འདི་ག་ཚགས་པར་ཁང་དུ་གཞིས་རྩེ་ནས་གློག་འཕྲིན་འབྱོར་གསལ། ཉེ་ཆར། གཞིས་རྩེ་གྲོང་ཁྱེར་ཁྲིམས་འཛིན་ཅུས་དང་ཁྲིམས་ལུགས་ཁྱབ་གདལ་གཞུང་ལས་ཁང་གིས་མཉམ་དུ་གཉེར་བའི“2024ལོར་ཁྲིམས་ལ་བརྟེན་ནས་དམངས་ཀྱི་ཞིང་ས་བརླན། ཁྲིམས་སྐྱོང་ལ་བརྟེན་ནས་སྲུང་སྐྱོང་ལས་ལ་གཞོལ”ཞེས་པའི་ཁྲིམས་སྐྱོང་རིག་རྩལ་གཞི་རིམ་དུ་སྤེལ་བའི་བྱེད་སྒོ་བསམ་གྲུབ་རྩེ་ཆུས་ཆུ་མིག་ཤང་དུ་སྤེལ་འགོ་ཚུགས་པ་རེད།

《བཀྲ་ཤིས་ཞོལ་པའི》འགྱུར་ཁུག་དང་བསྟུན་ནས་མི་རིགས་ཀྱི་གཟབ་མཆོར་སྤྲས་པའི་འཁྲབ་སྟོན་པ་ཚོས་གར་གྱི་སྟངས་སྟབས་ངོམ་པ་དང་བྱེད་སྒོ་སྤེལ་ཡུལ་དུ་དགའ་སྤྲོའི་རྣམ་པས་ཁེངས། གཏམ་བརྗོད་ཐུང་གྲས《ཁ་བསླུས་ལ་དོགས་ཟོན་བྱེད》ཅེས་པའི་འཁྲབ་སྟོན་གྱིས་ལྟད་མོ་བ་ཚོར་སློབ་གསོ་གཏིང་ཟབ་ཐེབས།

གཞིས་རྩེ་གྲོང་ཁྱེར་ཁྲིམས་ལུགས་ཁྱབ་གདལ་གཞུང་ལས་ཁང་གི་འབྲེལ་ཡོད་ལས་དོན་པས་ངོ་སྤྲོད་བྱས་པར་གཞིགས་ན། གོམ་སྟབས་རྗེས་མར་ཁྲིམས་སྐྱོང་རིག་རྩལ་གཞི་རིམ་དུ་སྤེལ་བའི་བྱེད་སྒོ་པ་སྣམ་དང་། རྒྱལ་རྩེ། བཞད་མཐོང་སྨོན་སོགས་རྫོང་དུ་སྐོར་སྐྱོད་འཁྲབ་སྟོན་བྱས་ནས་ནང་དོན་རྒྱུན་ཆད་མེད་པར་འཐུས་ཚང་དང་གསར་གཏོད་བྱས་ཏེ་གཞིས་རྩེའི་ཁྱད་ཆོས་ལྡན་པའི་ཁྲིམས་སྐྱོང་རིག་གནས་ཀྱི་སྤུས་རྟགས་བཏོད་ནས་གཞིས་རྩེ་གྲོང་ཁྱེར་གྱི་ལས་བྱེད་པ་དང་མང་ཚོགས་ཀྱི་བཅའ་ཁྲིམས་ཀྱི་འདུ་ཤེས་དང་ཁྲིམས་སྐྱོང་གི་བྱང་ཚད་མཐོ་རུ་གཏོང་རྒྱུ་ཡིན་པ་རེད།