འདི་ག་ཚགས་པར་ཁང་དུ་ལྷ་ས་ནས་གནས་ཚུལ་འབྱོར་གསལ། ཉེ་ཆར། རང་སྐྱོང་ལྗོངས་སྤྱི་བདེ་ཐིང་འགྲིམ་འགྲུལ་དོ་དམ་ཅུས་ཀྱིས“གནས་དྲུག་དང་བརྩོན་ལེན་དྲུག”གི་ལས་ཀའི་བྱེད་ཐབས་སྤྱད་དེ་སྟོན་དགུན་གཉིས་ཀྱི་འགྲིམ་འགྲུལ་བདེ་འཇགས་ཀྱི་དྲིལ་བསྒྲགས་སློབ་གསོའི་འགག་སྒྲོལ་བྱ་སྤྱོད་ཏན་ཏིག་སྤེལ་ནས་ལྗོངས་ཡོངས་ཀྱི་སྟོན་དགུན་གཉིས་ཀྱི་འགྲིམ་འགྲུལ་བདེ་འཇགས་ཀྱི་དུས་བབ་མུ་མཐུད་བདེ་འཇགས་དང་བརྟན་ལྷིང་ཡོང་བའི་འགན་ལེན་བྱས་པ་རེད།

གསར་འགོད་པས་བོད་རང་སྐྱོང་ལྗོངས་སྤྱི་བདེ་ཐིང་འགྲིམ་འགྲུལ་དོ་དམ་ཅུས་ནས་ཤེས་རྟོགས་བྱས་པར། ད་ཐེངས་སྟོན་དགུན་གཉིས་ཀྱི་འགྲིམ་འགྲུལ་བདེ་འཇགས་ཀྱི་དྲིལ་བསྒྲགས་སློབ་གསོའི་འགག་སྒྲོལ་བྱ་སྤྱོད་ཐད“གནད་འགག་ལ་དམིཌ་ནས་འབྱུང་རྩའི་མངོན་མེད་རྐྱེན་ངན་དམ་འཛིན”དང་། “བཀྲག་མདངས་འཚེར་ས་བཏོད་ནས་གྲོང་གསེབ་ཀྱི་བདེ་འཇགས་འགན་ལེན”“གཙོ་གནད་ལ་དོ་ཁུར་གྱིས་སྐྱེལ་འདྲེན་ཁེ་ལས་ལ་དམིགས་པ”“དཀའ་གནད་ཚད་བརྒལ་དང་གཙོ་གནད་ལམ་དུམ་ལ་དམིགས་པ”“དཀའ་གནད་ལ་དམིགས་ནས་འགྲིམ་འགྲུལ་སྒྲིག་འགལ་གྱི་གནས་ཚུལ་ཐག་གཅོད”སོགས་བྱ་ཐབས་ཁག་དྲུག་ལ་བརྟེན་ནས་འབྲེལ་ཡོད་ལས་དོན་སྤེལ་བའི་དམིགས་ཡུལ་ནི། འགྲོ་ལམ་འགྲིམ་འགྲུལ་གྱི་དོན་རྐྱེན་ཐོན་ཚད་དང་མི་སྣ་འཆི་ཚད་ཉུང་དུ་གཏོང་བ་དང་། སྟོན་དགུན་གཉིས་སུ་གངས་མ་ཆར་བབས་ནས་ལམ་ངོས་འཁྱགས་པ་སོགས་ཀྱིས་འགྲིམ་འགྲུལ་གྱི་དོན་རྐྱེན་ཐོན་རྒྱུ་སྔོན་འགོག རྒྱ་ཆེའི་མང་ཚོགས་ཀྱི་འགྲིམ་འགྲུལ་བདེ་འཇགས་ཀྱི་འདུ་ཤེས་དང་ཡ་རབས་ངང་ཕྱིར་སྐྱོད་ཀྱི་འདུ་ཤེས་རྒྱུན་ཆད་མེད་པར་ཟབ་ཏུ་གཏོང་ཆེད་རེད།