འདི་ག་ཚགས་པར་ཁང་དུ་གཞིས་རྩེ་ནས་གློག་འཕྲིན་འབྱོར་གསལ། ཉེ་ཆར། གསར་འགོད་པར་གཞིས་རྩེ་གྲོང་ཁྱེར་མི་དམངས་སྲིད་གཞུང་གསར་འགྱུར་གཞུང་ལས་ཁང་གིས་འཚོགས་པའི་2024ལོའི་དབྱར་ཁའི་བདེ་འཇགས་བཅོས་སྐྱོང་དང་བཅོས་སྒྲིག་བྱ་སྤྱོད་ཀྱི་གསར་འགྱུར་ཡོངས་བསྒྲགས་ཚོགས་འདུའི་ཐོག་ནས་ཤེས་རྟོགས་བྱུང་བར། ད་ལོའི་ཟླ་6པའི་ཟླ་མཇུག་ནས་ཟླ་9པའི་ཟླ་མཇུག་བར་གྲོང་ཁྱེར་ཡོངས་ཀྱི་ཉེས་དོན་དང་། བདེ་འཇགས། འགྲིམ་འགྲུལ་གྱི་ཉེན་དོན་བཅས་ཀྱི་གནས་ཚུལ་དུས་མཚུངས་ལས་77%དང་། 51% 94%བཅས་སོ་སོར་ཆག་ཡོད་པ་རེད།

ངོ་སྤྲོད་བྱས་པར་གཞིགས་ན། ཟླ་6པའི་ཟླ་སྨད་ཚུན་དུ། གཞིས་རྩེ་གྲོང་ཁྱེར་སྤྱི་བདེ་ལས་ཁུངས་ཀྱིས་རྡུང་རྡེག་ཚ་ནན་གཏོང་བའི་དམ་བསྒྲགས་རྣམ་པ་ཐོག་མཐའ་བར་གསུམ་དུ་རྒྱུན་འཁྱོངས་བྱས་པ་དང་རིམ་ཁག་སྤྱི་བདེ་ལས་ཁུངས་དང་རྒྱ་ཆེའི་སྤྱི་བདེའི་ལས་བྱེད་ཉེན་རྟོག་པས་ཐུན་མོང་ཐོག་འབད་བརྩོན་བྱས་པ་བརྒྱུད། གྲོང་ཁྱེར་ཡོངས་ཀྱི་ཉེས་དོན་གྱོད་གཞི་གྱོད་ཐོ་འགོད་གྲངས་དང་བདེ་འཇགས་བཅོས་སྐྱོང་གྱོད་གཞི་བདག་སྤྲོད་བྱེད་ཚད་གཉིས་ཀ་ཆག་པ་དང་། ཉེས་དོན་གྱོད་གཞི་རྩད་གཅོད་ཐུབ་ཚད་དང་བདེ་འཇགས་གྱོད་གཞིར་ཞིབ་བཤེར་ཐག་གཅོད་བྱེད་ཚད་གཉིས་ཀ་མཐོ་རུ་སོང་ཡོད་པ་རེད། ད་དུང་རྐུ་འཕྲོག་བསླུ་གསུམ་དང་གློག་འཕྲིན་དང་དྲ་རྒྱའི་ཁ་བསླུས་སོགས་ཀྱི་ཁྲིམས་འགལ་ཉེས་གསོག་ལ་དམིགས་ཏེ་ཆེད་དོན་བཅོས་སྒྲིག་བྱས་ནས་མི་དམངས་མང་ཚོགས་ཀྱི་ཚེ་སྲོག་དང་རྒྱུ་ནོར་གྱི་བདེ་འཇགས་ལ་འགན་སྲུང་ནུས་ལྡན་བྱས་པ་རེད། ཁྲོམ་གཞུང་དུ་སྐོར་གཡེང་དང་། འགྲོ་ལམ་འགྲིམ་འགྲུལ་ལ་དོ་དམ། གཙོ་གནད་ཚོགས་སྤྱིར་དྲིལ་བསྒྲགས་བཅས་བྱེད་ཤུགས་ཆེ་རུ་བཏང་བ་བརྒྱུད་མི་དམངས་མང་ཚོགས་ཀྱི་བདེ་འཇགས་ཚོར་སྣང་ཆེ་རུ་ཏན་ཏིག་ཕྱིན་ཡོད་པ་རེད།