ཉེ་ཆར་ནག་ཆུ་གྲོང་ཁྱེར་སྤྱི་བདེ་ཅུས་དུག་འགོག་ཉིང་ལག་རུ་ཁག་གིས་ནག་ཆུའི་ཟོག་འདྲེན་རླངས་འཁོར་གྱི་ཁ་ལོ་བའི་ཁྱིམ་གཞིས་དང་མཉམ་དུ་ཟོག་འདྲེན་རླངས་འཁོར་གྱི་ཁ་ལོ་བར་དུག་འགོག་གི་སློབ་གསོའི་དྲིལ་བསྒྲགས་བྱེད་སྒོ་སྤེལ་བ་རེད།

བྱེད་སྒོ་སྤེལ་ཡུལ་དུ་དུག་འགོག་མི་དམངས་ཉེན་རྟོག་པས་ཟོག་འདྲེན་རླངས་འཁོར་གྱི་ཁ་ལོ་བར་དྲིལ་བསྒྲགས་སློབ་གསོ་བཏང་བ་དང་འབྲེལ་རྒྱ་ཆེའི་ཟོག་འདྲེན་རླངས་འཁོར་གྱི་ཁ་ལོ་བར་དོགས་ཟོན་ཆེར་སྐྱེད་ཀྱིས་ཁྲིམས་སྲོལ་ལ་བརྩི་སྲུང་ཞུ་བ་དང་། དུག་འགོག་གི་འདུ་ཤེས་ཟབ་ཏུ་གཏོང་བ། སྨན་རྫས་གང་བྱུང་དུ་སྤྱོད་རྒྱུ་གཏན་འགོག དུག་འགོག་ལས་དོན་ལ་ཧུར་ཐག་ཞུགས་པ་བཅས་བྱེད་དགོས་པའི་འབོད་སྐུལ་བྱས་པ་རེད།

ཤེས་རྟོགས་བྱུང་བར་གཞིགས་ན། ད་ཐེངས་ཀྱི་དྲིལ་བསྒྲགས་བྱེད་སྒོར་ཁྱོན་བསྡོམས་དུག་འགོག་དྲིལ་བསྒྲགས་དཔྱད་ཡིག་30ལྷག་ཙམ་དང་དྲིལ་བསྒྲགས་དངོས་པོ་120ལྷག་ཙམ་སྤྲད་དེ་ཟོག་འདྲེན་རླངས་འཁོར་གྱི་ཁ་ལོ་བ་མི་ཐེངས་30ལྷག་ཙམ་ལ་སློབ་གསོ་བཏང་བ་རེད།

འདི་ནི་དུག་འགོག་མི་དམངས་ཉེན་རྟོག་པས་ཟོག་འདྲེན་རླངས་འཁོར་ཆེ་གྲས་ཀྱི་ཁ་ལོ་བར་དུག་འགོག་གི་དྲིལ་བསྒྲགས་སློབ་གསོ་སྤེལ་བཞིན་པ།