དཀར་དཀར་གངས་རིས་བསྐོར་བའི་ལྷ་ས། །

ས་གཞི་སྣུམ་ཞག་དོད་པའི་ལྷ་ས། །

ཉི་འོད་ལམ་ལམ་འཚེར་བའི་ལྷ་ས། །

མཚན་ཆར་ཟིམ་ཟིམ་འབབ་པའི་ལྷ་ས། །

ཤང་ཤང་ཆུ་མོ་རྒྱུག་པའི་ལྷ་ས། །

ངང་རྒྱུད་དར་སྣེ་བསྲིངས་པའི་ལྷ་ས། །

སྔོ་ལྗང་ཤིང་སྣ་རྒྱས་པའི་ལྷ་ས། །

སྐྱེད་ཚལ་ལྡུམ་ར་ལྟ་བུའི་ལྷ་ས། །

ལྷག་བསམ་མར་ཁུ་འཁྱིལ་བའི་ལྷ་ས། །

བྱམས་དང་སྙིང་རྗེས་ཕྱུག་པའི་ལྷ་ས། །

རྣམ་དཔྱོད་ཤེས་རབ་ཡངས་པའི་ལྷ་ས། །

འབྲོག་ལས་ཞིང་ལས་དར་བའི་ལྷ་ས། །

གནའ་དེང་ཕྱག་རྒྱུན་དར་བའི་ལྷ་ས། །

འབྲུ་དྲུག་མགོ་ལྕོག་ལྡེམ་པའི་ལྷ་ས། །

མི་ཆོས་རིག་གནས་དར་བའི་ལྷ་ས། །

ཨར་ཀ་ཤེལ་ལས་དྭངས་བའི་ལྷ་ས། །

གླུ་གར་རྒྱ་མཚོ་འཁྱིལ་བའི་ལྷ་ས། །

སྤྱི་གླིང་རོལ་མོས་ཁེངས་པའི་ལྷ་ས། །

གསོ་རིག་བསྟན་པ་དར་བའི་ལྷ་ས། །

ཚན་རྩལ་གཤོག་ཟུང་རྒྱས་པའི་ལྷ་ས། །

གསུང་རབ་ཕྱག་ལེན་འཛོམས་པའི་ལྷ་ས། །

ཕྱག་དང་ཞེ་ས་མཁས་པའི་ལྷ་ས། །

དཔལ་འབྱོར་དབྱར་མཚོ་རྒྱས་པའི་ལྷ་ས། །

སྐྱེ་འགྲོའི་དང་བ་འདྲེན་པའི་ལྷ་ས། །