེར་སེམས་མེད་པ། ཞབས་ཞུ་གོང་དུ་བཀུར་བ”ཞེས་འཁོད་པའི་གོས་དར་ཞིག་འབྱོར།

ཉིན་ཤས་གོང་སྨན་གླིང་གྲོང་ཁྱེར་སྤམ་གྲོང་གྲོང་ཚོའི་གྲོང་མི་མིག་ཆེ་གེ་མོ་ལས་བྲེལ་ཆེ་བའི་དབང་གིས་རླངས་འཁོར་ཁང་པའི་ཕྱི་རོལ་དུ་རང་དགར་བཞག་པ་མ་ཟད། རླངས་འཁོར་གྱི་སྒོ་ལྕགས་རྒྱག་རྒྱུ་བརྗེད་པ་རེད། ཉིན་འགའི་རྗེས་སུ་མིག་ཆེ་གེ་མོས་རླངས་འཁོར་ནང་གི་དངུལ་སྨར་སྒོར་ཁྲི་5ལྷག་ཙམ་དང་དབྱར་རྩྭ་དགུན་འབུ་རྐང་600ལྷག་ཙམ་གར་སོང་ཆ་མེད་དུ་གྱུར་པ་ཤེས་པས་དངངས་འཚབ་ཆེན་པོ་སྐྱེས་ཏེ་སྨན་གླིང་མཐའ་མཚམས་མངགས་གཏོང་ཁང་ལ་སྙན་སེང་ཞུས་ནས་རོགས་སྐྱོར་གནང་རོགས་ཞུས་པ་རེད།

སྨན་གླིང་མཐའ་མཚམས་མངགས་གཏོང་ཁང་ལ་ཉེན་བརྡ་འབྱོར་འཕྲལ་ཉེན་རྟོག་པ་ཧྲག་པོ་སྒྲིག་འཛུགས་ཀྱིས་ཕྱོགས་ཡོངས་ནས་བརྟག་དཔྱད་གཏིང་ཟབ་བྱས་པ་རེད། གྲལ་བཤེར་ཆུ་ཚོད་6ལྷག་ཙམ་བྱེད་རིང་མི་དམངས་ཉེན་རྟོག་པས་ཁུངས་སྣེ་གཅིག་ཀྱང་མ་གློད་པར་གློག་མིག་གི་བརྙན་ཕབ་ལ་ཞིབ་ཕྲ་ལྟ་བ་དང་། མཐའ་འཁོར་གྱི་མང་ཚོགས་ལ་བཅར་འདྲི་བྱེད་པ། འབྲེལ་ཡོད་ས་ཁོངས་ལ་གྲལ་བཤེར་བཅས་བྱས་པ་དང་ཕུན་སུམ་ཚོགས་པའི་ཉམས་མྱོང་དང་ཤེས་ཚོར་རྣོན་པོར་བརྟེན་ནས་མིག་ཆེ་གེ་མོའི་བོར་བརླག་ཏུ་སོང་བའི་རྒྱུ་དངོས་བདེ་བླག་ངང་རྙེད་པ་རེད།

གྱོད་དོན་སྙན་སེང་ཞུ་མཁན་མིག་ཆེ་གེ་མོས་གོས་དར་འབུལ་སྐབས། སེམས་འགུལ་ཚད་མེད་ཐེབས་བཞིན་དུ“ཆུ་ཚོད་6ལྷག་ཙམ་དེའི་ནང་ངས་ཁྱེད་ཚོའི་ཆེད་ལས་ཀྱི་ཆུ་ཚད་དང་ལས་ཕྱོད་མཐོང་བྱུང་། ཁྱེད་རྣམ་པའི་ཁུངས་སྣེ་གཅིག་ཀྱང་མ་གློད་པའི་ལས་བཀུར་སྙིང་སྟོབས་ཀྱིས་ང་ལ་སེམས་འགུལ་ཆེན་པོ་ཐེབས་བྱུང་། ང་ཚོ་མི་སེར་ལ་ཁྱེད་ཚོ་ལྟ་བུའི་རྒྱབ་རྟེན་བརྟན་པོ་ཡོད་པས་བློ་ཧ་ཅང་བདེ་པོ་འདུག”ཅེས་བཤད།

(པ་ཕན་གྱིས་བསྒྱུར། བསོད་བདེ་ཆེ་བ་དང་པ་ཕན་གྱིས་ཞུས)