འདི་ག་ཚགས་པར་ཁང་དུ་ཆབ་མདོ་ནས་གློག་འཕྲིན་འབྱོར་གསལ། ཉེ་དུས་ཆབ་མདོ་གྲོང་ཁྱེར་གོ་འཇོ་རྫོང་སྤྱི་བདེ་ཅུས་ཀྱི་མངགས་གཏོང་ཁང་དང་། དམངས་ཕན་ཉེན་རྟོག་ཞབས་ཞུའི་ས་ཚིགས། ལྕགས་ལམ་ཉེན་དོན་ཁང་བཅས་ཀྱི་མི་དམངས་ཉེན་རྟོག་པས་ཁོངས་གཏོགས་ཁུལ་དུ་མེ་ཟོན་བདེ་འཇགས་ཀྱི་ཞིབ་བཤེར་ལས་དོན་སྤེལ་ནས“ས་ཆ་ཆུང་ངུ་དགུ”དང་། དམངས་སྤྱོད་འབར་རྫས་མཛོད་ཁང་། སྣུམ་སྣོན་དང་རླངས་སྣོན་ས་ཚིགས་སོགས་མེ་སྐྱོན་ཐོན་སླ་བའི་གཙོ་གནད་སྡེ་ཚན་ནམ་ཡང་ན་དེ་མིན་གྱི་ཁུལ་དུ་མེ་ཟོན་བདེ་འཇགས་ཀྱི་མངོན་མེད་རྐྱེན་ངན་ལ་གྲལ་བཤེར་བཅོས་སྒྲིག་བྱས་ཏེ། ཉེན་ཁའི་མངོན་མེད་རྐྱེན་ངན་གལ་ཆེན་ནུས་ཤུགས་ཡོད་རྒུས་འགོག་པ་དང་བསལ་ཡོད་པ་རེད།
“མངོན་མེད་རྐྱེན་ངན་གྲལ་བཤེར་དང་། ལས་འཛོལ་སྔོན་འགོག བདེ་འཇགས་སྲུང་སྐྱོང”བཅས་ཀྱི་དམིགས་ཚད་གཞིར་བཟུང་། མི་དམངས་ཉེན་རྟོག་པ་དང་ལས་རོགས་ཉེན་རྟོགས་པས་ལས་དོན་པར་མེ་ཟོན་བདེ་འཇགས་ཀྱི་ཤེས་བྱ་གསོ་སྦྱོང་བྱས་པ་དང་། མེ་ཟོན་བདེ་འཇགས་ཀྱི་འབྲེལ་ཡོད་བཅའ་ཁྲིམས་དང་ཁྲིམས་སྲོལ་དང་། བདེ་འཇགས་འགོག་ཟོན་ཤེས་བྱ། མེ་དང་གློག་སྤྱོད་སྐབས་དོ་སྣང་བྱེད་དགོས་པ་སོགས་ཀྱི་འབྲེལ་ཡོད་ཤེས་བྱ་ཁྲིད་དེ། ལས་རིགས་དེའི་འགན་འཁུར་བའི་མེ་ཟོན་བདེ་འཇགས་ཀྱི་འདུ་ཤེས་ཟབ་ཏུ་བཏང་བ་དང་། མེ་ཟོན་གྱི་མངོན་མེད་རྐྱེན་ངན་གྲལ་བཤེར་དང་ཐག་གཅོད་བྱེད་པའི་འཇོན་ཐང་ཆེ་རུ་བཏང་ནས་མེ་ཟོན་བདེ་འཇགས་ཀྱི་འདུ་ཤེས་རྒྱུན་ལྡན་གྱི་ལས་དོན་དང་འཚོ་བའི་ནང་མཉམ་འདྲེས་ཐུབ་པ་བྱས་ཡོད།