འདི་ག་ཚགས་པར་ཁང་དུ་སེང་གེ་ཁ་འབབ་ནས་གློག་འཕྲིན་འབྱོར་གསལ། ཉེ་ཆར། མངའ་རིས་ས་ཁུལ་གྱིས་འགན་བཅོལ་རིགས་ཀྱི་གློག་འཕྲིན་དྲ་རྒྱའི་ཁ་བསླུས་དངུལ་སྒོར་ཁྲི་1.8འདེད་ལེན་བྱེད་རོགས་བྱས་པས་གནོད་འཚེ་ཕོག་མཁན་གྱི་བསྔགས་བརྗོད་ཐོབ་ཡོད།

ཤེས་རྟོགས་བྱུང་བར་གཞིགས་ན། གནོད་འཚེ་ཕོག་མཁན་ཁྲེན་ཆེ་གེ་མོ་དངུལ་ཁང་གི་དྲ་ཚིགས་སུ་འགན་བཅོལ་གྱི་ལས་སྒོ་བློ་འདྲི་བྱེད་པར་ཡོང་ནས། ཁྲི་བརྒྱའི་སྨན་བཅོས་འགན་བཅོལ་ཞབས་ཞུའི་ཁ་པར་དང་འཕྲིན་ཐུང་ཞིག་འབྱོར་བྱུང་། ཕ་རོལ་པོས་མུ་མཐུད་འགན་བཅོལ་གྱི་དུས་ཡུན་རིང་དུ་གཏོང་བ་དང་རྟོག་བཟོའི་དངུལ་འཐེན་དགོས་ལུགས་བརྗོད་ནས་གནོད་འཚེ་ཕོག་མཁན་ལ་འབྲེལ་ཡོད་ཆ་འཕྲིན་མཁོ་འདོན་བྱེད་དུ་བཅུག་རྗེས་སྒོར་ཁྲི་2.5འཐེན་སོང་ཞེས་བཤད། ཉིན་དེའི་སྡོད་བྱ་ཡིན་པའི་ལས་མིས་བྱ་སྤྱོད་དེར་གློག་འཕྲིན་དྲ་རྒྱའི་ཁ་བསླུས་ཀྱི་དོགས་གཞི་ཡོད་པ་ཤེས་རྟོགས་ཐུབ་པས་འཕྲལ་དུ་གོ་རིམ་ལྟར་གནོད་འཚེ་ཕོག་མཁན་གྱི་ཉོ་ཚོང་གསལ་ཐོ་བཤེར་ནས་གནས་ཚུལ་གཏན་འཁེལ་བྱས། དེ་དང་ཆབས་ཅིག་མི་དམངས་དངུལ་ཁང་མངའ་རིས་ས་ཁུལ་ཡན་ལག་དངུལ་ཁང་གི་མཛུབ་ཁྲིད་འོག་གནོད་འཚེ་ཕོག་མཁན་གྱི་དངུལ་ཁང་གི་གཡར་ཐོའི་གཱ་དང་ཡིད་རྟོན་གཱ་ལ་སྲུང་སྐྱོང་རང་བཞིན་གྱི་དོ་དམ་ཚོད་འཛིན་བྱེད་ཐབས་མགྱོགས་མྱུར་སྤྱད་པ་མ་ཟད། ད་དུང་ཉེན་རྟོག་པ་དང་དངུལ་ཁང་མཉམ་འགུལ་གྱི་ལས་ཀའི་ལམ་སྲོལ་འཕྲལ་མར་ལག་བསྟར་བྱས་ཏེ། མངའ་རིས་ས་ཁུལ་ཁ་བསླུས་ངོ་རྒོལ་ལྟེ་གནས་དང་མཉམ་དུ་མ་དངུལ་འདེད་ལེན་གྱི་ལས་དོན་འཕྲལ་དུ་སྤེལ་ཞིང་། དོགས་ཡོད་ཁུངས་སྣེ་མཉམ་སྤྱོད་བྱེད་པའི་ཉེན་རྟོག་པ་དང་དངུལ་ཁང་མཉམ་འགུལ་གྱི་ལམ་སྲོལ་ནུས་པ་འདོན་གང་ཐུབ་བྱས་ཏེ་དོགས་ཡོད་མི་སྣར་གྲལ་བཤེར་བྱས་པས་གྱོད་འབྲེལ་མ་དངུལ་ཕྱིར་འགྲོ་རྒྱུག་ལ་གཏན་འགོག་ཐུབ་ཡོད། ཉིན་དེར་གནོད་འཚེ་ཕོག་མཁན་དེའི་ས་ནས་འཐེན་པའི་སྒོར་ཁྲི་2.5ནས་སྒོར་ཁྲི་1.8འདེད་ལེན་ཐུབ་ཡོད། དེ་རྗེས་འབྲེལ་ཡོད་ལས་དོན་པས་གནོད་འཚེ་ཕོག་མཁན་དེར་ཁ་བསླུས་ཀྱི་གྱོད་དཔེར་གསལ་འགྲེལ་དང་རྒྱལ་ཁབ་ཁ་བསླུས་ངོ་རྒོལ་ལྟེ་གནས་ཀྱི་APPཕབ་སྦྱོར་བྱེད་རོགས་བྱས་པ་རེད།

(ཚེ་དབང་ལྷ་མོས་བསྒྱུར། བདེ་སྐྱིད་དབང་མོས་ཞུས)