འདི་ག་ཚགས་པར་ཁང་དུ་སྣེ་གདོང་ནས་གློག་འཕྲིན་འབྱོར་གསལ། ཉིན་ཤས་གོང་སྐྱེད་པ་ཤང་བསམ་མཁར་གྲོང་ཚོར་བཅའ་སྡོད་སྣེ་གདོང་ཆུས་མི་དམངས་ཁྲིམས་ཁང་གི་ལས་དོན་རུ་ཁག་གིས་ཇུས་འགོད་ཞིབ་ཚགས་བྱས་ནས་མང་ཚོགས་ཀྱིས་དགའ་པོ་བྱེད་པའི་འཁྲབ་སྟོན་རུ་ཁག་གདན་དྲངས་ཏེ་སྐྱེད་པ་ཤང་སྲིད་གཞུང་གི་སྒོ་རའི་ནང་ཁྱད་ཆོས་ལྡན་པའི་རིག་རྩལ་འཁྲབ་སྟོན་བྱས་ནས་ས་གནས་དེ་གའི་གྲོང་མིར་རིག་གནས་དང་ཁྲིམས་སྐྱོང་མཉམ་འདྲེས་ཀྱི་མཐོང་ཚོར་གྱི་སྟོན་མོ་ཞིག་བཤམས་པ་རེད།
གྲོང་ཚོར་བཅའ་སྡོད་ལས་དོན་རུ་ཁག་གི་འབྲེལ་ཡོད་འགན་འཁུར་བས། རིག་རྩལ་འཁྲབ་སྟོན་བྱེད་སྒོ་དེས་གྲོང་མི་ཚོའི་བསམ་པའི་རིག་གནས་འཚོ་བ་ཕུན་སུམ་ཇེ་ཚོགས་སུ་བཏང་བ་མ་ཟད། གྲོང་གསེབ་ཀྱི་རིག་གནས་འཛུགས་སྐྱོང་དང་ཁྲིམས་སྐྱོང་དྲིལ་བསྒྲགས་ལ་ཐབས་ལམ་གསར་པ་ཞིག་ཀྱང་བཏོད་ཡོད། གྲོང་སྡོད་ལས་དོན་རུ་ཁག་གིས་རིག་གནས་སྦྲེལ་ཟམ་དུ་བྱས་ཏེ་ཁྲིམས་སྐྱོང་གི་འདུ་ཤེས་མི་སེམས་ལ་གཏིང་ཟབ་ཟུག་པར་བྱས་ནས་ཞི་མཐུན་དང་། ཤེས་དཔལ། ཁྲིམས་སྐྱོང་བཅས་ཀྱི་གྲོང་གསེབ་ཁོར་ཡུག་བསྐྲུན་ཆེད། རྨང་གཞི་བརྟན་པོ་བཏིང་བས་གྲོང་མིའི་བསྔགས་བརྗོད་རྒྱ་ཁྱབ་ཐོབ་ཡོད། སླད་ཕྱིན་མུ་མཐུད་རིག་གནས་དར་རྒྱས་དང་ཁྲིམས་ལུགས་འཐུས་ཚང་གི་བགྲོད་ལམ་དུ་གོམ་སྟབས་བརྟན་པོས་མདུན་སྐྱོད་བྱས་ཏེ་སྔར་ལས་མཛེས་སྡུག་ལྡན་པའི་འབྱུང་འགྱུར་གཏོད་རྒྱུ་ཡིན་ཞེས་བརྗོད་པ་རེད།
འདི་ནི་བྱེད་སྒོ་སྤེལ་ཡུལ་ཡིན་པ།