འདི་ག་ཚགས་པར་ཁང་དུ་རྩེད་ཐང་ནས་གློག་འཕྲིན་འབྱོར་གསལ། ཉེ་ཆར། འཕྱོངས་རྒྱས་རྫོང་མི་དམངས་ཁྲིམས་ཁང་གཏུག་བཤེར་ཞབས་ཞུ་ལྟེ་གནས་དང་རྫོང་མི་དམངས་འདུམ་འགྲིག་ལྟེ་གནས་ཀྱིས་མཉམ་དུ། “གཏུག་བཤེར་མ་བྱས་གོང་གི་འདུམ་འགྲིག+ཁྲིམས་འཛིན་གཏན་འཁེལ”གྱི་ལས་ཀའི་བྱེད་ཐབས་ལ་བརྟེན་ནས་འགལ་ཟླའི་རྩོད་གཞི་གཉིས་ཐག་གཅོད་བྱས་པ་རེད།

2021ལོ་ནས་2023ལོའི་བར་ཚོང་དོན་ཚད་ཡོད་ཀུང་སི་ཞིག་དང་ཞིང་ལས་ཚད་ཡོད་ཀུང་སི་ཞིག་གིས་ཨར་འདམ་འཚོང་མཁན་ཨར་ལས་རྒྱུ་ཆ་ཚད་ཡོད་ཀུང་སི་ཞིག་གི་ས་ནས་སྒོར་ཁྲི་236ལྷག་ཙམ་གྱི་ཨར་འདམ་ཉོས་རུང་དངུལ་འགྱངས་ནས་སྤྲད་མེད་པ་རེད། གྲོས་མོལ་ཐེངས་མང་བྱས་ཀྱང་ཐག་གཅོད་མ་བྱུང་བར་བརྟེན་ཨར་ལས་རྒྱུ་ཆ་ཚད་ཡོད་ཀུང་སིས་ཁྲིམས་ཁང་ལ་ཞུ་གཏུག་བརྒྱབ་པ་རེད།

རྫོང་མི་དམངས་ཁྲིམས་ཁང་གཏུག་བཤེར་ཞབས་ཞུ་ལྟེ་གནས་ཀྱི་ཁྲིམས་དཔོན་ལ་གྱོད་གཞི་འབྱོར་རྗེས། ཕྱོགས་གཉིས་པོའི་དོ་བདག་ལ་ཁ་ཏ་ཐེངས་མང་བྱས་པ་བརྒྱུད་རྩོད་གཞི་དེ་གཉིས་མི་དམངས་འདུམ་འགྲིག་ལྟེ་གནས་ལ་རྩིས་སྤྲད་པ་རེད། འདུམ་འགྲིག་བྱེད་རིང་ཁྲིམས་དཔོན་གྱིས་བཅའ་ཁྲིམས་ཀྱི་འབྲེལ་བ་གཏན་འཁེལ་དང་འགན་འཁྲི་དབྱེ་འབྱེད་ཀྱི་གཞི་འཛིན་ས་དང་དེ་བཞིན་དཔང་རྟགས་འཚོལ་བསྡུ་སོགས་ཀྱི་ཐད་ནས་གྱོད་གཞིར་ཞིབ་བཤེར་བྱས། འདུམ་འགྲིག་ཐེངས་མང་བྱས་རྗེས། མཐར་ཕྱོཌ་གསུམ་དབར་ཨར་ལས་རྒྱུ་ཆའི་དངུལ་གྲངས་དང་དངུལ་སྤྲོད་པའི་དུས་ཚོད་གཅིག་འགྱུར་བྱུང་བ་དང་འབྲེལ་འདུམ་འགྲིག་གྲོས་མཐུན་ཡི་གེར་མིང་རྟཌ་བཀོད་པ་རེད། དེ་རྗེས་ཁྲིམས་ཁང་གིས་རེ་ཞུ་ལྟར་ཐག་གཅོད་བྱས་པས་རྩོད་གཞི་ཐག་གཅོད་མགྱོགས་མྱུར་ཐུབ་ཡོད།

གྱོད་གཞི་འདུམ་འགྲིག་བྱུང་རྗེས་དོ་བདག་གི་གཏུག་བཤེར་མ་གནས་གྲོན་ཆུང་ཐུབ་པ་དང་རྩོད་གཞི་ཐག་གཅོད་བྱེད་པའི་དུས་ཚོད་ཐུང་དུ་ཕྱིན་པ་མ་ཟད། ད་དུང་གྱོད་གཞི་ཐག་གཅོད་ཀྱི་གནོན་ཤུགས་ཞི་ལྷོད་དུ་ཕྱིན་པ་དང་གཏུག་བཤེར་ཐོན་ཚད་ཉུང་དུ་ཕྱིན་ཡོད།